Македонија
Благ пад на МБИ 10, по неколкудневен раст
Индексот МБИ-10 оствари пад од 0,81%, по неколкудневен континуиран раст, спуштајќи се спушти на ниво од 2.729,33 индексни поени
Индексот МБИ-10 оствари пад од 0,81%, по неколкудневен континуиран раст, спуштајќи се спушти на ниво од 2.729,33 индексни поени.
МБИД опадна за 0,29% и вредноста му се намали на 2.483,34 индексни поени. Индексот за обврзници ОМБ незначително се зголеми за 0,06% позиционирајќи се на ниво од 103,80 индексни поени.
Вкупен промет на македонската берза за долгорочни хартии од вредност денеска изнесуваше 95.425.801,22 денари.
Преку блок трансакција се истргува акцијата на Осигурителна Полиса АД Скопје, а износот на трансакцијата беше 67.595.000,00 денари. Се истргува количина од 110.000 акции по цена од 614,50 денари.
Со тргувањето на официјалниот Пазар се оствари промет од 22.814.261,22 денари. На редовниот пазар се оствари промет од 72.611.540,00 денари, вклучувајќи ја и блок трансакцијата со Осигурителна Полиса АД Скопје.
Акцијата на Комерцијална Банка оствари промет од 4.669.699,00 денари. Истргувани беа 1.665 акции со просечна цена од 2.804,62 денари остварувајќи благ раст од 1,13%.
При тргувањето со Гранит Скопје се оствари промет од 3.851.004,00 денари. Се постигна просечна цена од 618,34 намалувајќи се за 2,32%. Се истргуваа 6.228 акции.
Акцијата на Алкалоид се тргуваше со промет од 3.928.136,00 денари. Просечната цена изнесуваше 4.837,71 денари остварувајќи пораст од 0,70%. Се исргуваа вкупно 790 акции.
Најтргувана акција на редовниот пазар беше Тутунска Банка со промет од 1.739.064,00 денари. Просечната цена беше 4.459,14 денари со пад од 6,18%. Вкупно се истргуваа 1.739.064,00 денари.
Прометот со Стопанска Банка Скопје изнесуваше 1.271.000,00 денари при што се постигна просечна цена од 205,00 денари која остана непроменета од претходниот трговски ден. Вкупната количина која се истргува беше 6.200 акции.
Пет најтргувани хартии од вредност
1. Комерцијална Банка Скопје
2. Гранит Скопје
3. Алкалоид Скопје
4. Макпетрол Скопје
5. Стопанска Банка Битола
Хартии од вредност со најголем раст
1. ЕМО Охрид 50,00%
2. РЖ Услуги Скопје 19,93%
3. Арцелормиттал (ЦРМ) Скопје 8,91%
4. ЗК Пелагонија Битола 6,23%
5. Стопанска Банка Битола Приоритетни 6,14%
Хартии од вредност со најголем пад
1. ЗУС Скопје 23,78%
2. ФХЛ Мермерен Комбинат Прилеп 12,50%
3. Македонијатурист Скопје 9,09%
4. Тутунска Банка Скопје 6,18%
5. Македонски Телеком Скопје 5,88%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски – Боки 13 поднел кривични пријави против поранешниот премиер Зоран Заев, екс министерот за внатрешни – Оливер Спасовски, и двајцата генерални секретари на СДСМ, поранешниот Александар Кирацовски и актуелниот, Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
-Сите мои наводи и описот на настаните ќе бидат материјализирани со докази кои потекнуваат од мојот телефонски уред кој беше одземен при моето апсење во предметот Рекет. Се работи за кривични дела кои што се однесуваат на злоупотреба на службената положба и овластување, за изборни измани, незаконско финансирање на политичка партија, злоупотреба на јавните набавки“, додаде тој.
Најави и продолжение на предавање на докази во писмена форма.
„Поднесена е кривична пријава и против Вилма Русковска за злоупотреба на службена положба, примање поткуп, примена на тортура. Зоран Заев е скоро во секоја пријава#, кажа Јовановски.
Македонија
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“.
Беше констатирано дека коалицијата оствари успешен и историски резултат, кој создава и одговорност за реализирање на очекувањата.
Мицкоски доби поддршка од претседателите на коалициските партии за почнување преговори за состав на идната влада.
Според заклучокот на состанокот, разговорите треба да се водат врз основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.
Македонија
Лукаревска: СДСМ секогаш бил достоинствен поради зрелоста на неговите раководства да се соочат со поразот и одговорноста, јас не сакам да бидам исклучок
Изборните резултати ги искушуваат нашата искреност како политичари и искреноста на нашите зборови дека сме ја разбрале вашата порака, напиша на социјалните мрежи потпретседателката на СДСМ, Сања Лукаревска, откога неколку членови и партиски функционери во СДСМ претходно си поднесоа оставки.
СДСМ, додава таа, секогаш бил достоинствен и поради зрелоста на неговите раководства да се соочат со поразот и со одговорноста.
„Јас не сакам да бидам исклучок. Благодарам за укажаната доверба да бидам заменик-претседател на СДСМ. И таа должност ја извршував со почит, совесно, одговорно и чесно. Секако, со поддршка од сопартијците и незаменливата потпора од моите родители. Благодарам е најмалку што можам да им речам.
Горда сум што 8 мај беше празничен ден за демократијата. Тоа беше и суштината на борбата на СДСМ за ослободување од ‘заробената’ држава. Воедно, им благодарам на сите граѓани за секој глас за СДСМ, особено во Третата изборна единица. Вредна за внимание е и пораката од оние што не излегоа на гласање, како и на оние што гласаа против.
На ред е нашата внатрепартиска средба со вистината. На отчетниот конгрес на СДСМ неминовна e отворена, искрена и самокритична анализа на нашите погрешни чекори, на лошите кадровски решенија, како и за нашата немост за успешните политики што ги спроведовме во исклучително тешки услови предизвикани од светските кризи.
Го презедовме товарот и на тешките политички одлуки. Но, тоа е СДСМ кому државата, нејзината стабилност и иднина секогаш му биле пред сė друго. Така било. Така мора и да остане“, порача во напишаното Лукаревска.
Оценува дека на Македонија ѝ потребен СДСМ.
„Што побргу заедно ја консолидираме партијата толку побргу ќе можеме да кажеме – тука сме. Јас верувам во СДСМ, а уште повеќе во неговата сила да се реформира, да се обедини и да се подготви.
Честитки на победникот и на сите 120 пратеници.
Во искреното соочување со причините за изборниот пораз е нашата прва победа. Тоа е најмалку што им го должиме на сопартијците, на симпатизерите и поддржувачите на СДСМ, но и на демократска Македонија“, додава Лукаревска.