Македонија
Драстичен пад на индексите-прометот значително зголемен
Остар пад на водечкиот индекс на Македонска берза од 5,92 отсто, при значително зголемен промет ја окарактеризира берзата во понеделникот.
Остар пад на водечкиот индекс на Македонска берза од 5,92 отсто, при значително зголемен промет ја окарактеризира берзата во понеделникот.
Прометот при денешното тргување на берзата изнесуваше 30.267.960,50 денари што значеше неколку кратно зголемување во однос на претходните неколку денови. За разлика од претходните денови кога вредноста на индексите беше стабилна, овој пат имаше драстична промена на трендот.
Според берзанските аналитичари, овие движења се најверојатно последица од слабите финансиски резултати кои ги прикажаа некои од домашните водечки акционерски друштва. Поголем дел од прометот беше остварен со обичните акциите додека прометот со државните обврзници изнесуваше само 1.120.809,50 денари.
МБИ10 забележа остар пад од 5,92%, а неговата вредност се спушти на ниво од 3.231,95 индексни поени што значеше намалување од 203,22 поени на дневно ниво. МБИД исто така забележа пад од 5,09%, а вредноста затвори на 3.296,50 индексни поени. ОМБ не ја промени својата вредност и остана ниво од 106,39 индексни поени.
На официјалниот пазар прометот изнесуваше 22.598.725,50 денари, а беше реализиран преку 227 трансакции. Прометот на редовниот пазар изнесуваше 7.669.235,00 денари.
За разлика од нашата, како и од берзите од балканското подрачје, светските берзи бележат раст, како резултат на падот на доларот при што се врши притисок врз побарувачката за хартии од вредност и стоки. Исто така и вредноста на златото остварува рекорден пораст како резултат на ниската вредност на доларот. Комерцијална Банка Скопје доминираше со својата ликвидност на официјалниот пазар, позиција која ја држи веќе неколку денови по ред. Вкупниот промет со оваа акција изнесуваше 6.558.131,00 денари. Просечната цена од 3.349,40 денари значеше намалување од 3,53%. Ценовниот распон се движеше од 3.250,00 денари до 3.451,00 денари. Истргувани беа 1.958 акции кои беа реализирани преку 41 трансакции. Втора според ликвидност се истакна акцијата на Алкалоид Скопје, а прометот изнесуваше 4.824.701,00 денари. Со просечната цена од 5.520,25 денари беше остварен длабок пад од 5,54%. Распонот на цената се движеше од 5.480,00 денари до 5.601,00 денари за една акција. Истргувани беа 874 акции преку 42 трансакции. Гранит Скопје беше акција која исто така беше под влијание на негативниот тренд, а остварениот промет изнесуваше 3.468.114,00 денари. Со цената од 828,11 денари, намалувањето изнесуваше 6,95%. Истргувана беше количина од 4.188 акции. Од редовниот пазар најмногу се тргуваше со Тутунска Банка Скопје со која се оствари промет од 2.876.000,00 денари. Дневниот пад изнесуваше 5,38% а остварена беше просечна цена од 4.825,50 денари. Истргувани беа 596 акции кои се реализираа преку 13 трансакции. Комуна АД Скопје објави неревидиран биланс на успех за период 01.01. – 30.09.2009 година. За првите девет месеци објавена е нето добивка од 27.843.000,00 денари која е помала за 3,4% од добивката за истиот период од мината година кога изнесувала 28.834.000,00 денари. Жито Лукс АД Скопје објави неревидиран биланс на успех за период 01.01. – 30.09.2009 година. За првите три квартали од тековната година остварена е загуба од 99.222.000,00 денари, за разлика од претходната година кога за истиот период беше остварена нето добивка од 85.826.000,00 денари. Загубата за третиот квартал од тековната година изнесува 23.143.000,00 денари и е за 14,9% помала во однос на загубата остварена во третиот квартал од претходната година кога изнесувала 27.186.000,00 денари. Пет најтргувани хартии од вредност1. Комерцијална Банка Скопје2. Алкалоид Скопје3. Гранит Скопје4. Тутунска Банка Скопје5. Раде Кончар Скопје Хартии од вредност со најголем пораст 1. ОКТА Скопје 5,97%2. Фершпед Скопје 2,37%3. Скопски Пазар Скопје 0,97% Хартии од вредност со најголем пад1. Жито Лукс Скопје 41,72%2. Макошпед Скопје 19,85%3. Стопанска Банка Скопје 14,69%4. Стопанска Банка Битола 14,27%5. Раде Кончар Скопје 13,56%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јанев на заокружување на обуката „Истрага на местото на настанот“, насочена кон унапредување на истражните капацитети на полициските сили
Директорот на Бирото за јавна безбедност Александар Јанев присуствуваше на свеченоста за доделување на дипломите, што се одржа во Центарот за обука на полицијата во Идризово, заедно со помошник министерот за внатрешни работи и началник на Центарот за обука, Влатко Митковски, како и со амбасадорот на Италија во нашата земја, Н.Е. Паоло Палминтери.
Обуката беше реализирана од Вишиот институт за истражни техники на карабинерите на Италија, со организациска поддршка од Италијанската амбасада во Скопје.
Учесниците на курсот имаа можност да стекнат напредни знаења и практични вештини за истражување на место на настан, притоа следејќи современи европски и меѓународни стандарди.
“Посебна благодарност упатувам до италијанските експерти за нивниот професионален ангажман и пренесеното знаење и сакам да истакнам дека како институција, особено ја цениме оваа соработка што претставува значаен чекор кон унапредување на капацитетите на нашата полиција и поддршка на владеењето на правото”, истакна директорот Јанев, додавајќи дека ова е уште еден показател за успешната и стратешки ориентирана билатерална соработка со Италија во областа на безбедноста и претставува дел од заедничките напори за градење побезбедно и посилно општество.
Македонија
Николоски учествува на висок министерски форум во Истанбул
Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.
Во планираната агенда е предвидено обраќање на вицепремиерот Николоски на панелот насловен ,, Иновативни можности и решенија за финансирање на транспортни коридори” .
На Форумот ,,Глобална Транспортна Поврзаност” предвидено е да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу како и други министри од Европа и светот.
На настанот ќе земат учество и бројни министри како што се министерот за транспорт на Шпанија, на Албанија, на Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.
Македонија
Сиљановска-Давкова прими припаднички на Армијата кои успешно завршија обука во САД
Претседателката Гордана Сиљановска-Давкова ги прими капетанката Неда Волчева и поручничката Сара Тасевска кои успешно го завршија седуммесечниот курс „Maneuver Captain’s Career Course“во Џорџија, САД, организиран од американскиот тренинг центар „Fort Moore”.
На средбата на којашто присуствуваа началникот на Генералштабот на Армијата, генерал-мајор Сашко Лафчиски и американската амбасадорка Анџела Агелер, двете припаднички на Армијата ја запознаа претседателката со фазите, содржините и квалитетот на воено-образовната обука и ги споделија нивните натамошни планови, заложби и амбиции за кариерен напредок.
Препознавајќи во нив потенцијал за идни генерали, Сиљановска-Давкова им честиташе на Волчева и Тасевска за успешно завршената обука и изрази уверување дека стекнатите знаења, вештини и експертиза ќе ги применат во интерес на македонската армија.
Според неа, реализацијата на оваа програма претставува влог во македонско-американското партнерство и е посебно значајна за промоција на земјава како лојален и кредибилен сојузник во НАТО.
Признавајќи ги одличните резултати што ги постигнуваат жените, соговорниците се согласија дека нивното партиципирање во меѓународните обуки треба да биде редовна пракса.
Сиљановска-Давкова на средбата ја реафирмираше својата заложба за формирање на Регионален центар за извонредност за жени, мир и безбедност со седиште во Скопје, заради промоција на жените во безбедноста и одбраната во регионот.
Три реформски закони за администрацијата ја поминаа првата фаза
Собранието даде поддршка на предлог законот за вработените во јавниот сектор, предлог на законот за административни службеници и на предлог...
Арсовска: Внукот на градоначалникот на Студеничани градел објект кога имал 5 години, а го легализирал на 6
Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
Постигнат договор меѓу САД и Кина? Ретки метали за Американците, помалку царини за Кинезите
САД постигнаа договор со Кина за тоа како да се забрзаат испораките на ретки земни метали во САД, изјави синоќа...
Сијарто: Украина погрешно мисли дека може да се приклучи на ЕУ без поддршката на Унгарија
Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може...
Да го имавме на нишан, ќе беше елиминиран: Кац за врховниот лидер на Иран
Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел...
ЕУ ги продолжува санкциите кон Русија
Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до...
Масовни напади од двете страни: Украина испрати дожд од беспилотни летала кон Волгоград, Русија тргна кон Запорожје
Ноќниот напад на руски беспилотни летала врз Запорожје предизвика серија пожари и штети на индустриски згради и гаражни објекти, објави...
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
