Македонија
НАТО и за Македонија
Лидерите на НАТО на јубилејниот Самит разговараа и за Македонија и се заложија за што поскорешно решавање на прашањето за името
Лидерите на НАТО на јубилејниот Самит разговараа и за Македонија и се заложија за што поскорешно решавање на прашањето за името.
Токму пради прашањето за разликите околу името со Грција, Македонија на ланскиот Самит во Букурешт не доби покана за членство, заедно со Албанија и Хрватска.
Ова синоќа по работната вечера во германскиот Баден-Баден, на која беше усогласувана Декларацијата за безбедност на Алијансата, што треба да биде усвоена денеска во Стразбур, го изјави шефот на словенечката дипломатија Самуел Жбогар, додавајќи дека големо внимание било посветено на состојбата на Западен Балкан.
Лидерите на 28 членки на НАТО со симболично минување преку мостот на реката Рен од Кел во Стразбур денеска по потврдија духот на сојузништво и го започнаа вториот ден од јубилејната средба на која Алијансата го одбележува својот 60-ти роденден.
Низа значајни одлуки за иднината на НАТО се на дневен ред на денешниот состанок, меѓу кои и продолжение на расправата за идниот генерален секретар на Алијансата. Фаворит за оваа функција е данскиот премиер Андерс Фогх Расмунсен.
Синоќа беше поздравено и полноправното членство на Хрватска и на Албанија во НАТО. /крај/ста/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Акција во МВР: се истражува Одделот за општи и заеднички работи
МВР со потврда дека се спроведува полициска акција поврзана со работењето на Одделот за општи и заеднички работи во ова министерство.
-Полициски службеници од Одделот за сузбивање на организиран и сериозен криминал, Одделот за крим полиција и Одделот за внатрешна контрола, криминалистички истраги и професионални стандарди по насоки на надлежен jавен обвинител во тек се мерки и активности поврзани со работењето на Одделот за општи и заеднички работи во МВР, потврдија од министерството за „Макфакс“.
Според одредени информации, акцијата е поврзана за истрага поврзана со сомнежи за злоупотреба на тендери за сервисирање на службените возила, но официјална потврда се очекува во текот на денот.
Македонија
Решенија за трајно вработување добија 27 наставници во Ѓорче Петров
Во Општина Ѓорче Петров денес беа доделени 27 решенија за трансформација на работниот однос на наставници од сите шест основни училишта.
Од општината информираа дека по седум години, овие наставници конечно добија неопределено работно време, што претставува значаен чекор кон обезбедување стабилност и сигурност во наставниот кадар.
Градоначалникот на Општина Ѓорче Петров, Александар Стојкоски, истакна дека ова е значаен момент за наставниците, но и за целиот образовен систем во општината.
„Наставниците се темелот на образованието, нивната посветеност и труд заслужуваат почит и сигурност. Со оваа одлука овозможуваме стабилност и ги подобруваме условите за работа, што директно влијае на квалитетот на наставата. Општина Ѓорче Петров останува посветена на континуирани вложувања во образованието, бидејќи инвестициите во наставниците се инвестиции во иднината.“ – изјави Стојкоски.
Градоначалникот додаде дека општината активно работи на подобрување на инфраструктурните услови во училиштата, со тековни проекти за реконструкција на училишни објекти и создавање подобри услови за учениците и наставниците.
Општина Ѓорче Петров уште еднаш докажува дека вложувањето во образованието и поддршката на наставниците не се само ветувања, туку конкретни чекори кои носат вистински промени.
Македонија
Претрес во домот на поранешниот директор на СОЗР, се обезбедуваат докази за поткуп и проневера
Основното јавно обвинителство Скопје заедно со Управата за финансиска полиција презема дејствија за обезбедување докази во предмет за кривични дела примање поткуп, давање поткуп, проневера во службата и несовесно работење.
Во тек се претреси на локации во Скопје, за што е обезбедена наредба на судија на претходна постапка, а се преземаат и други дејствија, извести Обвинителството.
Како што потврди Обвинителството, станува збор за предмет поврзан со СОЗР, односно се врши претрес кај поранешниот директор на владината Служба за општи и заеднички работи, Пеце Мирчески.