Македонија
Волерс: Решавањето на спорот со името е ваша работа
Надминувањето на спорот со името е работа на Македонија и Грција, а САД можат да помогнат единствено со совет, рече новиот американски амбасадор во Скопје Пол Волерс, откако денеска со предавањето на акредитивните писма на претседателот Ѓорге Иванов официјално ја презеде функцијата.
Надминувањето на спорот со името е работа на Македонија и Грција, а САД можат да помогнат единствено со совет, рече новиот американски амбасадор во Скопје Пол Волерс, откако денеска со предавањето на акредитивните писма на претседателот Ѓорге Иванов официјално ја презеде функцијата.
Волерс изрази поддршка за процесот воден под покровителство на Обединетите Нации и посочи дека САД ќе го поддржат секое решение што ќе произлезе од разговорите меѓу Скопје и Атина.
“Очигледно е дека нашата позиција за името не се променила. Ние ја признавме Република Македонија. Сфаќаме дека е големо прашање. Ние го поддржуваме процесот воден под покровителство на Обединетите Нации и било кој резултат што ќе произлезе од разговорите меѓу Грција и Македонија, што заеднички ќе го договорат, ние ќе го поддржиме. Тоа не е прашањето ние треба да го решаваме, туку тоа е прашање што вие треба да го решавате, но ние ќе бидеме тука за помош и совет колку што можеме. Позицијата во врска со ова отсекогаш била истата“, рече Волерс.
Новиот американски амбасадор ги посочи областите во кои Вашингтон очекува напредок.
„Не би рекол дека има назадување на нивото на демократија. Мислам дека секогаш има прашања со кои треба да се соочите, имало отворени прашања и претходно, што значи дека ова не е нешто ново. Но, мислам дека има прашања што дефинитивно треба да бидат надминати и со кои мора да се соочите, во поглед на владеењето на правото, независноста на судството, независноста на медиумите – тоа се важни фактори во секоја демократија. Македонија не е ништо поразлична од било која друга земја и Македонија треба да се соочи со отворените прашања како секоја друга земја“, рече Волерс.
Слична порака Волерс упати и при предавањето на акредитивните писма на претседателот Иванов, кој му посака успех во работата, но го спомена и очекувањето на македонските власти за полноправно членство на земјата во НАТО на следниот самит што ќе се одржи токму на американско тло, во Чикаго.
„Вам ви е добро познат и проблемот со нашиот сосед, кој преставува пречка во интегративните процеси. Ние сме целосно посветени за што поскоро изнаоѓање на решение прифатливо за двете страни. Нашите граѓани ги трпат последиците од овој проблем кој Грција го има со нашето име, а кој е целосно неразбирлив, како од перспектива на времето во кое живееме, 21-от век, така и од аспект на сите мерки на добра волја кои Република Македонија до сега ги има превземено за да ги покаже своите најискрени добрососедски намери. Но, не сме обесхрабрени, сакаме и веруваме дека до решение можеме да дојдеме со заемна подготвеност, со заемно почитување и придржување до рамката на разговорите, зададена со резолуциите на ООН“, рече Иванов.
Волерс, кој вчера пристигна во Скопје, е дипломат од кариера кого Сенатот, на 2 август 2011, едногласно го потврди како амбасадор на САД во Република Македонија. Пред неговата номинација, тој беше заменик извршен секретар во Стејт департментот.
Волерс претходно служеше како директор на Канцеларијата за Кавказ и регионални конфликти во Бирото за европски и евро-азиски прашања, беше заменик шеф на мисија и вршител на должноста амбасадор во Амбасадата на САД во Скопје, беше заменик директор на Штабот на Извршниот секретаријат и виш надзорник во Центарот за операции.
Претходно во својата кариера, Волерс беше на дипломатски позиции во амбасадите на САД во Букурешт, Москва и Никозија. Во Вашингтон, во Бирото за политичко-воени работи, Волерс работеше на прашања поврзани со контрола на оружје, а беше и деск офицер за Бангладеш во Бирото за Јужна Азија.
Тој исто така работеше во Штабот на Извршниот секретаријат. Пред да дојде во Стејт департментот, амбасадорот Волерс служеше како офицер во Морнаричката авијација на САД. Има диплoмирано на Морнаричката академија на САД и докторирано на Универзитетот Вашингтон. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Првиот премиер Албанец на Македонија: Со мирна совест можам да кажам дека тоа што го најавив пред сто дена, го спроведов
Претседателот на Владата, Талат Џафери на денешната прес-конференција кажа дека се обврзал пред граѓаните дека ќе овозможи слободно изразување на граѓанската волја на двојните избори и тоа заедно со Владата го исполниле.
„Спроведовме европски избори во слободни, фер процеси и во двата изборни круга. Избори кои ќе се спомнуваат како може да се сработи во интерес на граѓаните и државата. Придонесовме во европското поведение на земјата која се стреми да биде членка на ЕУ. Изразувам благодарност до институциите и граѓаните, беа на висина на одговорноста и придонесоа кон нашите искрени заложби, државата да напредува според европските вредности. Вака на дело се работи за големата европска идеја. Очекувам овој процес да го следи и следниот владин состав, затоа што иднината на Северна Македонија, мирот, спокојот и перспективите на граѓаните се директно поврзани со напредок во евроинтеграциите и реализацијата на полноправното членство до 2030. Шансата е пред државата и пред новата влада, исто така и одговорноста“, рече Џафери.
„Со чист образ, мирна совет и должна почит кон граѓаните можам да оценам дека тоа што најавив кога стапив на должност, пред 100 дена, го спроведов. Потврдив дека моето именување за премиер како прв премиер Албанец на Северна Македонија е уште еден придонес за демократијата“, додаде Џафери.
Скопје
Герасимовски: Лицата со попреченост ќе може да користат бесплатен превоз до болница, издвоивме 500.000 денари за оваа намена
Градоначалникот на општина Центар Горан Герасимовски ги повикува граѓаните со попреченост да ја користат услугата за бесплатен транспорт до здравствените установи за што општината има потпишано Меморандум за соработка со Црвен крст на Република Северна Македонија.
Станува збор за бесплатен превоз до здравствените установи со наменски возила на Црвениот Крст за корисници над 18 години, кои користат ортопедско помагало (инвалидски колички, дубаци или одалки), а живеат на територија на Општина Центар, како и лица над 18 години кои не користат ортопедско помагало, но поради болест се во лежечка состојба (неподвижни). За оваа услуга општината издвои 500.000 денари од сопствениот буџет со цел да им го олесни пристапот до болниците и лекарите на граѓаните кои имаат најголема потреба за тоа. Оваа услуга само за еден месец ја искористиле 42 граѓани. Градоначалникот на општина Центар Горан Герасимовски упатува апел до граѓаните кои ги исполнуваат условите да го закажат својот бесплатен превоз до потребната болница.
„Бесплатниот превоз до болниците верувам дека е големо олеснување за семејствата и корисниците кои не се во можност често да ги користат здравствените услуги. Ова е исклучително важна мерка особено за лицата кои немаат помагала или не се во состојба да се движат. Затоа доколку корисникот е подвижен превозот ќе биде реализиран со мало наменско возило на Црвениот крст, а доколку тој е неподвижен превозот ќе се спроведе со специјално наменско возило. Граѓаните кои имаат потреба ги повикувам да ја користат оваа услуга. Бесплатниот транспорт граѓаните мора да го закажат минимум 24 часа однапред јавувајќи се на телефонскиот број 02/15330, во контакт центарот на ЦКРСМ или секој работен ден од 6:00 до 0:00 часот. Со остварување на еден телефонски повик може да се закаже превоз за еден корисник, до една конкретна дестинација од 8:00 до 16:00 часот. И еден корисник бесплатниот превоз во еден правец може да го користи максимум 10 пати во текот на 1 година, но доколку имаат потреба од повеќе истиот може да го платат согласно ценовникот на Црвен крст“, потсетува градоначалникот Герасимовски.
Герасимовски исто така потсетува и на другите проекти кои се реализираат во општината како едукативните работилници и обуки за давање прва помош со кои воспитувачите, негувателите, наставниците, осмооделенците и другиот стручен кадар во детските градинки и училиштата се здобија со знаења и вештини за соодветно и навремено постапување во ургентни ситуации, односно давање на прва помош, пред се, на децата. Како и едукативните работилници преку кои децата од возрасните групи од сите градинки и клонови се здобиваат со знаења во врска со здравите навики и одржувањето на личната хигиена како и многуте реализирани крводарителски акции за обезбедување крвни компоненти за потребите на здравствениот систем.
Општина Центар ќе продолжи да ги негува проектите со Црвениот Крст кои имаат за цел да им помогнат на граѓаните и го олеснат нивното секојдневие.
Македонија
Макрон упати честитка до Силјановска-Давкова: Се отвора нова страница кај нашите македонски пријатели
Честитки на македонски јазик за победата на Гордана Силјановска-Давкова, вчера, 9 мај 2024 година на социјалната мрежа фејсбук, упати претседателот на Република Франција, Емануел Макрон.
Во честитка се потенцира француската поддршка за Македонија кон целосна евроинтеграција при што е наведено следново:
„Се отвора нова страница кај нашите македонски пријатели. Ја поздравувам храбрата посветеност на Стево Пендаровски, а на Гордана Сиљановска-Давкова ѝ ги упатувам моите срдечни честитки за изборот за Претседател. Франција остнува на страната на Македонија за да ја придружува во реформите и нејзината европска иднина.“
Професорката Гордана Силјановска-Давкова упати благодарност за честитиката на македонски и на француски јазик, истакнувајќи ја улогата на Франција како една од основачите на ЕУ и потенцирајќи дека како претседателка ќе се залага за градење на консензус кој ќе овозможи македонските граѓани да живеат европски. А исто така, ја потенцира и билатералната соработка за зајакнување македонско-француските односи.
Во одговорот на професорката Гордана Сиљановска-Давкова стои:
„Претседателе Макрон, Ви благодарам за честитките! Франција, како една од земјите основачи на ЕУ има најважна улога и одговорност за успех на европскиот проект. Вашата поддршка се надевам ќе го отвори патот на Македонија кон Европа, а она што можам да се заложам е дека ќе градам консензус за реформи кои ќе им овозможат на македонските граѓани да живеат европски. Воедно, како две пријателски земји во мојот мандат ќе работам на зајакнување на билатералните односи, особено економската, културната и научната размена.“