Македонија
Европратеници: Изборите – клучни за евроинтегративниот процес на Македонија

Предвремените парламентарни избори во Македониjа, што ќе се одржат на 5 јуни, ќе имаат клучно значење за eвроинтегративниот процес на земјата, сметаат европратениците, пренесува Дојче Веле на македонски јазик
„Предвремените парламентарни избори ќе бидат од клучно значење за државата во нејзиниот интегративен процес, како дел од исполнувањето на критериумите од Копенхаген“, вели во писмената изјава Ричард Хауит, известувачот за Македонија во Европскиот парламент.Британскиот европратеник притоа додава дека „обврската на владата и на сите политички партии е да се обезбедат слободни и фер избори.“За тоа како овие избори ќе се одразат врз евроинтегративните процеси на Македонија, словенечкиот европратеник Милан Звер вели: „Тешко, тешко е да се каже, не е само проблемот со името, постојат и некои други проблеми. Идната македонска влада ќе треба да пронајде силни соработници, пријатели и поддржувачи во ЕУ, што очигледно во моментов ги нема доволно.“„Проблемот со името останува се’ уште, тоа е можеби повеќе по грешка на Грција отколку на Македонија, но потребно е со новите импулси од изборите да се направи обид да му се стави крај на ова прашање, се разбира со зачувување на македонскиот идентитет, бидејќи токму околу ова се појави проблемот последниот пат во преговорите“, нагласува германската европратеничка Дорис Пак. „Потребно е да се оди и да се гласа! Се надевам, дека политичарите кои ќе победат на изборите вистински ќе се грижат за земјата и ќе се обидат да ја развиваат Македонија кон Европската унија“, додава таа.Европратениците во досегашниот тек на предизборната кампања останаа многу подискретни, тие што на еден или друг начин се вклучија во неа или беа во Македонија во овој период, предизборната кампања ја оценуваат како „демократска и фер“. „Мислам дека кампањата е добра и демократска, на многу добар пат со европски манири“, вели германскиот европратеник Бернд Поселт, еден од потврдените пријатели на Македонија.Во Стразбур не се крие очекувањето дека на денот на изборите и по нив, Македонија ќе треба да го покаже својот демократски капацитет, и се надеваат дека земјата ќе продолжи со реформите.Милан Звер, не сака да се меша во внатрешните работи и во политичката ситуација во Македонија. „Но би сакал да луѓето ги изберат оние кои ќе бидат поефикасни на подрачјето на реформите, кои ќе бидат проевропски и ќе остварат стабилност во регионот“.Македонија во овој период е под лупата на Стразбур и Брисел, каде не се заборавени проблемите со изборните процеси во минатото, ниту пак недостигот на политички дијалог меѓу водечките партии во земјата, што доведе до овие избори. Изборниот мониторинг од страна на странските набљудувачи, сигурно е дека ќе се најде и ќе влијае врз извештаите на Европскиот парламент, Европската комисија и Парламентарното Собрание на Советот на Европа, што ќе се одрази врз евроинтегративните процеси на Македонија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Шукова: Време е за резултати, уреден Бутел, нови паркови, подобар превоз и вода за сите

Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека Скопје мора да се гради со дела, а не со празни зборови.
„Вечерва не сум тука само како кандидатка за градоначалничка на Скопје. Тука сум, пред сè, како човек што верува во овој град и во луѓето што го прават Бутел дом,“ изјави Шукова.
Таа се осврна на реалните проблеми со кои се соочува општината запуштеното корито на Серава, недоволната инфраструктура, недостигот на јавен превоз и дотраената водоводна мрежа и истакна дека решенијата веќе се подготвени.
„Серава ќе стане место на кое ќе се гордееме уредено корито, пешачки и велосипедски патеки, зелена зона за сите. Новите паркови и 10.000 засадени дрвја ќе го вратат сјајот што Скопје го имаше пред децении,“ нагласи таа.
Посебен акцент стави и на водоснабдувањето и инфраструктурата:
„Денес, 60 проценти од питката вода се губи во системот. Време е за модернизација и стабилно снабдување со вода за секој дом. Новите мостови, клучки и булевари ќе го поврзат Бутел со целиот град и ќе овозможат безбедно и побрзо движење,“ рече Шукова.
Таа потсети дека во изминатите години градот беше заложник на неработење и популизам:
„Четири години ВМРО-ДПМНЕ ги запоставуваше општините. Време е за резултати, а не за слики и празни зборови. Половина од нашите проекти може веднаш да се реализираат,“ додаде таа.
Во својот говор, Шукова повика на единство и одговорност:
„Бутел не смее да биде изолиран. Бутел е почетна точка на модерното Скопје место каде што се инвестира, се гради и се слуша секој граѓанин.“
Македонија
Претежно облачно со врнежи од дожд, повремено пообилни

Времето денеска ќе биде претежно облачно со повремени врнежи од дожд кои ќе бидат пообилни во западните делови, каде се очекува локално да наврнат и над 25 l/m²дожд. Ќе дува слаб до умерен ветер од југоисточен правец.
Минималната температура ќе биде во интервал од 7 до 12, а максималната ќе достигне од 11 до 15 степени.
Во Скопје, претежно облачно со повремени врнежи од дожд, повремено пообилни. Ќе дува слаб до умерен ветер од југоисточен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Во сабота времето ќе биде променливо облачно со повремени локални врнежи од дожд со послаб интензитет. Потоа следува претежно стабилно време со потпросечни температури за овој период од годината.