Македонија
Kaсами: Времето на заплашување Албанци е мртво, се плашиме само од албанскиот народ
Обидите за страв и замолчување како во времето на комунизмот воопшто не не плашат, продолжуваме со кренати глави, пишува тетовскиот градоначалник, Билал Касами откако Министерството за внатрешни работи поднесе барања за поведување на прекршочна постапка против него и против градоначалникот на Чаир, Висар Ганиу поради дел од скандалите на пречекот на косовскиот премиер, Албин Курти.
Касами вели дека се работи за уцени во обид да ја попречат здружената опозиција.
„Времето на заплашување на Албанците, нивно апсење и носење во озлогласени полициски станици е мртво, заедно со тоа наскоро ќе умре и овој ваш комунистички режим. Вие продолжувате да бидете вазали на Белград, затоа што таму ќе завршите сите, додека ние како опозиција се среќаваме со овој народ и се плашиме само од албанскиот народ“, пишува Касами.
Посетата на Курти во Македонија ги разбранува земјата и регионот. МВР поднесе прекршочни пријави бидејќи при организираниот пречек на 11 август во Чаир и Тетово, не било постапено согласно Законот за употреба на грбот, знамето и химната на Македонија. Конкретно, за време на манифестациите организирани по тој повод не е интонирана државната химна и не е поставено државното знаме, со што е сторен прекршок по членот 30 од истиот закон.
Истовремено полицијата четири дена трага по лицето кое во Тетово вееше знаме на „голема Албанија“ и најавува дека по неговото пронаоѓање против него ќе биде поднесена соодветна кривична пријава.
Партиите од албанскиот политички блок, не се оградија, ниту се извинија од чинот кој се толкува и како територијална претензија кон други држави. По посетата на Курти и реакциите во јавноста, Касами наместо извинување, објави видео од пречекот на кое јасно се гледа како се вее знамето на „голема Албанија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.