Македонија
Трајановски: Скопје ќе стане препознатлив град

Околу 80 милиони евра би требало да чини реализацијата на проектот „Скопје 2014“. Ова денеска на прес – конференција го изјави скопскиот градоначалник Коце Трајановски, појаснувајќи дека станува збор за повеќегодишен проект и средства што доаѓаат и од државата но и од приватни инвеститори.
Околу 80 милиони евра би требало да чини реализацијата на проектот „Скопје 2014“.
Ова денеска на прес – конференција го изјави скопскиот градоначалник Коце Трајановски, појаснувајќи дека станува збор за повеќегодишен проект и средства што доаѓаат и од државата но и од приватни инвеститори.
Трајановски рече дека Градот Скопје го поддржува овој проект, бидејќи градот ќе добие нов лик и ќе стане препознатлив. „Сите градови во државите околу нас имаат оформено плоштади, ние доцниме“, рече Трајановски. Според него, реализацијата на овој проект има и економска димензија, односно ќе бидат отворени многу работни места за време на градењето.Скопскиот градоначалник истакна дека овој проект ќе биде важен и од туристички аспект, бидејќи туристите ќе може да уживаат во содржините во центарот на градот. „Овој плоштад е значаен за државата. Тој е идентитетот на државата“, рече Трајановски, додавајќи дека станува збор за градби што ја отсликуваат македонската традиција.Градот Скопје, како што најави скопскиот градоначалник, во проектот „Скопје 2014“ ќе учествува со обнова на фасадите на дел од објектите што гравитираат кон плоштадот, како и со обнова на оградите на два моста, мостот во близина на хотелот Холидеј Ин, и мостот кај комплексот банки. Според него, за обнова на фасадите од градската каса ќе бидат потрошени меѓу 15 и 20 милиони денари. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.