Македонија
Иако им ги вратија пасошите, членовите на Левица не можат да излезат од државата
Иако Основниот суд Скопје 1 пред два месеца им ги врати пасошите на членовите на партијата Левица, Здравко Савески и Владимир Куновски, сепак, тие сѐ уште не можат да ја напуштат државата, бидејќи забраната за излез од државата е сѐ уште на сила на граничните премини.
Савески обвини дека полицијата се изживува со нив и дека ги користи сите бирократски механизми за да не можат да излезат од државата.„Додека претставници на режимот кои се осомничени за сторен крупен криминал и крадење на народот на Република Македонија шетаат слободно, режимот води постапки против борците против криминалот. Иако Судот на претходното рочиште пред цели два месеца нас ни ги врати пасошите, односно ја укина мерката за забрана за излез од државата, полицијата ги користи сите бирократски менанизми, цели два месеца да не ја тргне забраната за излез од државата за мене и за колегата Владимир Куновски. Тоа го сметаме за изживување од страна на полицијата, но нека не берат гајле, нас не можат така лесно да не скршат“ изјави Савески.Сега Судот повторно ќе ја извести полицијата да ја тргнат забраната за патување за членовите на Левица кои се обвинети дека учествувале во демолирањето на Народната канцеларија на претседателот на протестите на 13-ти април против одлуката за аболиција.Денешното рочиште беше одложено бидејќи Судот немал добиено известување за прекршочните постапки коишто се водат за овој настан. „За целиот овој настан се водат прекршочни и кривични постапки што секако има своја импликација во однос на натамошно барање на штета, за претрпената штета, кој е огласен виновен во однос на некаква солидарна одговорност. Ние сметаме дека секако не се виновни, но тоа прашање е прилично битно за обвинетите“, изјави Сашо Дукоски, адвокат на обвинетите. Институциите проценија дека при демолирањето на канцеларијата на Претседателот, била направена штета од од над 500 илјади денари.Савески и Куновски повеќе од еден месец поминаа во куќен притвор којшто им беше укинат пред два месеца, а се товарат за кривично дело учество во толпа што ќе стори кривично дело./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.