Докторските студии од септември ќе бидат организирани како трет циклус на студии, ќе чинат речиси двојно повеќе од сега, а за звање доктор ќе мора да се полагаат испити.

Докторските студии од септември ќе бидат организирани како трет циклус на студии, ќе чинат речиси двојно повеќе од сега, а за звање доктор ќе мора да се полагаат испити.

„За прв пат во Македонија започнуваат докторски студии со полагање испити, за разлика од досега кога докторски титули се добиваа само со изработка и одбрана на докторска дисертација“, рече денеска деканот на Правниот факултет во Скопје, Борче Давитковски.

По измените на Законот за високо образование, правниот и филозофскиот факултет се првите два факултети кои денеска добија решенија за почеток на докторски студии кои се предвидени како трет циклус на студии кој ќе трае околу три години.

Како што кажа Давитковски цената на докторските студии  ќе се движи од 4000 до 5300 евра во зависност од карактерот на  студиите.

Министерот за образование и наука, Никола Тодоров кој денеска им ги врачи решенијата на деканите повтори дека според новите критериуми секој ментор ќе може да има само тројца студенти – докторанти и дека спред  точно одредени критериуми  утврдени со Законот за високо образование се знае кој може да биде ментор.

Тој додаде дека почнувајќи од 2015 година  е предвидено од студентите на докторските студии да се бираат и соработниците на факултетите.

Михаил Петковски, претседателот на Одборот за акредитација и евалуација на образованието рече дека најмногу акредитации има од Универзитетот Кирил и Методиј, додека другите  државни универзитети се помалку застапени а од приватните се уште немаат поднесено за акредитации за докторски студии./крај/ми