Спасов според обвинителниот акт крвнички го натепал скопјанецот Мартин Нешкоски поради банална причина. Мартин сакал да се качи на бина на која се прославувала победа на предвремените избори лани во јуни.

Денеска во Основниот суд 1 во Скопје петчлениот судски совет кој го работеше случајот Нешкоски ќе ја соопшти одлуката односно пресудата за Игор Спасов, тигарот на кој му се суди за убиство. Спасов според обвинителниот акт крвнички го натепал скопјанецот Мартин Нешкоски поради банална причина. Мартин сакал да се качи на бина на која се прославувала победа на предвремените избори лани во јуни.

Судењето траеше неколку месеци. Беа сослушани над 30 сведоци. Секој сведок со своја приказна. Сите се виделе но и ништо конкретно не запомниле. Се појавија и сведоци кои биле директни учесници во дел од настанот , кои дури при крај на процесот отворија битни елементи од кои се расчистува полека случајот кој ја потресе и политичката јавност но и младината.

Спасов упорно тврди и се соочуваше со своите колеги дека бил на задача го бркал Нешкоски но не го убил. Тврдеше и се обидуваше да докаже дека некој друг е оној го задал смртоносниот удар над носот на Нешкоски од што се создало внатрешно крварење. Според обдукцијата токму тоа е причина за смртта на момчето, но никој не го даде одговорот како последица од чиј удар е.

Излегоа сведоци кои збунети од изгледот на Спасов , кој пуши брада и коса се двоумеа дали е тоа момчето што го виделе вечерта но имаше и такви кои брадата не ги збуни и беа категорични дека Спасов е виновникот.

Семејството на Нешкоски преку своите тројца адвокати и обвинител покажаа со прст кон Спасов но на крајот во судницата мајката на Нешкоски праша : “Кој го уби кој ?Кажи!“. Таа го праша токму обвинетиот Спасов кој сигурен во себе со гордо крената глава кажа дека не е виновен и жали бидејки некој сака да го претстави како голем злосторник и нечовек. Признава дека се карал и се бркал со Нешкоски но никако не прифаќа дека го претепал до смрт.

Судскиот процес се одвиваше во тешка и мачна атмосфера. Малечка судница многу луѓе. Судот не обезбеди ниту елементарни услови за роднините на Нешкоски да го пратат судскиот процес. Постојано беа на нога столче едвај се наоѓаше само за мајката на Мартин.

Доказната постапка заврши. Александар Нешкоски брат на убиениот Мартин и семејството без оглед на пресудата најавуваат понатамошна борба за да дојдат до вистината кој го уби нивниот Мартин. Денеска ќе ја чујат пресудата, на пладне ќе протестираат и ќе оддадат почит на местото каде Мартин издиша. Веќе утре ја продолжуваат потрагата. /крај/км/