Надворешна политика
Politico: Македонија во ЕУ по 2030-та, земјите од регионот по 2025-та година
Македонија би станала членка на Европската унија (ЕУ) по 2030-та година, додека земјите од регионот тоа би го направиле за отприлика пет години порано, односно по 2025-та, пишува европското издание на Politico.
Во поглед на Македонија, шансите кои Politico и ги дава на земјата за членство се 50 проценти, и оценува дека како предност е тоа што во Македонија има помалку внатрешни проблеми отколку Босна и Херцеговина. „Преговорите за членство одат многу бавно. Грција не го признава дури ни името Македонија, кое го смета како закана за територијалниот интегритет на сопствената покраина со истото име. Македонија исто така има голем број на несогласувања со Бугарија, а покрајт тоа постојат и сериозно обвинувањата кои се однесуваат на непочитувањето на владеењето на правото“, пишува Politico.
Според пишувањата на овој магазин, изненадувачки, прв кандидат за членство би можела да биде Албанија, која веќе е членка на НАТО и е „ослободена од југословенските војни од 90-тите години“. Politico наведува дека од земјите од западен Балкан, Албанија би можела прва да стигне до членство во ЕУ, односно по 2025-та година, додека Црна Гора, Србија и Косово тоа би требало да го достигнат по 2027-та година.
„Сите други земји од западен Балкан имаат бројни компликации. Што се однесува до Македонија, членката на ЕУ Грција одбива дури да го признае и нејзиното име. Доколку ЕУ би дозволила Црна Гора и Косово да влезе во одбраното друштво без Србија, тоа би предизвикало значајна нестабилност во регионот. Босна и Херцеговина е во најлоша позиција од сите и би можела да ги забави сите останати земји во случај ЕУ да сака земјите од Балканот да влезат во унијата во форма на блок“, пишува Politico.
Ниедна држава не поднела барање станала членка за помалку од пет години (Финска го држи рекордот). За членките од поранешниот Варшавски пакт и СФРЈ тој процес во просек е 10 до 15 години.
Politico се осврнува и на потенцијалните членства на Украина и Турција, пришто Киев би можел да очекува членство некаде по 2035-та година, додека пак членството на Анкара е „практично невозможно“.
„Имајќи ги предвид сите потешкотии низ кои поминува Украина, како и одбивањето на холандските гласачи да гио прифатат Договорот за проширување на ЕУ, таа опција засега е тешко остварлива. Според тоа, членството во ЕУ додека на чело на Русија е Владимир Путин би било еднакво на самоубиство“, пишува весникот. За Турција, пак, Politico пишува дека земјата под владеењето на турскиот претседател Реџеп Тајип Ердоган се движи кон авторитаризам и има фундаментални проблеми во областите на владеењето на правото и слободата на изразувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.