Македонија
АХВ бара оставка од Николовски

Од Агенцијата за храна и ветеринарство повторно реагираат на обвинувањата од дополнителниот заменик-министер Љупчо Николовски, по затрувањето на неколку малолетници со енергетски пијалок, дека не се работи за труење и за небезбеден пијалок, туку за недозволена консумација од страна на малолетни лица и непочитување на означувањето на производот.
Поради ова тие бараат и оставка од дополнителниот заменик-министер Николовски.
„Се работи за недозволена употреба на енергетки пијалоци од страна на малолетни лица и токму затоа, одговорноста треба да се бара кај оние кои ваквиот пијалок го продале на децата. Го прашуваме Љупчо Николовски, дали доколку малолетни лица се затрујат од конумирање на алкохол, повторно според неговата логика и непознавањето на прописите, одговорноста ќе биде на Агенцијата или на некој друг? Повторуваме дека пијалакот кој само за Николовски е спорен е соодветно означен дека е забранет да се консумира од страна на лица помлади од 18 години, а овој факт, тој или не го знае или свесно го занамарува“, велат од АХВ.
Лабораториските испитувања на пијалоците кои ги бара и сите факти, ќе му бидат презентирани на Николовски, додаваат од АХВ.
„За сите дезинформации што ги шири во јавноста и со кои ги заплашува граѓаните без трошка морал и достоинство, Агенцијата за храна и ветеринарство бара оставка од неговата функција дополнителен заменик министер за земјоделство и напуштање на политичката сцена во Република Македонија“, се вели во реакцијата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Уште колку луѓе треба да настрадаат за Панче Тошковски да почувствува одговорност, прашуваат од СДСМ

Министерот Панче Тошковски без око да му трепне јавно соопшти дека не чувствува никаква одговороност за колапсот на безбедносниот систем и фактот што на улиците се пука како да сме Див Запад, велат од СДСМ.
Според нив, последиците од партизацијата на полицијата и претоварењето во партиски сервис на ДПМНЕ скапо ги чини граѓаните.
„До кога мисли Тошковски да се криe зад политички реторики додека улиците стануваат небезбедни за граѓаните?
Не е само последното пукање во Куманово, непрекинатиот раст на вооружените и насилни инциденти во различни градови е сигнал за целосно системско потфрлање на безбедниот апарат, нема ниту превенција ниту соодветна реакција.
За тоа мора да има одговорност“, додаваат од оваа партија.
Македонија
Парични казни за три градинки и едно училиште по спроведени инспекциски контроли во кујните

Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во градинките на територијата на цела држава. Спроведени беа 91 контрола во градинки и 23 вонредни надзори во училишта.
За утврдените недоследности, издадени се 9 решенија со наредби за нивно отстранување. Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните. Парични казни изречени се за 3 градинки, и поради несоодветно чување, уништени се 24 килограми храна.
Од спроведените контроли во училиштата, незадоволителни услови констатирани се само во една училишна кујна. Отстапки во однос на добрата производствена и добра хигиенска пракса утврдени се во две кујни. Поради погрешно декларирање, уништени се 59 килограми храна.
Инспекциските служби на АХВ за утврдените недоследности со контролите во училишните кујни изрекле 1 парична казна и донеле 5 решенија со наредба за нивно отстранување.
Македонија
Муцунски на состанок на министрите за надворешни работи во рамки на Берлинскиот процес

Денеска и утре во Белфаст ќе се одржи состанок на министрите за надворешни работи во рамки на Берлинскиот процес, на кој ќе учествува министерот за надворешни работи и надворешна трговија, Тимчо Муцунски.
Министрите ќе дискутираат за прашања поврзани со европската безбедност, помирувањето, регионалната и европската интеграција, како и за справувањето со нелегалната миграција, во контекст на процесот на проширување на Европската унија.
На состанокот ќе учествуваат министрите за надворешни работи од земјите од Западен Балкан и земјите–членки на Европската унија вклучени во Берлинскиот процес.
На маргините од настанот, Муцунски ќе оствари и повеќе билатерални средби.