Портпаролот на грчкото Министерство за надворешни работи Григорис Делавекурас ја обвини Македонија за водење негативна кампања против Грција, што според него негативно влијае на добрососедските односи, како еден од условите за натамошна евроатланска интеграција на земјата.

Портпаролот на грчкото Министерство за надворешни работи Григорис Делавекурас ја обвини Македонија за водење негативна кампања против Грција, што според него негативно влијае на добрососедските односи, како еден од условите за натамошна евроатланска интеграција на земјата.

Во интервју за радио „ВИМА“, Делавекурас целокупната одговорност за надминување на спорот со името и деблокада на интеграцијата во ЕУ и НАТО ја препишува на премиерот Никола Груевски.

„Решението може да дојде веднаш, ако Владата на господинот Груевски конечно одлучи да ја откочи европската иднина на земјата, која во моментов води политика насочена против Грција. Систематски имаме негативната пропаганда против Грција, која ја спречува соработка меѓу двете земји. Ние веруваме дека за доброто на двете земји е да имаат добрососедски односи, а тоа е предуслов за поранешна југословенска Република Македонија да стане членка на Европската унија и НАТО. Но, одговорноста јасно му припаѓа и на господинот Груевски. Ако господинот Груевски одлучи дека е дојдено времето во Скопје да направи чекор што го заслужува, тоа можеме да го постигнеме преку решение што ќе биде име со географска одредница за севкупна употреба“, вели Делавекурас.

Тој, исто така, во интервјуто го критикува поставувањето на споменици во центарот на Скопје, кое, како што вели, ги надминало сите граници. /крај/mfa.gr/ач