Македонија
Прв школски ден на Академијата на Сивус за дизајн

Академијата за дизајн на Сивус едукативниот и развоен центар (СЕДЦ) официјално стартува денеска во две посебни насоки на експертиза: Графички дизајн и Веб дизајн.
Академијата за дизајн на Сивус едукативниот и развоен центар (СЕДЦ) официјално стартува денеска во две посебни насоки на експертиза: Графички дизајн и Веб дизајн. За најдобрите студенти на академијата Сивус нуди можност за успешна кариера во рамките на неговиот дизајн тим.Врз база на искуството на врвни професионалци во областа, aкадемијата нуди квалитетна настава која ќе ги наоружа студентите со сите вештини потребни за еден дизајнер, се вели во соопштениетоДвете насоки на академијата, во времетраење од 452 часа, нудат интензивна студиска програма за која на крајот секој посетител кој успешно го завршил курсот ќе има можност да се стекне со реномираните Adobe сертификати, а ќе добие и сертификат од Сивус едукативниот центар. Интензивната програма за графички дизајн ќе покрие 17 модули во текот на годината, додека пак програма за веб дизајн покрива 15 модули, по чие завршување студентите ќе имаат целосно креирано портфолио кое ќе ги отслика сите нивни стекнати вештини. Програмата е конципирана токму со цел да го разбуди креативецот и дизајнерот во секој студент, и претставува одлична подготовка за професионална примена на визуелната комуникација која ќе му помогне да развие вештини за развој на кариера во полето на графичкиот или веб дизајнот.Наставата ќе се изведува под водство на реномирани професори и врвни професионалци во областа, во најсовремени просторно – технички услови, со примена на новиот CS5 пакет. Часовите ќе се одвиваат со интерактивна методологија, многу практична работа, како и можност за изборни предмети. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.