Македонија
Граѓаните со висока поддршка за членство во ЕУ

Поддршката за членство на Македонија во ЕУ е сé уште голема и непроменета во споредба со март 2014 година, покажа истражувањето на Институтот за демократија „Социетас Цивилис“ Скопје, во рамки на проектот „Граѓанска мрежа за спречување на конфликт на интереси во јавната администрација“ за јавното мислење за ЕУ интеграцијата на Македонија.
Сепак, факторот „промена на името“ на државата кај значителен дел од граѓаните е влијателен при нивната поддршка за ЕУ интеграцискиот процес. Мнозинство граѓани поддржуваат влез во ЕУ без отстапки за името на државата (58,8 отсто), додека близу една четвртина поддржуваат влез дури и со отстапки за името (23,8 проценти). Мало малцинство воопшто не го поддржува членството на Македонија во ЕУ (13,6 отсто).
Мнозинство граѓани перцепираат стагнација во ЕУ интеграцијата во споредба со март 2014 година. Намалена е перцепцијата дека Македонија напреднала во процесот на ЕУ интеграција, а зголемен е процентот на испитаници кои сметаат дека воопшто не напреднала или се случило назадување. Доколку во 2014 најголем дел од испитаниците сметале дека Македонија донекаде напреднала, во 2015 година најголем број испитаници сметаат дека Македонија малку или воoпшто не напреднала или вкупно 57,3 отсто.
Постои значителна разлика во споредба со 2014 околу перцепцијата за подготвеноста на Македонија за членство во ЕУ. Додека минатата година граѓаните беа речиси поделени по ова прашање, во 2015 мнозинство граѓани сметаат дека Македонија не е подготвена за членство во ЕУ, односно 57,2 проценти.
Во споредба со 2014 година, оваа година се бележи раст на мислењето дека главната причина зошто Македонија сé уште не е дел од ЕУ е неостварувањето на домашните реформи. Додека во 2014 такво мислење имале 27,1 отсто од граѓаните, сега истото мислење го делат 32,1 проценти. Од друга страна, пак, меѓу 2014 и 2015 се бележи мал пад на мислењето дека главната причина за тоа што Македонија уште не е дел од ЕУ се соседните држави. Во март 2015, 43,8 отсто од испитаниците сметаат дека главната причина се соседите.
Најголем дел од етничките Македонци сметаат дека главната причина за тоа што Македонија не е дел од ЕУ се соседите или 46,1 отсто, а истото го мислат и 37,2 проценти од етничките Албанци. Мнозинство Албанци, пак, сметаат дека главната причина е неостварувањето на домашните реформи или 50,3 отсто, а истото го мисли и нешто повеќе од една четвртина од испитаниците Македонци, односно 26,7 отсто.
Податоците се собрани преку теренска анкета „лице в лице“ на примерок од 1.603 испитаници со статистичка грешка од +/- 2,5 отсто. Анкетата е спроведена на македонски и албански јазик./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Уапсени две лица во Куманово и Тетово за предизвикување на пожар

Денеска во 18.30 часот полициски службеници од СВР Куманово го уапсија С.С.(57) од Куманово поради потоење основи на сомнение за сторено кривично дело “предизвикување на општа опасност”.
Имено во населбата Рајкова куќа кон с.Никулски пат предизвикал пожар при што опожарени биле сува трева, патничко возило “ауди”, напуштена куќа и ниви.
Исто така во 20.00 часот на место викано Брест атар на с.Челопек полициски службеници од Полициското одделение Жеровјане го лишиле од слобода И.М.(41) од с.Челопек поради постоење основи на сомнение за подметнување на пожар. Се преземаат мерки за расчистување на случајот по што ќе следи соодветен поднесок.
Македонија
Активни се шест пожари во Македонија

Денеска до 18 часот, на територијата на Македонија имало вкупно 27 пожари на отворен простор, од кои активни се 6 пожари, еден е под контрола и изгаснати 20 пожари, информира Центарот за управување со кризи.
АКТИВНИ: 6
1. Општина Македонски Брод 1: Повеќенаменското подрачје „Јасен“ (мешана шума)
2. Општина Македонски Брод 2: с. Девич – с. Грешница (ниска вегетација)
3. Општина Јегуновце: помеѓу селата Рогачево и Јажинце (пасишта)
4. Општина Брвеница: с. Челопек и с. Милетино (нискостеблеста шума)
5. Општина Кичево 1: с. Аранѓел (стрниште)
6. Општина Кичево 2: с. Мало Церско (ниска вегетација)
ПОД КОНТРОЛА: 1
1. Општина Струга: место викано „Октишка Краста“ (ниска вегетација)
ИЗГАСНАТИ: 20
1. Општина Демир Хисар: с. Мало Илино (дабова шума)
2. Општина Струга 1: место викано „Бегова Шума“, с. Делогожда (ниска вегетација и мешана шума)
3. Општина Делчево: с. Очипала (ѓубриште и ниска вегетација)
4. Општина Куманово 1: ул. Ѓорче Петров (ѓубре)
5. Општина Куманово 2: с. Романовце (ниска вегетација)
6. Општина Куманово 3: кај месна индустрија „Никси“ (ниска вегетација)
7. Општина Куманово 4: нас. Карпош (ниска вегетација)
8. Општина Старо Нагоричане: с. Челопек (ниска вегетација и стрниште)
9. Општина Сарај 2: с. Радуша кон с. Дворце (ниска вегетација)
10. Општина Арачиново: с. Арачиново (ниска вегетација)
11. Општина Арачиново 2: с. Орланци (ѓубриште)
12. Општина Сопиште: с. Св. Петка (ниска вегетација)
13. Општина Шуто Оризари: ул. Брсјачка Буна (ѓубриште)
14. Општина Желино: с. Групчин (ниска вегетација)
15. Општина Тетово: с. Селце (ниска вегетација)
16. Општина Тетово 2: кај ресторан „Сирич“ (ѓубриште)
17. Општина Гостивар: с. Чегране (ниска вегетација)
18. Општина Прилеп: с. Дабница (ниска вегетација)
19. Општина Ресен: с. Дрмени (ниска вегетација)
20. Општина Чешиново – Облешево: с. Теранци (ниска вегетација)
Македонија
Големиот пожар кај струшко Октиси ставен под контрола

Директорот на Центарот за управување со кризи, Мухамед Али, и заменик-министерот за земјоделство, шумарство и водостопанство, Албрим Хоџа, се присутни на терен кај селото Октиси, каде што беше активен голем пожар.
Од Центарот за управување со кризи информираат дека пожарот, иако имал големи размери, е ставен под контрола, но на одредени места сè уште има чадења кои се внимателно следени од екипите на терен.
Во гаснењето дејствува и авион „Ер трактор“ од ДЗС, кој интервенира од воздух, како и шестмина пожарникари и едно противпожарно возило од ТППЕ – Струга, 10 лица од Јавното претпријатие „Македонски шуми“, две возила „Пинцгауер“ од ДЗС и локални жители.
„Благодарение на навремената интервенција, координацијата на сите служби и несебичната помош на локалното население, спречено е ширење на пожарот кон населени места“, велат од ЦУК.