Eпидемија на непотизам владее во Македонија. СДСМ го цеди буџетот и безмилосно ги троши парите на граѓаните за вработување сопруги, тетки, деца, братучеди, блиски и далечни роднини на партиските функционери.Нема функционер на СДСМ кој што не си ја вработил целата фамилија по државната и јавна администрација, соопшти ВМРО-ДПМНЕ.

Според партијата, СДСМ ги користи последните моменти на власт за изигрување на законите и за згрижување на своите партиски активисти и полтрони.

„Во Општина Ѓорче Петров лицето Лепа Ѓорѓиевска Јакимовска, односно жена на личниот шофер на градоначалникот Александар Наумовски ќе биде вработена како соработник за односи со јавност во општината. Непотизмот е присутен и во Битола каде што Јове Смилевски, инаку вработен во РЕК Битола и Претседател на синдикатот на ЕЛЕМ, близок до Васко Ковачевски и СДСМ, си го вработил својот син Наум Смилевски во РЕК Битола, а истиот тој е Претседавач на Советот во општина Новаци од редовите на СДСМ.

Градоначалникот на Виница, Ивица Димитров непосредно пред формирањето на техничката влада си ја вработил сопругата Теодора Димитрова во МВР односно СВР Штип.
Сестрата на Претседателот на млади на СДСМ Велес, Вера Арсова Митреска, аплицирала за оглас за доктор во Општата болница во Велес каде што се барале 5 доктори. Сериозни сомнежи и индиции за изигрување на законот има бидејќи истата била 7-ма на рангирањето, односно се барале 5. Иако била 7-ма, сепак била вработена од страна на болницата.

Досегашниот командир на полициската станица Прилеп, партискиот полицаец на СДСМ, Кире Спиркоски, сестрата на сопругата, Викторија Јовческа ја вработил во општина Прилеп. Најверојатно како награда за работата која што ја вршел до сега за СДСМ.
СДСМ знаат и се исплашени од поразот којшто ги чека на 12-ти април, па затоа брзаат да ги вработат своите партиски активисти. Никој од СДСМ нема да се спаси од прекршување на законот. По 12-ти април следува обнова на Македонија, и тоа обнова која што ќе донесе рамноправност за сите граѓани, а не само привилегии за локалните и централните функционери на СДСМ и власта“, се вели во соопштението.

По котлините и долж Повардарието во текот на денот ќе има магла и ниска облачност, во останатите делови ќе биде сончево со мала до умерена облачност. Во југоисточните делови ќе дува слаб до умерен ветер од југоисточен правец. Максималната температура ќе биде во интервал од 0 до 9 степени.

Во Скопје ќе биде магливо. Максималната температура ќе достигне 4 степени.

Сообраќајот на патиштата се одвива по претежно влажни коловози. Намалена видливост поради појава на магла од 40 – 50 метри има на патниот правец Скопје – Тетово – Гостивар и Тетово – Јажинце, од 30 – 50 метри на патните правци Велес – Скопје и Скопје – Велес, од 50 – 100 метри на патниот правец Демир Капија – Миравци, од 10 – 15 метри на патниот правец Тетово – с. Гајре, од 70 – 80 метри на патниот правец Кичево – М. Брод, од 50 – 60 метри на патниот правец Штип – Неготино, од 50 – 100 метри на патните правци Кочани – М. Каменица и Виница – Берово, од 100 – 150 метри на патните правци Битола – Прилеп, Дебар – Струга и Ресен – Охрид и до 100 метри на планинскиот превој Ѓавато.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управув ање со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.