Македонија
Демонстрантите пред Центар ги скршија прозорците од салата, седницата прекината
Седницата на општина Центар која започна во петокот околу 14 часот е прекината затоа што насобраните граѓани ги скршија прозорците на влезната врата и стаклата во салата, со што била загрозена и безбедноста на советниците, јавува репортерот на Макфакс.
Демонстрантите ги симнуваат и завесите од прозорците тргајќи ги од надвор, иако пред нив има кордон полиција којашто млако или воопшто не реагира на нивните акции.
Околу три илјади граѓани кои од местото каде треба да биде изградена црквата „Свети Константин и Елена“ се упатија кон општина Центар влегоа во дворот и ја опструираат седницата на советот на општина Центар.
Дваесетина граѓани на скопската општина Центар уредно поднеле барање во четвртокот да присуствуваат на седницата што им било одобрено, но во петокот не им се дозволуваше да присуствуваат на почетокот на седницата.
Објаснувањето од Општина Центар е дека кога ќе стигнат точките за коишто е поднесено барањето тие ќе бидат повикани да присутвуваат.
Но тројца од граѓаните кои влегоа во салата не сакаа да ја напуштат сé додека не интервенираше полиција и беше соопштено дека градоначалникот Андреј Жерновски и претседателот на Советот ќе им се обратат надвор, на што реагираше еден од советниците од ВМРО-ДПМНЕ кој рече дека „денеска има седница, а не митинг на кој градоначалникот треба да се обрати“.
Во меѓувреме насобраните граѓани околу салата тропаат и ги отвараат прозорците од салата извикувајќи „Ајдуци“ и се закануваат дека ќе влезат. Седницата сé уште не е почната, а градоначалникот Жерновски сé уште не им се обрати на граѓаните./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Сајкоски: Да донесеме уште поголема победа на 8 мај за просперитетна влада на ВМРО-ДПМНЕ
„Денес продолжуваме со активностите тука во Охрид, вчера поминавме прекрасни митинзи со огромна поддршка од граѓаните. Останаа уште неколку денови“, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5 и ги повика сите да се приклучат и да донесат уште поголема победа во вториот круг.
„Сакам да ја изразам мојата благодарност и горд сум на тоа што го направивме во првиот круг, што ја дадовте вашата огромна поддршка за нашиот кандидат за претседател Гордана Силјановска Давкова.
Сакам да ве повикам и во вториот круг референдумски да излеземе за да можеме да ја реализираме Платформа 1198, за да може да реализираме многу проекти за регионов и нашава држава, да донесеме подобар економски развој и раст, да донесеме подобро образование и здравство, да донесеме подобар живот за сите. Затоа на 8 мај излезете сите да се активираме да кажеме НЕ за ова што се случуваше досега и да дадеме шанса за просперитетна влада која ќе ја носи Македонија напред“, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Македонија
Херојот кој беше убиен во Вејце – Бобан Трајковски, доби споменик
Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.
Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.
Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).
Организатори на настанот се Здружението СИЛА и колегите од специјалната единица ВОЛЦИ.
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.