Надворешна политика
Попоски: Да се забрза процесот на пристапување на Балканот во ЕУ
Од особена важност е споделената заложба за искористување на моментумот од „Берлинскиот процес“ за забрзување на процесот на пристапување на земјите од Балканот во Европската унија, истакна македонскиот министер за надворешните работи Никола Попоски во своето излагање во четвртокот вечерта на самитот за западен Балкан кој се одржи во австриската престолнина Виена.
Справувањето со мигрантско-бегалската криза и адресирањето на отворените билатерални прашања во контекст на евроинтеграцискиот процес беа темите во фокусот на сесијата на министрите за надворешни работи на самитот за западен Балкан што се одржа во четвтокот во Виена, под покровителство на Австрија, со учество на германската канцеларка Ангела Меркел и комесарот на ЕУ за соседска политика и проширување, Јоханес Хан.
„Kлучен фактор за развој и просперитет е подобрувањето на меѓусебното инфраструктурно поврзување во региoнот и со Европската унија. Потребно е да се обезбедат одржливи механизми за финансирање преку европските и меѓународните фондови за имплементацијата на заеднички договорените регионални проекти од транспортната и енергетската инфраструктура кои се од пошироко европско значење. Приоритетни за Македонија се проектите долж паневропските коридори 8 и 10“, истакна шефот на дипломатијата Никола Попоски, кој беше во составот на македонската делегација предводена од премиерот Никола Груевски. Во врска со мигрантско-бегалската криза, Попоски ja потенцираше потребата за унифициран европски одговор во решавањето на предизвиците со бегалците.
„Не помалку важно е итно да се адресираат и долготрајните конфликти како примарна причина за појава на мигрантско-бегалскатакриза. Македонија е единствен случај каде илегални мигранти доаѓаат од земја членка на ЕУ. Пораката од ЕУ е дека ваквата состојба е недозволива, за што се активираат соодветни механизми за помош и соработка“, истакна Попоски. Во делот на билатералните прашања, министрите за надворешни работи на државите од западиот Балкан присутни во Виена потпишаа Декларација со која нивните влади се обврзаа сите отворени билатерални прашања да ги решаваат во добрососедски дух и со споделена посветеност кон евроинтегративните процеси.
Владитe се заложија да не го блокираат прогресот на соседите во нивниот европски пат. Се обрзаа дека ќе ги решаваат сите отворени билатерални прашања преку преговори во согласност со меѓународните норми. Попоски притоа ја нагалси важноста на потребата на вклучување на земјите членки на ЕУ во регионот во еден вaков процес во пресрет на следниот самит за западен Балкан кој треба да се одржи во Париз, следната 2016 година./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.