Македонија
Кривични за Петров и Нинов?
Државната комисија за спречување на корупција (ДКСК) денеска информираше дека постојат основани сомневања за кривична одговорност на СДСМ и А1 телевизија, бидејќи според финансиските извештаи донацијата која телевизијата и ја дава на партијата за платено политичко рекламирање го надминува законскиот лимит.
Доколку следат кривични пријави тие ќе бидат упатени на адресите на потписниците на наменските изборни сметки, во случајов управителот на А1, Славко Нинов и генералниот секретар на СДСМ, Андреј Петров.
Во Извештајот од А1 ТВ се наведува дека за 13 часа, 53 минути и 35 секунди платено политичко рекламирање на СДСМ, А1 ТВ треба од СДСМ да наплати 430.239.855 денари. Се додава дека телевизијата не дала попуст, што значи дека долгот на СДСМ, кон А1 ТВ останува отворен за целиот тој износ од 430.239.855 денари.
Како што посочи претседателот на ДКСК, Воислав Зафировски во истиот извештај од телевизијата се вели дека СДСМ им платил 6.531,300 денари, што според него можно е тоа да се цесиите, но констатира дека останува долг што СДСМ треба да го исплати на А1 ТВ, во износ од 423.708.555,00 денари, што е за цели 101.131.455,00 денари пречекорен максималниот законски лимит на средства, кои СДСМ може да ги потроши во изборната кампања – 329.108.400,00 денари.
„Но, затоа пак, во Извештајот од А1 ТВ, во рубриката побарувања, ставено е дека СДСМ нема долг кон А1 ТВ, или со други зборови, А1 ја донира кампањата на СДСМ со износ од 423.708.555 денари“, истакна Зафировски.
Исто така според Антикорупциска комисија е спорен и кредитот од Комерцијална банка што СДСМ во извештајот го прикажува како донација.
„ДКСК ќе ги провери условите под кои е земен кредитот, односно, ќе утврди дали тој е даден со одредени поволности вон стандардните услови што ги дава Банката, со што ќе се расчисти дилемата дали е донација од Банката, ако е донација колкава е таа, а што е кредит од тој цел износ“, рече Зафировски.
Тој прикажа и договори кои А1, СДСМ и останати правни лица ги имаат склучено како цесии, при што за членовите на Антикорупциска меѓу А1 ТВ, СДСМ и Мулти Медијатор Скопје, во вкупна вредност од 1.200 илјади денари, кој дополнително ќе биде проверен.
Зафировски укажа дека ДКСК, по проверката на пристигнатите банкови извештаи, ќе одлучи за покренување иницијатива за кривично гонење, како на организаторите на изборната кампања што не поднесоа конечен финансиски извештај, за партиите СДСМ, ЛДП, НДУ и ПДП така и за СДСМ, и за А1 ТВ.
ДКСК ќе поднесе барање за поведување на прекршочна постапка против националните радиодифузери кои ненавремено доставија или воопшто недоставија извештај, односно против А1 ТВ и ТВ Алб.
Од конечниот финансиски извештај на ВМРО – ДПМНЕ, ДКСК констатира дека партијата го нема надминато законски пропишаниот лимит.
ДУИ има позитивен остаток од 6.488,50 денари, ДПА остварил минус од 1.843.168 денари и НДП има остаток од 917 денари./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски-Јанош Лазар: Изградба на брза пруга и квалитетно поврзување со земјите од Централна Европа е приоритет
Заменик претседателот на Владата и министер за транспорт Александар Николоски, денеска во Охрид оствари билатерална средба со министерот за градежништво и инвестиции на Унгарија, Јанош Лазар.
Средбата е дел од работната посета на Македонија од страна на делегацијата на Владата на Унгарија која ја предводи премиерот Виктор Орбан.
Во фокусот на средбата беше изградба на брза пруга на Коридор 10 и квалитетно поврзување на Скопје со Будимпешта, односно поврзување на Македонија преку брза пруга со пристаништата во Грција и со земјите од Централна Европа.
“Ова е проект што ќе донесе големи придобивки за сите земји од регионот, ќе го зајакне економскиот развој и соработка меѓу земјите и ќе овозможи сигурен и брз транспорт на патници и производи. Го фаќаме последниот чекор Македонија да се приклучи на напредните технолошки достигнувања во железницата во регионот и затоа овој проект е приоритетен, не само за нас туку за сите земји долж Коридор 10”- истакна заменик претседателот на Владата и министер за транспорт Александар Николоски.
Министерот Николоски ја потенцира важноста на поддршката на земјите од Европската Унија за реализација на еден ваков проект бидејќи како што нагласи, брзата пруга е услов за економски развој и подобра комуникација за сите земји од регионот.
На средбата се разговараше и за искустава и практики што се применуваат во двете земји во различни сегменти на транспортот, градежништвото и инвестициите.
Министерот исто така информираше и за забрзаните активности за реализација на крупните капитални проекти во Македонија. Тој изрази благодарност за економската поддршка од Унгарија кон нашата земја, потенцирајќи дека средствата од заемот веќе се насочени кон општините за реализација на инфраструктурни проекти.
“Билатералните односи со Унгарија ни се на одлично ниво. Унгарија како дел од Европската Унија е стратешки партнер на Македонија и голем подржувач во реализација на стратешките цели на земјата и во делот на политичките и во делот на економските развојни политики” – истакна Николоски по средбата.
Двајцата министри се согласија на интензивирање на соработката и унапредување на политиките кои се однесуваат на регионалното поврзување.
Македонија
Билатерална средба на министерот Панче Тошковски со унгарскиот колега Шандор Пинтер
Министерот за внатрешни работи Панче Тошковски, денеска во Охрид оствари билатерална средба со министерот за внатрешни работи на Република Унгарија, Шандор Пинтер.
На средбата беше разговарано за повеќе прашања од заеднички интерес на двете држави, особено за соработката во борбата против илегалната миграција и криминалот со криумчарење на лица.
Беше потенцирана потребата за продлабочување на соработката помеѓу Центарот за обука на МВР и унгарското полициско училиште за спроведување на законот во делот на спроведување на заеднички обуки.
Исто така, министерот Пинтер упати покана до министерот Тошковски да уќествува на претстојната конференција на министри за внатрешни работи во рамки на Будимпештанскиот процес, која ќе се одржи во Будимпешта во ноември оваа година.
Скопје
Стефковски: Ова е време на дела за Гази Баба
Градоначалникот на општина Гази Баба Бобан Стефковски утрово беше во посета на Стајковци каде што направи увид на градежните активности за асфалтирање на улица 3.
За посетата, градоначалникот Стефковски информираше на својата официјална страна на фејсбук на која напиша:
„Денешниот работен ден го започнавме со увид на градежните работи за асфалтирање на улица 3 во Стајковци. Жителите од оваа улица повеќе од 60 години газеле кал и земја. Дадениот збор пред граѓаните се исполнува! Ветив дека оваа улица ќе се асфалтира и денес тоа станува реалност! Реализираме инвестиции во патната инфраструктура како никогаш досега! Асфалтирани се повеќе од 70 локални улици во изминатите скоро три години од мојот мандат. Тука нема да застанеме! Продолжуваме понатаму! Ова е време на дела за Гази Баба! – напиша Стефковски.