Македонија
ЛП не може да ги добие потврдите за неосудуваност
![](https://makfax.com.mk/wp-content/uploads/2016/11/ivon-velickovski.jpg)
Либералната партија не моеж да ги добие потврдите за неосудуваност за кандидатите за пратеници, со што и се попречува учеството на оваа партија, на претстојните предвремени,парламентарни избори, закажани за 11 декември.
Имено, од Осносвниот суд Скопје 1, кој е надлежен за издавање на овие потврди биле известени дека нема да биде во можност да биде завршено во законски потребните рокови, по што Либералната партија се обрати до Државната изборна комисија.
„Ве известуваме дека во текот на денешниот ден наидуваме на проблем во издавањето на потврдите за неосудуваност на кандидатите за пратеници од Либералната партија.
Конкретно, при доставата на документите, усмено сме известени дека надлежниот суд Скопје 1 Скопје веројатно нема да биде во можност да ги издаде потребните документи во следните седум дена. Предупредуваме дека со тоа државата ќе спречи регистрирана политичка партија, во конкретниот случај – Либералната партија – да поднесе кандидатски листи за претстојните парламентарни избори“, се вели во известувањето од ЛП до ДИК.
Бараат навремено ДИК да ги преземе сите мерки да не се прават административно-политички пречки на политичките партии кои ќе настапуваат самостојно на изборите.
„Нема да дозволиме државата узурпирана од четири партии да не спречи во правото на политичко дејствување и остварувањето законски права. Знаеме дека сме им проблем, затоа што не сакаме да играме по туѓи ноти. Ги известуваме и сите амбасади за овие опструкции. Сакавте Пржино? Сега спроведете го на дело“, вели претседателот на Либералната партија, Ивон Величковски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.