Македонија
Георгиев: Во Македонија преовладува опозициско расположение
Потпретседателот на СДСМ Гордан Георгиев, оцени дека одзивот на денешните предвремени парламентарни избори, укажува на опозициско расположение кај гласачкото тело од партијата очекуваат ова расположение да се отслика и во изборниот резултат.
Потпретседателот на СДСМ Гордан Георгиев, оцени дека одзивот на денешните предвремени парламентарни избори, укажува на опозициско расположение кај гласачкото тело од партијата очекуваат ова расположение да се отслика и во изборниот резултат.„Досегашната пракса во Македонија, но и насекаде низ светот покажува дека голема излезност во принцип и одговара на опозицијата. Ако го тргнеме настрана процентот на излезност во шестката, во сите други изборни единици, одзивот на гласачите е поголем од изборите во 2002 година. Граѓаните бараат подобра иднина и бараат промени“, рече Георгиев на првата партиска прес конференција по затворањето на избирачките места. Од СДСМ обвинија дека ВМРО-ДПМНЕ го злоупотребила гласањето на дијаспората.„Сите три пратеници од дијаспората се избрани со вкупно 2.500 гласа, за разлика од изборните единици во Македонија каде што за избор на еден пратеник во просек се потребни најмалку 8.000 гласа. Со вака спроведени избори во дијаспората Груевски и ДПМНЕ ја погазија демократијата и ги понижија нашите државјани таму. Георгиев им се заблагодари на сите граѓани за масовниот одзив на изборите, потенцирајќи дека на тој начин се спречиле како што рече „црните сценарија“ кои што ДПМНЕ ги измислува во последните 20 дена.“Георгиев изрази надеж дека сите институции и политички партии ќе работат согласно Уставот и законите до крајот на изборниот процес и до објавувањето на конечните изборни резултати. крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Главчев: Се надевам дека Северна Македонија ќе ја продолжи европската перспектива, повеќе нема да правиме отстапки
Се надевам дека Северна Македонија ќе ја продолжи својата европска перспектива. Од наша страна, немаме каде да правиме повеќе отстапки. Згора на тоа, позицијата што ја имаме е паневропска позиција.
Ова го изјави вршителот на должноста премиер на Бугарија, Димитар Главчев по победата на кандидатот на ВМРО-ДПМНЕ Гордана Силјановска-Давкова на претседателските избори во Северна Македонија, јави „БГНЕС“.
„Да почекаме да видиме каква влада ќе се формира во Северна Македонија“, рече привремениот премиер.
Главчев додаде дека Бугарија нема повеќе да прави отстапки во однос на пристапните преговори на РСМ во ЕУ и ставот што го имаат е паневропската позиција.
„На нашите пријатели од Северна Македонија мора да им биде јасно дека ако не ги почитуваат барањата за прифаќање членство во ЕУ, тоа нема да функционира“.
Македонија
Џафери не кажа дали е подготвен да оди во опозиција: Тоа е прашање кое зависи од исходот на преговорите за состав на нова влада
По отчетот за 100 – те дена техничка влада, техничкиот премиер Талат Џафери вели дека е фокусиран на обврските од сегашната влада чиј мандат се уште трае. На новинарско прашање дали е подготвен да оди во опозиција со оглед на неколкуте изјави на лидерот на ВМРО-ДПМНЕ, Христијан Мицкоски, дека нема да преговара за коалиција со Демократската унија за интеграција, Џафери не даде конкретен одговор.
„Јас сум премиер и размислувам за мандатот што треба да го завршам. Тоа се прашања на органите на партијата и во тој контекст да завршат преговорите, другото е прашање на исходот од преговорите за состав на нова влада“, рече техничкиот премиер Џафери.
Немаше конкретен одговор ниту на прашањето дали граѓаните треба да очекуваат тој да добие уште еден мандат како премиер оти неговата матична партија е дел од коалицијата која освои 19 пратенички мандати.
„Јас сум фокусиран на обврските на составот на Владата што ја водам, впрочем мандатот на оваа Влада е до избор на нова. Работата на конфигурацијата на новата влада е работа на преговори на политичките субјекти кои што добиле мандати во Собранието по изборите одржани на 8 мај. По тоа прашање треба да се очекува резултат од таму“, рече Џафери.
На парламентарните избори во средата коалицијата „Европски фронт“ на ДУИ освои 19 мандати, а нивниот опонент во албанскиот блок, коалицијата ВЛЕН доби 13 мандати.
Лидерот на ВМРО-ДПМНЕ кои освоија 58 мандати во Собранието, по изборите кажа дека преговара со ВЛЕН за состав на новата Влада
Македонија
(Видео) Првиот премиер Албанец на Македонија: Со мирна совест можам да кажам дека тоа што го најавив пред сто дена, го спроведов
Претседателот на Владата, Талат Џафери на денешната прес-конференција кажа дека се обврзал пред граѓаните дека ќе овозможи слободно изразување на граѓанската волја на двојните избори и тоа заедно со Владата го исполниле.
„Спроведовме европски избори во слободни, фер процеси и во двата изборни круга. Избори кои ќе се спомнуваат како може да се сработи во интерес на граѓаните и државата. Придонесовме во европското поведение на земјата која се стреми да биде членка на ЕУ. Изразувам благодарност до институциите и граѓаните, беа на висина на одговорноста и придонесоа кон нашите искрени заложби, државата да напредува според европските вредности. Вака на дело се работи за големата европска идеја. Очекувам овој процес да го следи и следниот владин состав, затоа што иднината на Северна Македонија, мирот, спокојот и перспективите на граѓаните се директно поврзани со напредок во евроинтеграциите и реализацијата на полноправното членство до 2030. Шансата е пред државата и пред новата влада, исто така и одговорноста“, рече Џафери.
„Со чист образ, мирна совет и должна почит кон граѓаните можам да оценам дека тоа што најавив кога стапив на должност, пред 100 дена, го спроведов. Потврдив дека моето именување за премиер како прв премиер Албанец на Северна Македонија е уште еден придонес за демократијата“, додаде Џафери.