Македонија
„Утрински весник“ излезе од печат
„Утрински весник“ денеска излезе во продажба и покрај вчерашните најави дека весникот нема да се печати, поради незадоволство на поголем број на вработените од најавите за кратења на десет работни места.
„Утрински весник“ денеска излезе во продажба и покрај вчерашните најави дека весникот нема да се печати, поради незадоволство на поголем број на вработените од најавите за кратења на десет работни места.
На насловната страница стои пораката на главниот уредник Соња Крамарска за која , како што кажа новинарите кои протестираа вчера, не стои зад протестот.
„И како новинар и како главен уредник ја поддржувам синдикалната борба да ги зачуваме сите вработени и да најдеме патишта весникот непречено да излегува. Но, сум против тоа да ги казниме нашите читатели и огласувачи, весникот да не излегува. Моќта на „Утрински весник“ е кога е на пазарот, кога е пред јавноста. Денес кога 50.000 луѓе ќе кликнат на интернет да го видат својот весник и кога повеќе илјади граѓани ќе појдат на трафика да го купат, мало е оправдувањето дека ние протестираме на овој начин што ги казнуваме читателите“, пишува Крмарска.
Таа во својот текст ги повикува своите колеги да продолжат со работа а синдикатите и еснафските здруженија со нивна поддршка да ги почнат преговорите.
Новинарите на вчерашниот протест рекоа дека новинарските плати во Утрински се движат меѓу 200 и 400 евра, така што најавеното отпуштање на 10 колеги, нема осетно да влијае на финансиската состојба во весникот поради која менаџментот сака да ги скрати работните места./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

