Македонија
Продолжена ролерската патека на левата страна на Вардар
Градоначалниците на Скопје и на општина Гази Баба, Коце Трајановски и Тони Трајковски денеска ја пуштија во употреба новата ролерско велосипедска патека, на кејот на левата страна на Вардар, од фабриката „Комуна“, до мостот „Близнак“.
Градоначалниците на Скопје и на општина Гази Баба, Коце Трајановски и Тони Трајковски денеска ја пуштија во употреба новата ролерско велосипедска патека, на кејот на левата страна на Вардар, од фабриката „Комуна“, до мостот „Близнак“.Патеката е долга 2.338 метри и широка четири метри и претставува продолжение на ролерската патека, која води од центарот на градот.Новата патека е асфалтирана, означена со хоризонтална сигнализација и со сообраќајни знаци. Градежните работи ги извршија екипите на ЈП „Улици и патишта“ и фабриката „Карпош“, а нејзината изградба чини околу седум милиони денари.„Со оваа патека, ние го реализираме нашето ветување дека левата страна на Вардар ќе ја направиме да биде иста како и десната“, рече Трајановски.Патеката ќе биде осветлена во октомври, а следната година предвидено е да се гради и пешачката патека на овој дел. „Незнам дали ќе имаме доволно средства за неа, но во секој случај ќе ја почнеме и ќе бараме донатори, од фирмите кои гравитираат во овој дел, со што комплетно ќе биде направен левиот кеј на вардар, рече Трајановски.Според градоначалникот на Гази Баба, новата патека на кејот на Вардар ќе претставува место за рекреација за жителите на Автокоманда и Керамидница.„За жал населбата Керамидница во минатото беше градена без некој урбанистички план. Сега со деталниот план и уредувањето на вакви простори ова ќе биде едно од најубавите места за живеење, не само во општината“, рече Трајковски. /крај/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
Денешната средба меѓу Мицкоски и Орбан не носи ништо ново ниту надежно за македонските граѓани. Оваа посета Мицкоски требаше да ја искористи и јавно да го праша Орбан, зошто амбасадорот на Унгарија, инаку земја претседавач на ЕУ, гласал за одвојување на Македонија и Албанија, велат од СДСМ.
„Ова требаше да го праша Мицкоски. Зошто македонските граѓани, во неговото претседавање се доведени во ситуација да бидат последни во редот за приклучување во ЕУ? Ако тоа воопшто некогаш се случи. Мицкоски требаше да го праша Орбан зошто не помогна, како стратешки партнер, во периодот кога договарале кредити од сомнително, кинеско потекло, да се промени преговарачката рамка, како што ветуваше Мицкоски“, посочуваат од партијата и додаваат:
„Мицкоски и Орбан не понудија ништо за граѓаните, освен што одлучија да ги задолжат за нови 500 милиони евра и да ја закопаат европската перспектива на државата“.
Македонија
Дурмиши: Утре стапува во сила Законот за нефер трговски практики, очекуваме дополнително намалување на цените на земјоделските и прехранбените производи
„Законот за нефер трговски практики во синџирот на снабдување на земјоделски и прехранбени производи започнува на 28 септември 2024, односно утре.
Тоа значи дека утре е крајниот рок до кој купувачите и добавувачите треба да склучат нови договори за снабдување на земјоделски и прехранбени производи во кои на 10% е ограничен рабатот и дополнителните трошоци односно надоместоци. Листата на земјоделски и прехранбени производи содржи 2548 тарифни броеви. Тука се производите кои се со 5% ддв и 10% ддв, кажа во изјава за медиуми министерот за економија и труд Бесар Дурмиши.
Како што информираше министерот Дурмиши, надоместоци се дозволени не повисоко од 10% од остварениот промет во тековната година, за:
-ставање на полици на продажното место на купувачот,
-рекламирање на земјоделски и прехранбени производи,
-маркетинг на земјоделски и прехранбени производи,
-ангажирање на персонал за опремување на просториите на купувачот во кои се врши продажба на земјоделски и прехранбени производи
-рабат (национално утврдување)
„Сакам да потенцирам дека овој закон не ја регулира трговската маржа, туку ги забранува дополнителните трошоци (надоместоци) кои добавувачите морале да ги плаќаат за нивните производи да се продаваат од купувачите. Со примена на овој закон очекуваме резултати на долг рок и намалување на цените на овие производи на листата од најмногу 10%, односно првите резултати со намалени цени ги очекуваме до крајот на октомври кога очекуваме дека ќе се потрошат залихите од претходните договори и ќе почнат да се продаваат производите согласно новите договори. Законот како што знаете донесен е на 20 март 2024 година и трговците и добавувачите имаа рок од шест месеци да ги усогласат договорите, односно да склучат нови договори, не подоцна од 27 септември. Што значи дека од утре почнува и ефективната примена на овој Закон“ кажа министерот.
Овој Закон е носен во соработка со сите засегнати страни, односно со трговците, производителите и дистрибитерите и нема да има одложување на неговата примена.
Контролата за промена на овој Закон ја врши Комисијата за заштита од конкуренција.
„Во координација Комисијата за заштита од конкуренција во наредните три месеци, односно до крајот на годината за да излеземе во пресрет на сите засегнати страни, доколку се утврди дека при склучување на новите договори не се испочитувани одредбите на Законот ќе има опомени, односно нема да се преоѓа веднаш на казнување. Односно во следниот период од 3 месеци односно до крај на 2024 година, ќе се соработува со компаниите за да утврди дали се правилно склучени договорите односно дали се опфатени соодветно одредбите од законот. Од 2025 година ќе се вршат редовни контроли од Комисијата за заштита на конкуренцијата.
Во меѓувреме со цел да ги заштитиме граѓаните од ценовни шокови додека да почнат да се чуствуваат првите резултати од Законот за нефер трговски практики ја донесовме одлуката за ограничување на маржата на 10% во трговија на големо и трговија на мало на 73 основни прехранбени производи. Одлуката се спроведува, односно според првичните анализи на Министерството за економија цените на овие производи се намалени во просек од 5-10% Кај некои производи намалувањето е помало, а кај некои производи и го нема затоа што кај овие производи маржата не била повисока од 10%“, посочи Дурмиши.
Македонија
Мицкоски: Со одлуката за раздвојување од Албанија задоволни беа само бугарските политичари и македонската опозиција
Жалам што поради одлуката за раздвојување на Северна Македонија и Албанија на патот кон ЕУ, задоволни беа само две страни, а тоа се политичарите во Бугарија и опозицијата кај нас дома. Само тие се радуваа на оваа одлука, која не само што не е фер, туку е многу погрешна порака кон македонските граѓани, изјави премиерот Христијан Мицкоски, одговарајќи на новинарско прашање на заедничката прес-конференција со унгарскиот премиер, Виктор Орбан.
Тој рече дека не смееме да губиме надеж и да се разочаруваме, иако многупати се разочаруваме во овие децении.
„Жалам што мораме да бидеме жртва на билатеризација, а не на исполнување на копенхагешките критериуми, но ќе прдолжиме да работиме напорно и да ги решаваме проблемите дома кои се напластени и се наше наследство од претходната Влада“, изјави Мицкоски.
На Албанија и посака што поскоро да го заврши процесот на преговори, со надеж дека и ние еден ден ќе можеме да седнеме на таа маса.
„Мора да се занимаваме со реалноста, и можеби еден ден и ние ќе бидеме оценувани по исполнување на Копенхагешките критериуми, а не по билатералните проблеми кои најчесто се однесуваат за средниот век, а не да зборуваме за иднината која што е суштината на постоењето на ЕУ“, рече Мицкоски.
Орбан ја повтори својата поддршка за членството на Северна Македонија во ЕУ, коментирајќи го како историска грешка тоа што се’ уште не сме ги почнале преговорите, а таа грешка, како што рече, сега е двојно поголема со одделувањето на Албанија која забрзано оди на патот кон ЕУ. Орбан му претставил на Мицкоски предлог за изнаоѓање на решение со Бугарија, и се понуди како земја-претседавач со ЕУ, Унгарија да посредува во разговорите. Орбан повтори и дека националната гордост е најважна за една нација.