Македонија
Граѓаните во Македонија не ги остваруваат доволно своите права

Почитувањето и остварувањето на човековите права во Македонија се далеку од задоволувачки, сметаат експертите, а средношколците се жалат на недоволно познавање на правата. Ваквите констатации беа искажани на денешната презентација на Прирачникот за човекови права
Почитувањето и остварувањето на човековите права во Македонија се далеку од задоволувачки, сметаат експертите, а средношколците се жалат на недоволно познавање на праватаВаквите констатации беа искажани на денешната презентација на Прирачникот за човекови права за амбасадите и дискусијата по повод Меѓународниот ден на човековите права.„Состојбата во Македонија по однос на човековите права, имајќи го во предвид она мое поранешно искуство, колку граѓани се жалат на она што значи неисполнување односно неизвршување, неимплементирање на човековите права состојбата е далеку од розова, или состојбата е далеку од задоволувачка“, вели Цаца Николовска од Институтот за човекови права.Таа препорачува на сите нивоа да се води борба за презентација на човековите права.„ Да знаат луѓето дека имаат такви права за да можат да ги исцрпуваат тие права, на крај да може да се сведе на заштита на тие права“ вели Николовска.Според нејзе, граѓаните се жалат скоро на се, особено на правата кои се однесуваат на судот, а нејзина перцепција е и дека во секојдневието им е оневозможено на граѓаните да ги остваруваат своите права.Марија Стојановска од Младинскиот форум укажа на потребата од поголема едукација на средношколците во врска со човековите права, затоа што забележително е нивното непознавање на темата.Герт Кампман, вршител на должноста амбасадор на Кралството Холандија го презентира Прирачникот, кој беше изготвен од Владата на Холандија за време на чешкото претседателство со Европската унија во првата половина на 2009 година.Прирачникот содржи насоки во кои треба да се движи промоцијата и заштитата на човековите права и, како што рече Кампман, основа за сите амбасади да си соединат силите за реакција, доколку во некоја земја се појават одредени кршења на правата на човекотСлавица Димитриевска од Коалицијата „Сите за правично судење“ говореше за значењето на Прирачникот за граѓанскиот сектор во Македонија и за потребата од зголемување на нивната улога во заштитата на тие права.Прирачникот може да го најдете на интернет страницата на Холандската амбасадата, www.nlembassy.org.mk.На 10 декември светот го слави Меѓународниот ден на човековите права./крај/форум
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сиљановска-Давкова: Куса средба со Трамп – симболичен гест на почит и партнерство

Претседателктата Гордана Сиљановска-Давкова на маргините на самитот на НАТО во Хаг се сретнала со американскиот претседател Доналд Трамп.
„Кратка средба со американскиот претседател Доналд Трамп, симболичен гест на почит и партнерство“, напиша Давкова на социјалните мрежи.
Додаде дека остануваме посветени на сојузништвото со САД како наш клучен стратешки партнер во рамките на НАТО и пошироко.
Македонија
Мицкоски: Очекуваме до милион и пол туристи во Македонија

Премиерот Христијан Мицкоски, одговарајќи на новинарско прашање во врска со забележаниот раст на туризмот во Македонија за 20 проценти, како и за тоа на што се должи растот и кои се очекувањата на Владата, изјави:
„Да, тоа е добар податок во првите четири месеци од оваа година. Добар податок во смисла на тоа дека повеќе од 20% имаме и туристи и ноќевања. Тоа значи повеќе пари, за граѓаните кои што нудат услуга на овие туристи. Тоа значи дека, ако просекот е некаде околу 800 евра, дека секој од нив оставил, надвор од аранжманот. Тоа се навистина стотици милиони евра коишто ќе останат тука, кај нас, во угостителството, во услужната дејност итн., итн.
Очекуваме засилување, уште поголемо. Обидот, да директно преговараме со туроператори е успешен, 40.000 туристи од Западна Европа, веќе престојуваат тука, во вкупен број зборувам. Тоа се некаде околу 160.000 ноќевања, надвор од сезона, кога зборуваме за Охрид, иако и во другиот дел на државата, цела година е сезоната.
За следната година очекуваме, надвор од сезона, половина милион ноќевања. Веќе разговараме со други туроператори и очекуваме повторно двоцифрен раст на туризмот. Влијае на бруто-домашниот производ, влијае на економскиот раст на државата.
Минатата година имавме 1.200.000 туристи. Оваа година очекуваме до милион и пол да дојдеме. Минатата година имавме 3,5 милиони ноќевања, а оваа година очекуваме до 4 милиони ноќевања минимум да дојдеме“, изјави премиерот Мицкоски.
Македонија
(Видео) Реализирани 11 проекти во Клиниката за детски болести во делот на инфраструктурата и набавка на модерна медицинска апаратура

Успешно се реализирани 11 значајни инфраструктурни и медицински проекти на Детската клиника, соопштија денес премиерот Христијан Мицкоски и министерот за здравство, Азир Алиу, истакнувајќи дека нивната цел е сите клиники да бидат инфраструктурно и технолошки опремени и со добар кадар.
Двајцата ја посетија Клиниката за детски болести, пришто Мицкоски изрази благодарност за оние што се грижат за овој објект, бидејќи тој треба да се грижи за здравјето на нашите најмлади, а тоа се децата.
Директорот на клиниката, Реџеп Мемеди информираше дека веќе се реализираат активности за зајакнување на кадарот, клучен предуслов за функционален и одржлив здравствен систем. Во тек е реализација на нови вработувања за доктори, административен кадар, медицински сестри, лаборанти и биолози. Исто така, е завршена е постапката за вработување четворица специјализанти, а наскоро ќе се објави и нов оглас за тројца лекари, за кои веќе се добиени согласности.
Во претстојниот период ќе бидат воведени три медицински процедури и ќе се отвораат нови кабинети за хемодијализа и ултразвучна цистографија на одделот за нефрологија, обезбеден е и апарат за стрес-тест на одделот за кардиологија.
На новинарско прашање, министерот Алиу информираше дека од денес има нова веб страница на Министерството за здравство, поставена е апликација за отворен кабинет, преку која граѓаните ќе имаат можност од наредната недела секој петок да се пријават од 10 до 15 часот и да закажат за 15-минутна средба со министерот.