Македонија
Анкета: Политичката криза ја загрозува безбедноста на земјата

Мнозинството граѓани сметат дека политичката криза ја загрозува безбедноста на земјата, покажуваат резултатите од анкетата спроведена од страна на Институтот за општествени и хуманистички науки – Скопје, во период мај-јуни 2016, на репрезентативен примерок од 900 испитаници.
Само 10,3% од испитаниците сметаат дека политичката криза нема такво влијание врз безбедноста на земјата , додека најголемиот процент од испитаниците (83.3%) сметаат дека политичката криза ја загрозува безбедноста на земјата.На прашањето дали сметаат дека договорот од Пржино нуди поволно решение за излез од кризата, и покрај неисполнетоста на договорот, најголемиот дел од испитаниците, 53,3% сметаат дека овој договор сѐ уште е поволно решение за излез од кризата, додека 30,3% се изјасниле дека не знаат, односно не се сигурни дали овој договор е решението за излезот од политичката криза. Само 15,2% од испитаниците сметаа дека овој договор не е решение за излез од кризата. Овие податоци говорат дека се уште постои доверба кај граѓаните во договорот од Пржино. Поставено беше и прашањето во поглед на тоа каква, според нив, треба да биде формата на евентуалната преодна влада. Над половина од испитаниците сметаат дека тоа треба да биде влада составена од „непартиски луѓе или експертска“ (54,3%), речиси четвртина од испитаниците (23%) сметаат дека тоа треба да биде составена од четирите најголеми партии. Помал дел од испитаниците (15,4%) понудија свои решенија во поглед на владата. Меѓу понудените одговори се наоѓаа: влада добиена од спроведени избори, постоечката владина коалиција (ВМРО-ДПМНЕ, ДУИ), влада составена од опозициските партии и граѓанскиот сектор, комбинација од партиски и непартиски луѓе, влада составена од сите политички партии со еднаква меѓусебна поделба.Овие податоци говорат за намалената доверба на граѓаните во политичарите, но исто така се забележува намалена доверба во невладиниот сектор. На прашањето како ја оценуваат работата на НВО сектор (со оцена од 1 до 5), испитаниците ја дале оцената 2,97. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски со честитка до ЦДУ: Европа бара промени

Премиерот Христијан Мицкоски ја честиташе победата на ЦДУ на изборите во Германија преку социјалните мрежи.
„Овој успех е потврда за довербата што германските граѓани ја имаат во лидерството и во принципите на кои се темели ЦДУ – стабилност, развој и посветеност на вредностите на европската христијанска демократија.
Заедно да соработуваме за доброто и просперитетот на нашите граѓани. Европа бара промени“, напиша Мицкоски.
Македонија
Инспекцијата за животна средина на Град Скопје при вонреден надзор во општина Сарај затече запалена дива депонија

„Денес инспекцијата за животна средина на Град Скопје при вонреден инспекциски надзор во Општина Сарај затече запалена дива депонија составена од опасен отпад и градежен шут“, извести Град Скопје.
Локализиран е пожарот по брзата интервенција од страна на Противпожарната бригада на Град Скопје, а дополнително затечени се палења на стрништа во Крушопек и Лака, а сторителите се санкционирани. Во изминатата недела инспекторите за животна средина и комуналните инспектори на град Скопје имаат изречено казни на над 100 сторители“, велат од Град Скопје.
Македонија
Вонреден инспекциски надзор на реонот Смилковско Езеро, затекнати три лица кои согорувале отпад

Денес инспекцијата за животна средина на Град Скопје, изврши вонреден инспекциски надзор на реонот Смилковско Езеро, каде затече три лица со живеалиште во општина Бутел, како на дива депонија која сами ја направиле согоруваат отпад со што се загрозува животната средина и здравјето на граѓаните. Во изминатата недела инспекторите за животна средина на град Скопје и комуналните инспектори имаат изречено казни на над 100 сторители, извести Град Скопје.
„Нашите инспектори продолжуваат со засилениот инспекциски надзор на терен 24 часа, со цел намалување на аерозагадувањето и заштита на животната средина. Неселективно се изрекуваат казни за сите што не го почитуваат законот. Континуирано поднесуваме кривични пријави за исфрлање и согорување опасен отпад и загрозување на животната средина, за кривична одговорност против сторители затекнати како исфрлаат опасен отпад, азбестни плочи и друг градежен отпад, меѓу кои и опасен канцероген отпад.
На територијата на Скопје покрај Инспекторатот на Град Скопје, има уште вкупно 14 институции кои имаат надлежност и обврска да постапуваат при загадување на животната средина и загрозување на здравјето на граѓаните. Досега единствено градот Скопје реагира, додека останатите не постапуваат иако за истото имаат законска обврска“, соопшти Град Скопје.