Контакт

Дијаспора

ОМД назначи нови претставници за Чикаго и Лос Анџелес

Објавено пред

Управниот одбор на Обединетата Македонска Дијаспора (ОМД) има огромно задоволство да ги претстави Алекс Василески, претставник на ОМД во Чикаго и Марија Малиновска, претставник на ОМД за Лос Анџелес. Голем број на Американци со македонско потекло живеаат во Чикаго и Лос Анџелес и ОМД има голема чест што може да ја прошири својата дејност со своите нови претставници.

dobivaj vesti na viber

„Алекс и Марија имаат постигнато големи успеси во нивната професионална сфера, и имаме голема чест што тие ќе ги искористат нивното искуство и ентузијазам за да ја имплементират мисијата на ОМД да ги зближат Македонците и да ја промовираат Македонија во Чикаго и Лос Анџелес,” изјави Трајко Папучковски, член на Одборот на ОМД и директор за САД.

„Алекс и Марија ќе претставуваат ефективна врска за Македонците и ќе инспирираат и мотивираат за поголем ангажман во клучните македонско-американски прашања,” заклучи Папучковски.

„Возбуден сум што ќе му се придружам на ОМД тимот како претставник за Чикаго, затоа што Чикаго е многу битен град и многу Македонци живеат во него и во неговата околина. Моето мото е ‘Имај голема визија, работи чекор по чекор и стигни бргу до таму кадешто сакаш да бидеш’ и ќе го искористам истото за да ја промовирам Македонија во Чикаго,” рече Василески.

„Ми претставува голема чест да бидам претставник на ОМД во Лос Анџелес. Мојата визија, која сакам да ја исполнам преку ОМД, е да се зголеми зближеноста на Македонците меѓу себе и исто така да се зголеми фокусот на претставување и ширење на нашата богата култура и традиција на нашите пријатели и сограѓани во Лос Анџелес и Калифорнија,” рече Малиновска.

„Многумина сакаат Македонија и македонската култура и традиција да просперира. Ги повикувам сите да се придружат кон ОМД затоа што секој може да допридонесе кон зголемувањето и зајакнувањето на македонскиот просперитет”, додаде таа.

Василески ќе ја замени Наталија Булинг која беше претставник за Чикаго од 2011, а Малиновска доаѓа на местото на Димитар Насев кој беше претставник за Лос Анџелес од 2009 и е сега член на одборот и директор на програмата за Економски развој.

Алекс Василески е прва генерација Македонец-Американец со корени од Охрид, Македонија. Василески е претседател и основоположник на компанијата во Чикаго “A Mind and Body Total Fitness, Inc.,” која се фокусира на индивидуално дизајнирана здравствена програма, имплементација на здравствени програми за компании, мотивациски програми, програми за јавно говорење и пост-рехабилитација.

Василески го има победено ракот два пати и неговиот „Никогаш не се откажувај” став го насочил да промовира здрав и исполнет живот на населението во Чикаго и околината. Моментално Василески е член на помошниот одбор на Педијатарската Фондација за рак Bear Necessities, ментор е на групата за поддршка Imerman Angels One-On-One, ментор-оратор за Организацијата за Леукемија и Лимфом (Leukemia and Lymphoma Society), како и тренер за Најк Елит. Разновидното искуство на Василески во корпоративниот свет на Америка му помогнало да воспостави деловни врски кои се од големо значење за дома и за странство. Неговата мисија е да им помогне на другите да имаат среќен и здрав живот.

Василески има добиено голем број на признанија за неговата работа во здравствената индустрија како на пример бил еден од првите 100 преставници на списанието Men’s Health за наградата “Најзгоден дечко 2015”, член е на Управниот одбор на CoCo5 за 2015, амбасадор и спортист за Core Power Nutrition за 2014, најзгоден тренер во Америка според списанието Shape за 2014, влијателен претставник за Чикаго за својата хуманитарна работа за 2013, а истотака добил признание од Lululemon за неговата истражувачка работа.

Марија Малиновска е родена во Битола, Македонија, кадешто завршила средно образование во економското средно училиште Јане Сандански. Малиновска студирала на Економскиот факултет во Прилеп пред да се пресели во Америка во 2006. Таа пет години работела како Маркетинг координатор за Maria’s Italian Kitchen. Потоа го продолжила своето образование на колеџот во Лос Анџелес каде шест години работела како асистент по математика. Потоа добила стипендија за да студира на Универзитетот на Калифорнија во Лос Анџелес (UCLA), кадешто студирала на катедрите за Глобализација и Германистика.

Моментално, Малиновска работи за адвокатската компанија Jaurique Law Group и истотака е запишана на престижната адвокатска програма на адвокатската академија Southwestern Law School во Лос Анџелес. Нејзината долгорочна цел е да изработи бизнис план за зајакнување на статусот на жените во земјите во развој преку микрофинансирање. Од 2000 година Марија е член на МЕНСА, а истотака е и победник на натпреварот за бизнис план на ниво на земјите во Јужно-Источна Европа. Покрај македонски, Марија говори англиски, германски, шпански и влашки и сака да чита и да патува./крај/мф/бс

Дијаспора

Муцунски се сретна со македонските иселеници  во Шведска

Објавено пред

Министерот за надворешни работи, Тимчо Муцунски, денеска и утре престојува во дводневна работна посета на Кралството Шведска. Фокусот на првиот ден од посетата беше ставен на бројната македонска дијаспора – при што ја посети и присуствуваше на литургија во македонската православна црква „Св. Наум Охридски“, се сретна со претставници на дијаспората и со македонски стопанственици кои работат и инвестираат во Шведска.

dobivaj vesti na viber

„Посетата на црквата ’Св. Наум Охридски’ во Малме и средбата со македонската заедница, како прв министер за надворешни работи кој присуствувал на утринска литургија во оваа црква, беа можност за разговор за нивните иницијативи, предизвици и очекувања. Се разговараше и за владините политики насочени кон унапредување на односите со дијаспората, при што беше потврден значајниот придонес на македонската заедница во јакнењето на односите меѓу двете држави. Во шведскиот град Трелеборг, во организација на Обединетата Македонска Дијаспора, министерот Муцунски се сретна со македонски стопанственици кои успешно делуваат во Шведска. Во фокусот на средбата беа можностите за инвестирање во Република Северна Македонија, јакнењето на економската соработка и активната улога на дијаспората во економскиот развој на државата“, известија од Министерството за надворешни работи.

Утре министерот Муцунски предвидено е да има средба со министерката за надворешни работи на Шведска, Мариа Малмер Стенергрард.

Прикажи повеќе...

Дијаспора

Муцунски се сретна со претставници на македонската дијаспора во Австралија

Објавено пред

Во рамки на работната посета на Австралија, министерот за надворешни работи и надворешна трговија, Тимчо Муцунски, присуствуваше и се обрати на натпревар на Престон Лајонс, еден од најуспешните македонски фудбалски клубови во Австралија. Клубот претставува спортски симбол на македонската заедница и ја негува традицијата и врските со татковината преку спортот.

„Во црвено-жолта боја, тука од Мелбурн навивавме за тимот кој е гордост на македонската заедница, успешен спортски модел и симбол на спортскиот дух во Австралија,“ напиша Муцунски во објавата на социјалните мрежи. Тој натпреварот го проследи заедно со неколку успешни македонски стопанственици, кои со својата поддршка придонесуваат за зачувување на македонскиот спортски и културен идентитет во дијаспората.

Посетата на Австралија е можност за зајакнување на врските со нашите иселеници, кои имаат значајна улога во градењето мостови на соработка. Во рамки на посетата, министерот Муцунски го посети и македонскиот манастир Св. Климент Охридски – најстариот македонски манастир во дијаспората, како и соборниот храм Раѓањето на Пресвета Богородица во Мелбурн, истакнувајќи дека црквите се важен столб за зачувување на македонскиот идентитет, култура и традиција.

Дополнително, министерот Муцунски оствари средба со претставници на Македонското здружение за благосостојба на заедницата (MCWA), водечка организација во Австралија посветена на обезбедување индивидуализирана грижа за постари лица, со акцент на културната компетентност и инклузивноста. Како заеднички ориентирана организација, MCWA нуди широк спектар на услуги, вклучувајќи програми за добросостојба и рехабилитација, следејќи ги најдобрите практики и регулаторни стандарди.

dobivaj vesti na viber

 

Прикажи повеќе...

Дијаспора

Османи однесе втора, мобилна, станица за пасоши во Берн, Швајцарија

Објавено пред

Во продолжение на серијата посети на дипломатско-конзуларни претставништва на Република Северна Македонија со значително зголемен обем на конзуларна работа, денеска, министерот за надворешни работи Бујар Османи престојува во Амбасадата во Берн, Швајцарија.

dobivaj vesti na viber

Во оваа Амбасада покрај другите конзуларни услуги за нашите државјани, преку базната станица се врши фотографирање и земање на биометриски податоци за издавање на патни исправи, а од денес паралелно со базната станица се става во функција и дополнителна мобилна станица.

 “Дојдов овде за да ги охрабрам дипломатите кои им служат на околу 300 наши државјани дневно, но и да гледам како тече процесот на издавање на нови патни исправи. Донесов уште една мобилна станица за фотографирање, што значи дека и овде во Берн работиме со два пункта паралелно, што значи два тима паралелно фотографираат и врачуваат нови патни исправи” истакна Османи.

 Амбасадата во Берн e една од најоповарените амбасади во Европа во кои има базна станица. Како и во нашите дипломатско-конзуларни претставништва во Брисел, Бон и Берлин, и Амбасадата во Берн ја реаорганизираше својата работа во конзуларниот дел со цел да се скрати времето на давање услуги и нашите граѓани во најбрз можен рок да се снабдат со документи за патување.

 “Предизвиците продолжуваат секаде поради вонредната ситуација. Олеснувачки фактор претставува одлуката на Швајцарија да им дозволи на нашите државјани патување и со старите патни исправи. Како и да е, сме се реорганизирале со дополнителни дипломати, работа во две смени и работа за време на викенд”, заклучи Министерот.

 Од Швајцарија, Османи продолжува за претставништвото во Венеција, со цел запознавање од блиску со ситуацијата и спроведување на реорганизацијата за да им се излезе во пресрет на интересите на нашите државјани во Италија.

Прикажи повеќе...

Најново

Македонија5 часа

(Видео) Македонецот кој спречи терористички напад во авион: „Реагирав инстинктивно“

На летот од Лондон до Глазгов се случи инцидент, откако еден од патниците извика дека има бомба, со слогани „Смрт...

Свет7 часа

Трамп го скрати рокот: Му давам на Путин уште 10 до 12 дена

Американскиот претседател Доналд Трамп изјави дека го скратува претходниот рок од 50 дена што му го дал на рускиот претседател...

Регион9 часа

Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација...

Македонија12 часа

И јас ќе ги прашам Фетаи и Меџити дали користеле службени возила за приватни или партиски цели, вели Мицкоски

Десет дена по медиумските објави, во кои се гледаат службени возила на вицепремиерите Изет Меџити и Арбен Фетаи нешто пред...

Македонија13 часа

Мицкоски за интерпелацијата на Коцевски: Јас не ги менувам ставовите преку ноќ

На еден ден пред расправата за интерпелацијата на државниот јавен обвинител Љупчо Коцевски, поднесена од партијата Левица, премиерот Христијан Мицкоски...

Македонија17 часа

Споменик на Андон Лазов Јанев-Ќосето поставен на кружниот тек во Автокоманда

Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во...

Спорт18 часа

(Видео) Македонски судија нападнат на кадетското Европско првенство во бокс

Извор и фото/ b92.net Заврши Европското првенство за кадети и кадетки (ученици на возраст од 13 и 14 години), кое...

Македонија18 часа

Во изминатото деноноќие имало 51 пожар во Македонија, денеска активни осум

Во текот на изминатото деноноќие, 27/28.07, на територијата на Република Северна Македонија се регистрирани вкупно 51 пожар, од кои осум се...

Свет19 часа

Рубио: Трамп го губи трпението со Путин, размислува за драстични мерки

Претседателот на САД, Доналд Трамп, е сè повеќе фрустриран од недостатокот на напредок на Русија кон мировниот договор и сега...

Регион19 часа

Вучиќ: Србија нема да воведе санкции против Русија

Претседателот на Србија, Александар Вучиќ, изјави дека Србија нема да воведува санкции кон Русија и дека ќе се држи до...

Свет19 часа

САД и ЕУ постигнаа договор за царините

Соединетите Американски Држави и Европската Унија постигнаа рамковен трговски договор, објавија американскиот претседател Доналд Трамп и претседателката на Европската комисија,...

Македонија1 ден

Паника во Катланово и Петровец поради голем пожар, Ангелов смирува дека нема опасност да се запали бензинската

Попладново пожар изби и помеѓу Катланово и Петровец. Директорот на Дирекцијата за заштита и спасување Стојанче Ангелов вечерва во видео-изјава...

Македонија1 ден

И војниците на АРМ ќе се вклучат во гаснење на пожарот во кривопаланечкото село Нерав

Пожарот во кривопаланечкото село Нерав уште е активен, на терен се повеќе екипи на територијалните противпожарни единици од Крива Паланка...

Топ1 ден

Силувани деца на возраст од 3 и 10 години во Гостивар, мајката ги снимила и видеото го пратила на таткото

Основното јавно обвинителство Гостивар донесе Наредба за спроведување истражна постапка против мајка од гостиварско за која постои основано сомнение дека...

Македонија1 ден

Ангелов: До 13:30 часот се евидентирани 16 пожари на отворен простор

До 13:30 часот на 27 јули 2025 година, на територијата на државата се евидентирани вкупно 16 пожари на отворен простор,...

Македонија1 ден

Хеликоптерска акција во Штип: Полициски службеници спасија повреден војник од борбата со пожарот

Во време кога летните горештини го зголемуваат ризикот од пожари, а бројот на активни огнени жаришта се зголемува ширум државата,...

Македонија2 дена

Шумскиот пожар во Крива Паланка се шири кон куќите, екипите се на терен

Шумскиот пожар што од вчера напладне зафати над 50 хектари борова шума во кривопаланечкото село Нерав, според информациите од Општина...

Uncategorized2 дена

Пожарникарите неуморно и секојдневно на терен, во едно деноноќие се гасеа 33 пожари

Во текот на изминатото деноноќие евидентирани се вкупно 33 пожари на отворен простор, од кои 12 се активни, пет се...

Регион2 дена

Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките...

Македонија2 дена

Чекање до 45 минути на Табановце и Пелинце, а на Богородица околу 30 минути

Со зголемувањето на летните одмори и интензивните туристички патувања, на македонските гранични премини повторно се бележат големи гужви. Најголемиот притисок...