Министерството за земјоделство, шумарство и водостопанство платило 778.000 евра за систем со кој требало да бидат правилно распределени земјоделските субвенции, за кој ревизорите откриле дека нема потпишано соодветни договори, контролата се прави со ексел документ по два критериуми  и одобрување на неавторизирани налози за исплата.

Ова го објави во понеделник дополнителниот заменик-министер за земјоделство, Љупчо Николовски, кој најави дека ќе спречи каква билозлоупотреба во пресрет на следните избори, закажани за 11 декември.Имено, како што појасни Николовски. согласно член 48 од Законот за земјоделство и рурален развој спроведувањето на мерките за директни плаќања (односно субвенциите за земјоделците) може да се врши преку интегриран систем за администрација и контрола.„Во декември 2011 година МЗШВ потпишува Договор за изработка токму на тој систем со странски компании (ИСАК). Според договорот од стотици страни, системот чини 778.000,00 евра, платен од МЗШВ, а даден на користење на Платежната агенција. Преку овој скапо платен систем треба да се обезбедува администрација и контрола на средствата од директните плаќања односно субвенции, средствата за рурален развој и средствата од ИПАРД и да овозможи усогласено функционирање и непречена размена на податоци со другите институции“, вели Николовски. Потоа, во 2012 година е донесен Правилник за начинот и функционирањето на овој систем според кој е регулирано дека заради правилно функционирање и размена на податоците МЗШВ треба да склучи меморандум со АФПЗРР, Агенцијата за катастар на недвижностите и Агенцијата за хартии од вредност заради користење на податоците за земјоделските парцели и бројната состојба на животните и нивната идентификација.Но, конечниот ревизорски извештај на Државниот завод за ревизија за периодот 2014 година, кој НИколовски го дава во прилог, констатира дека на ревизијата не и се презентирани склучени договори/меморандуми за соработка на МЗШВ со АФПЗРР, Агенцијата за катастар на недвижностите и АХВ. Дека овие состојби не се во согласност со Законот за земјоделство и рурален развој и влијаат на правилното функционриање на системот.„Второ, ревизорот констататирал дека поради нефункционалноста во софтверот за директни плаќања изборот на примерок за контрола се прави со помош на ексел апликација и со користење на само два критериуми. Трето, ревизорот констатира одобрување на неавторизирани налози за исплата кои ги нема во прегледот на донесени решенија за одобрување на исплата“, додаде Николовски.Тој праша зошто не биле потпишани договори за соработка меѓу институциите за користење на податоците за земјоделските парцели и бројната состојба на животните и нивната идентификација и дали токму нефункционалноста на овој систем за кој се платени 778.000 евра средства од  граѓаните за да се овозможи администрација и контрола на исплаќање на субвенциите на земјоделците, е токму причината за селективниот и клиентелистички пристап во распределба на субвенциите.„Бескомпромисно и без калкулации работиме и ќе продолжиме да работиме во интерес на земјоделците и граѓаните.И ќе спречиме било каква злоупотреба во пресрет на следните избори. Тоа е наша законска обврска, должност и цел“, рече Николовски./крај/со/бб