Македонија
Опозицијата бара итна собраниска расправа за „Скопје 2014“

Пратеничките групи на СДСМ, НСДП, ЛДП и Нова Aалтернатива денеска до Претседателот на Собранието поднесоа барање за итна седница на која што ќе се расправа за проектот „Скопје 2014“.
Пратеничките групи на СДСМ, НСДП, ЛДП и Нова Aалтернатива денеска до Претседателот на Собранието поднесоа барање за итна седница на која што ќе се расправа за проектот „Скопје 2014“.
„Очекуваме дека Претседателот ќе има разбирање и ќе ја стави оваа точка на дневен ред“, рече пратеничката од СДСM, Цветанка Иванова.
Ако оваа точка не се стави на дневен ред, опозициските партии најавија следни чекори кои ќе го спречат остварувањето на овој проект.
„Проектот „Скопје 2014“ дефинитивно е најзабеганиот и најкоруптивниот проект. Сметаме дека ова лудило мора да престане. Народните пари – 200 милиони евра ќе се искористат за фрустрации и криминално трошење. Тоа некој мора да го сопре“, изјави Иванова.
Таа додаде дека не верува дека оваа расправа ќе го заплаши Премиерот.
„Очекуваме дека Премиерот како секогаш што сака да ги консултира граѓаните и овој пат да ги консултира за оваа огромна сума нивни пари. Зошто во овој момент земјата се наоѓа во тешка економска криза, здравството е веќе пред колапс, образованието исто така, стечајните работници штрајкуваат, професионалните војници маршираат, земјоделските производители ги истураат своите производи и бараат денар субвенции, вели Иванова.
„Во овој момент приоритетно во Република Македонија е овие 200 милиони евра да се потрошат за потребите на граѓаните, зашто овие пари се од нивниот грб“, потенцираше Иванова./крај/бд
Фото:Филип Поповски/Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.