Контакт

Дијаспора

Колоски: Додека Трамп е на чело на САД, Македонија треба да се посвети на домашните проблеми

Објавено пред

 

dobivaj vesti na viber

„Претседателот Обама дојде во претседателското столче со многу проблеми со кои требаше да се соочува, така што Македонија и југоисточна Европа не му беа приоритет. Се сеќавам на анти-македонската резолуција во Сенатот во 2007-та година со која тогашниот Сенатор Обама, како и тогашен Сенатор Џон Кери, дадоа поддршка на истата со експлицитно тврдење дека Македонија шири анти-Грчка пропаганда. Последователно, двајцата, Обама и заменикот претседател Бајден, се прогласени за филехелени пријатели на Грците од страна на грчката дијаспора“, пишува во колумна претседателот на Обединетата македонска дијаспора (ОМД), Мето Колоски, по повод доаѓањето на власт на новиот американски претседател Доналд Трамп.

 

„Искрено ние се плашевме дека Обама кога ќе стане претседател ќе го врати признавањето на Америка за време на Буш и ќе не вика под кратенката како во ООН, и сеуште до ден денес се плашиме, не само поради грчкото лоби, но поради внатрешната ситуација во Македонија. Среќни сме што САД продолжи да ја вика Македонија под уставното име веќе 12 години, колку што брои ОМД од нејзиното основање како организација и глас на македонците во Вашингтон. Еден од првите јавни говори на Обама беше на самитот на НАТО во Страсбург каде што изјави дека вратите на НАТО се ширум отворени за сите земји кои исполнуваат услов за влез во НАТО и изрази надеж дека Македонија ќе стане земја-членка на НАТО што поскоро“, потсетува Колоски.

 

„Пред Обама да стани претседател, САД и Македонија потпишаа договор за стратешко партнерство. За жал, со наши очи не видовме големо посветување на било која страна да се подлабочи тој договор, повеќе од страна на Америка, каде за жал повеќето советници на Обама не беа заинтересирани за Македонија. Политиката на САД кон Македонија беше оставена во рацете на пониските официјални личности на ешалонот на Стејт Департментот“, потенцира претседателот на ОМД.

 

„Од 1999-та година навака, претседател на САД нема остварено посета на Република Македонија, од 2003та година навака, државен секретар на САД, како и од 2007-та година навака, не била остварена посета од секретар на одбрана на САД. Ова би се категоризирало како грешка на САД. Хилари Клинтон, иако ја посети Македонија мислам два пати за време кога беше Прва Дама, Македонија ја запостави кога беше државен секретар, а ги посети скоро сите земји околу Македонија. Навредувачки е, иако во 2011-та Премиерот на Македонија во Стејт Департмент беше нејзин гостин. Потпретседателот Бајден исто ја заобиколи Македонија посетувајќи го Балканот 2-3 пати“, додава тој.

 

Во 2015-та година, наредба дојде од редовите на Белата Куќа да се скрати финансирањето на Гласот на Америка – Македонски сервис. Цела македонска дијаспора се активира и преку групата на пријателство на Македонија во Конгрес и пријатели во Конгресот, ОМД успеа да ја поништи оваа одлука како неоснована, и не само што не се укина, туку македонскиот сервис е зголемен со уште двајца повеќе новинари, вели Колоски.

 

„Од страна на македонската дијаспора, вратите на македонците во Америка беа доста отворени за време на Буш и Обама и се надеваме ќе продолжи со исто темпо и за време на Трамп. Скоро секоја година имаше делегација на лидери на македонската заедница до Белата Куќа за состаноци за време на Обама. Прв македонски православен свештеник прота-ставрофор Бранко Постоловски имаше средба во Белата Куќа, и оддржа молитва пред свечен ручек. Првиот амбасадор за верски слободи на Обама го покани Архимандрит Никодим Царкнијас од Егејска Македонија на средба со Стејт Департмент за дискусија околу правата на македонците во Грција. Во октомври 2014 година за време на 10 годишната Гала на ОМД, 65 македонци отидоа во Белата Куќа на посета. А во јуни 2016 година, 35 македонци отидоа во Белата Куќа на отворена трибина со високи советници на Обама. Ова е се благодарејќи на не- и над-партиската работа на ОМД“, додава Колоски.

 

„Администрацијата на Обама имаше приоритети кон односите со многу земји во светот, но на тоа многу влијаеше како Македонија ќе ги воспоставеше своите внатрешни работите. За жал во последните 8 години не сведочевме на активности од страна на Македонија во САД освен економски форуми во многу градови кои се и за поздравување. Можеби тоа е поради мислењето дека Обама нема да не поддржи и џабе да трошиме пари. Македонија беше една од најнеактивните земји во поле на активностите во Амбасадата, пет години не беше организиран прием за денот на независност, благодарејќи на сегашниот Амбасадор, тој настан кој опстојуваше 15-17 години со ред, се врати. Помалку и помалку активности со Конгресот. Амбасадата имаше 6-7 дипломати вработени во 2006-9 година, а сега се само 4, тоа е слична бројка на времето кога Ачевска и Димитров беа амбасадори. Македонија не може да очекува дека било кој ќе дојде на власт дека ќе не поддржува или нема да не поддржува. Македонија треба повеке ресурси да пренасочи за лобирање кон клучните земји во светот како САД“, вели Колоски.

 

ОМД веќе има воспоставени контакти со личности од идната администрација на Трамп, и дел од нив беа присутни во Амбасадата на маскембалот што ОМД го организираше за Василица пред една недела. Искрено мислеме дека Трамп нема многу да се посвети на Македонија и на Балканот, како што некои мислат. Трамп ќе има приоритети кој му се битни на неговата платформа, а тоа е економскиот развој на САД, здравствениот систем, даноците, како и илегалната имиграција. Сигналите околу НАТО, благодарејќи на тоа што Генералот Матис е секретар за одбрана, е тоа што САД сеуште останува насочена кон унапредувањето на НАТО. САД вложува најмногу пари во светот во одбраната. Трамп и Матис побара земји-членки како и идни членки, како Македонија, да го зголемат буџетот за одбрана до 2 отсто. Македонија мора итно тоа да го направи ако сака да покаже дека ја гледа својата иднина во НАТО, потенцира Колоски.

 

„Околу името, не очекуваме многу. Но треба да бидеме исклучително внимателни. Шеф на кабинет на Трамп е грк по потекло, двајца советници во Белата Куќа исто така со грчко потекло, како и еден во друга Агенција. За време на Трамп, најдобро е Македонија да се посвети на решавања на домашните проблеми, околу судскиот систем, транспарентност, политички диалог, медиумски слободи, скратување на говорот на омраза во секојдневието на општеството, работата на Собранието, вистинска децентрализација на администрацијата во локалните општества низ Македонија, и се разбира една најголема работа – економскиот развој за граѓаните. Но ако следиме тоа што Трамп вели, треба повеќе инвестиции во малите и средните бизниси. Не треба да се очекува дека Трамп ќе ни ги реши нашите проблеми или ќе не спаси од иднината во која ние одлучуваме. Се надеваме дека Македонија ќе има посилна поддршка од САД, но сега засега тоа зависи од нас“, заклучува Колоски во својата колумна./крај/мф/бс

Дијаспора

Муцунски се сретна со македонските иселеници  во Шведска

Објавено пред

Министерот за надворешни работи, Тимчо Муцунски, денеска и утре престојува во дводневна работна посета на Кралството Шведска. Фокусот на првиот ден од посетата беше ставен на бројната македонска дијаспора – при што ја посети и присуствуваше на литургија во македонската православна црква „Св. Наум Охридски“, се сретна со претставници на дијаспората и со македонски стопанственици кои работат и инвестираат во Шведска.

dobivaj vesti na viber

„Посетата на црквата ’Св. Наум Охридски’ во Малме и средбата со македонската заедница, како прв министер за надворешни работи кој присуствувал на утринска литургија во оваа црква, беа можност за разговор за нивните иницијативи, предизвици и очекувања. Се разговараше и за владините политики насочени кон унапредување на односите со дијаспората, при што беше потврден значајниот придонес на македонската заедница во јакнењето на односите меѓу двете држави. Во шведскиот град Трелеборг, во организација на Обединетата Македонска Дијаспора, министерот Муцунски се сретна со македонски стопанственици кои успешно делуваат во Шведска. Во фокусот на средбата беа можностите за инвестирање во Република Северна Македонија, јакнењето на економската соработка и активната улога на дијаспората во економскиот развој на државата“, известија од Министерството за надворешни работи.

Утре министерот Муцунски предвидено е да има средба со министерката за надворешни работи на Шведска, Мариа Малмер Стенергрард.

Прикажи повеќе...

Дијаспора

Муцунски се сретна со претставници на македонската дијаспора во Австралија

Објавено пред

Во рамки на работната посета на Австралија, министерот за надворешни работи и надворешна трговија, Тимчо Муцунски, присуствуваше и се обрати на натпревар на Престон Лајонс, еден од најуспешните македонски фудбалски клубови во Австралија. Клубот претставува спортски симбол на македонската заедница и ја негува традицијата и врските со татковината преку спортот.

„Во црвено-жолта боја, тука од Мелбурн навивавме за тимот кој е гордост на македонската заедница, успешен спортски модел и симбол на спортскиот дух во Австралија,“ напиша Муцунски во објавата на социјалните мрежи. Тој натпреварот го проследи заедно со неколку успешни македонски стопанственици, кои со својата поддршка придонесуваат за зачувување на македонскиот спортски и културен идентитет во дијаспората.

Посетата на Австралија е можност за зајакнување на врските со нашите иселеници, кои имаат значајна улога во градењето мостови на соработка. Во рамки на посетата, министерот Муцунски го посети и македонскиот манастир Св. Климент Охридски – најстариот македонски манастир во дијаспората, како и соборниот храм Раѓањето на Пресвета Богородица во Мелбурн, истакнувајќи дека црквите се важен столб за зачувување на македонскиот идентитет, култура и традиција.

Дополнително, министерот Муцунски оствари средба со претставници на Македонското здружение за благосостојба на заедницата (MCWA), водечка организација во Австралија посветена на обезбедување индивидуализирана грижа за постари лица, со акцент на културната компетентност и инклузивноста. Како заеднички ориентирана организација, MCWA нуди широк спектар на услуги, вклучувајќи програми за добросостојба и рехабилитација, следејќи ги најдобрите практики и регулаторни стандарди.

dobivaj vesti na viber

 

Прикажи повеќе...

Дијаспора

Османи однесе втора, мобилна, станица за пасоши во Берн, Швајцарија

Објавено пред

Во продолжение на серијата посети на дипломатско-конзуларни претставништва на Република Северна Македонија со значително зголемен обем на конзуларна работа, денеска, министерот за надворешни работи Бујар Османи престојува во Амбасадата во Берн, Швајцарија.

dobivaj vesti na viber

Во оваа Амбасада покрај другите конзуларни услуги за нашите државјани, преку базната станица се врши фотографирање и земање на биометриски податоци за издавање на патни исправи, а од денес паралелно со базната станица се става во функција и дополнителна мобилна станица.

 “Дојдов овде за да ги охрабрам дипломатите кои им служат на околу 300 наши државјани дневно, но и да гледам како тече процесот на издавање на нови патни исправи. Донесов уште една мобилна станица за фотографирање, што значи дека и овде во Берн работиме со два пункта паралелно, што значи два тима паралелно фотографираат и врачуваат нови патни исправи” истакна Османи.

 Амбасадата во Берн e една од најоповарените амбасади во Европа во кои има базна станица. Како и во нашите дипломатско-конзуларни претставништва во Брисел, Бон и Берлин, и Амбасадата во Берн ја реаорганизираше својата работа во конзуларниот дел со цел да се скрати времето на давање услуги и нашите граѓани во најбрз можен рок да се снабдат со документи за патување.

 “Предизвиците продолжуваат секаде поради вонредната ситуација. Олеснувачки фактор претставува одлуката на Швајцарија да им дозволи на нашите државјани патување и со старите патни исправи. Како и да е, сме се реорганизирале со дополнителни дипломати, работа во две смени и работа за време на викенд”, заклучи Министерот.

 Од Швајцарија, Османи продолжува за претставништвото во Венеција, со цел запознавање од блиску со ситуацијата и спроведување на реорганизацијата за да им се излезе во пресрет на интересите на нашите државјани во Италија.

Прикажи повеќе...

Најново

Македонија4 минути

Рекет во Скопје: Изнудувале пари со закани за убиство, организаторот од Дубаи

Обвинителството отвори истрага против тројца турски државјани за кои постојат сомненија за изнуда. Тројцата осомничени во група, со сериозна закана...

Регион47 минути

Детали за пукањето во Белград: Напаѓачите дошле со комбе до кафулето и почнале да пукаат кон гостите

Репортерка на „Н1 Белград“ од Вишњичка бања, каде денеска околу 14:30 часот се случи пукање во кое пет лица беа...

Регион55 минути

„Се пукаше од повеќе страни, луѓето се разбегаа“: Во пукање во Белград петмина ранети

Пет лица се повредени во пукање што се случи околу 14:25 часот во белградската населба Вишњичка бања. Според официјалните информации, повредени...

Македонија1 час

Извештај на Стејт департментот: Македонија отворена за инвестиции, корупцијата кочница за бизнисот

Водењето бизнис во Македонија е генерално лесно, а законската рамка е во голема мера усогласена со меѓународните стандарди, иако корупцијата...

Македонија6 часа

Мицкоски: Нека ме наречат заостанат, но формирањето многудентно семејство е највисок патриотски чин

Премиерот, Христијан Мицкоски, упати порака до граѓаните дека формирањето семејство, формирањето многудентно семејство е највисок патриотски чин на еден народ...

Македонија7 часа

Јаневска: Државата целосно го финансира учеството на талентираните ученици на меѓународни натпревари

Од оваа година, Министерството за образование и наука целосно ги покрива трошоците за пат и котизација на учениците и нивните...

Топ8 часа

Уапсени двајца турски државјани во Скопје, му се заканувале на едно лице дека ќе го убијат ако не му дадат пари

Вчера во 18:40 часот на подрачјето на Центар во Скопје, полициски службеници од Единицата за насилен криминал и Единицата за...

Свет11 часа

(Фото) Голем портрет од Нетанјаху и од Трамп на плажа во Тел Авив: израелскиот премиер како Пинокио

Израелските демонстранти ја искористија средбата меѓу Доналд Трамп и Бенјамин Нетанјаху во Белата куќа за да испратат порака од плажа...

Европа11 часа

Зеленски: Ослободивме повеќе од 174 квадратни километри од Украина

Украина повторно освои повеќе од 170 квадратни километри територија во близина на источниот град Добропил во неодамнешните контраофанзиви, изјави синоќа...

Свет11 часа

Нова ескалација – Мадуро вели дека САД подготвуваат напад, си даде поголеми овластувања

Венецуелскиот претседател Николас Мадуро потпиша декрет со кој му се даваат дополнителни безбедносни овластувања во случај на воен упад на...

Свет12 часа

(Фото/Видео) Белата куќа го објави мировниот план на Трамп за Газа, Нетанјаху го прифати

Американскиот претседател Доналд Трамп и израелскиот премиер Бенјамин Нетанјаху вчера одржаа клучна средба во Белата куќа, на која Трамп го...

Европа12 часа

Путин: Победуваме во Украина, нашите борци и команданти тргнуваат во напад

Рускиот претседател Владимир Путин во понеделникот изјави дека руските сили ја добиваат она што тој ја нарече „праведна битка“ во...

Европа12 часа

Мерц: Не сме во војна, но веќе не сме ни во мир

Германскиот канцелар Фридрих Мерц вчера изјави дека Европа „не е во војна, но повеќе не е во мир“ со Русија....

Македонија21 час

Ѓорѓиевски: Имаме визија за просторно планирање, зелена инфраструктура и енергетска ефикасност за поубаво Скопје

На вечерашниот митинг во Скопје, со кој започна кампањата за претстојните локални избори, имаше свое обраќање Орце Ѓорѓиевски, кандидат за...

Македонија21 час

Мицкоски: Правдата не може да чека, нема толеранција за длабоката држава

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори,...

Македонија1 ден

Судот оваа недела ја завршува оценката на обвинението за „Пулс“

Скопскиот Кривичен суд најави дека до петок ќе ја донесе одлуката дали обвинението за пожарот во кочанската дискотека ќе биде...

Македонија1 ден

Само 42 отсто од институциите доставија податоци за службени возила пред локалните избори

Само 42 % од институциите доставија податоци за службени возила пред локалните избори, соопшти Државната комисија за спречување на корупцијата....

Македонија1 ден

Мицкоски: Секој што на каков било начин има поврзаност со случајот во Кочани да биде изведен пред лицето на правдата

Премиерот Христијан Мицкоски, денес, одговарајќи на новинарско прашање во однос на најновата сторија на ИРЛ, која споменува вмешаност на даночни...

Македонија1 ден

Уапсени 60 лица за подметнување пожари во Македонија

Од 01 април до 29 септември регистрирани се вкупно 2.080 пожари на отворен простор, при што приведени се вкупно 60...

Македонија1 ден

Католичката црква со реакција за муралот на Мајка Тереза: Ова е навредлив чин за сите верници

Католичката црква во Македонија изразува жалење за, како што велат, недостојниот и навредлив чин со кој на муралот на света...