Македонија
Престанува важноста на времените потврди за таксистите

Престанува важноста на времените потврди за авто-такси превозниците. Таксистите ќе работат исклучиво со лиценца издадена од Град Скопје.
Престанува важноста на времените потврди за авто-такси превозниците. Таксистите ќе работат исклучиво со лиценца издадена од Град Скопје.„Сите кои имаат доставено документација за регулирање на статусот авто-такси превозник, времено да запрат со превозот на патници, сé до издавање на лиценците и до унифицираното бележење на нивните такси возила, во согласност со Одлуката за авто такси превоз“, стои во соопштението на Град Скопје.Од таму велат дека градските сообраќајни инспектори вршат перманентни контроли и сите превозници кои нелегално работат и не ја почитуваат Одлуката за такси превозот на подрачјето на Скопје, ќе бидат казнети од 200 до 500 евра или со одземање на возилото.Околу илјади таксисти вчера добија лиценци за возење. Согласно новата Одлука за авто-такси превоз, такси возилото ќе биде унифицирано во надворешното обележување и во внатрешниот изглед на возилото. Секое такси возило заедно со лиценцата што ја добива од Градот, добива и такси табла која стои на горниот дел од возилото. На задното и на предното крило од двете страни на возилото, предвидено е да стои единствен матичен број на возилото. Такси возилата ќе бидат видно обележани и со надолжни налепници, изработени од ретрорефлектирачка фолија која е лесно забележлива и во темнина и заштитена од фалсификување.Во внатрешниот дел на секое возило, унифицирано се поставуваат информации за извод од лиценцата на авто-такси возилото, легитимација на возачот и тарифа за наплата, кои се поставени во предниот дел од возилото. крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Кузеска: Сања Божиновска создаде хаос во енергетиката кој го плаќаат граѓаните

По една година власт на ВМРО-ДПМНЕ и министерувањето на Сања Божиновска во новоформираното Министерство за енергетика, можеме јасно да заклучиме: 0 резултати, 0 реформи, 0 проекти, обвини Богданка Кузеска, портпаролка на СДСМ.
„Гледаме е целосен распад на енергетскиот систем, поради неспособноста на Божиновска. ЕСМ како најголем производител на електрична енергија потфрли за цели 35% од планираното производство за 2025 година. Официјалното објаснување е дека планот бил „преамбициозен“, што само го потврдува погрешното управување со секторот. За првпат во последниве 35 години, РЕК Битола не работеше повеќе од седум дена. Во истиот период, РЕК Осломеј од 8 јуни до денес не е вратен на мрежа. Во рудникот Суводол се случи сериозна хаварија – лизгање на јаловинскиот систем, што го загрозува производството и безбедноста на работниците. ТЕЦ Осломеј не се користи за производство, туку за партиски вработувања – на луѓе ставани на списоци преку социјални мрежи“, рече таа.
Според Кузеска, енергетска зависност денеска е повисока од кога било досега.
Кузеска изјави дека во првата година од владеењето на ВМРО-ДПМНЕ, Македонија увезла повеќе струја отколку во трите години претходно заедно.
Исто така, Кузеска рече дека новото раководство на ЕСМ потрошило една милијарда денари повеќе, а трошоците на претпријатието се зголемени за дополнителни 400 милиони денари.
„Тоа значи поскапа струја која на крајот ја плаќаа граѓаните од својот џеб“, рече Кузеска.
Додека министерката се слика по постројки и објавува промотивни видеа, додаде таа, граѓаните плаќаат поскапа струја, а системот се распаѓа.
„Дали министерката има склучено договор за правни консултации со познат адвокат близок до ВМРО-ДПМНЕ? И која е неговата улога, советничка или посредничка? Се поставува прашањето дали одредени соработки со адвокати укажуваат на постоење коруптивна мрежа во министерството која води директно до министерката? Очекуваме одговори а за ова повеќе информации ќе изнесеме во следниот период“, рече Кузеска и додаде дека министерката Сања Божиновска не е само најслабиот министер во Владата на Мицкоски туку е и симболот за енергетскиот хаос што го живеат и скапо го плаќаат граѓаните.
Македонија
(Видео) Атанасов: Во Неготино, СДС кандидира човек кој е продолжена рака на Заев и Филипче

За многу брзо, ќе бидеме пред важна изборна одлука. Повторно се бара од нас да избереме – помеѓу прогрес и стагнација, помеѓу одговорност и заборав, помеѓу иднина и минато.
Од спротивниот табор, СДС ни предлагаат кандидати кои не се ништо друго освен продолжена рака на истите стари навики, истакна на прес-конференција Стојанче Атанасов, член на ОК ВМРО-ДПМНЕ Неготино.
Според него тоа е само уште една алка од синџирот на корупција кој со години го гуши нашиот град.
„СДСМ веќе покажа што знае – и тоа не е работа, туку распродавање. Не е грижа за граѓаните, туку грижа за тендери, за блиски луѓе, за личен интерес.
Неготино се споменува низ државата, но не како пример за развој, туку како симбол на неодговорност и коруптивност“.
И сега повторно, додава тој, истата партија сака нов мандат.
„Повторно истите луѓе, со истите структури, со истите интереси. Дали ќе дозволиме повторно градот да се води од сенка?
Ние велиме – доста е!
Ова не е изборна кампања. Ова е борба за достоинство на нашиот град. Потребна е локална власт која не се крие, туку одговара. Власт која работи, а не режира. Власт која носи промени, а не оправдувања“, истакнува Атанасов.
Македонија
(Видео) Мицевски: СДС и Венко Филипче ја злоупотребуваат трагедијата во Кочани за ситни политички поени

СДС и Венко Филипче ја злоупотребуваат трагедијата во Кочани за ситни политички поени.
Само СДС може да користи трагедија како таа во Кочани за политички калкулации, вели Јане Мицевски, пратеник и член на ЦК на ВМРО-ДПМНЕ.
„Некрофилијата на СДС оди дотаму што ја подгреваат атмосферата од Советот на општина Кочани преку нивниот тепач, до јавниот настап на нивните функционери и прекиот суд на прес-конференции.
СДС и Венко Филипче имаат за цел дестабилизација на состојбата во Кочани, создавање на хаос и ширење на силна омраза помеѓу луѓето“.
СДС и Венко Филипче, додава тој, се тргнати да градат сопствена среќа на туѓа несреќа и тоа народот го гледа и ќе го казни.
Според Мицевски, ниту во Кочани, ниту било каде во Македонија народот им верува на СДС и Филипче.
„И веќе многу лесно им ги чита мотивите“.