„По 20-тина години неуспешни преговори Македонија треба да побара признавање од страна на Генералното собрание за членство во Обединетите Нации (ОН) под уставното име. Вие сте Македонци, а вашиот јазик е македонски“, изјавил британскиот амбасадор и прв медиатор во грчко македонскиот спор, Робин О’Нил за програмата „Гласот на народот“.
 

„По 20-тина години неуспешни преговори Македонија треба да побара признавање од страна на Генералното собрание за членство во Обединетите Нации (ОН) под уставното име. Вие сте Македонци, а вашиот јазик е македонски“, изјавил британскиот амбасадор и прв медиатор во грчко македонскиот спор, Робин О’Нил за програмата „Гласот на народот“.

Во врска со изјавата на грчкиот премиер Андонис Самарас дека македонскиот јазик е измислена творба на комунистите и дека никогаш не слушнал за таков јазик, британскиот дипломат, појаснува дека коментарите на Самарас за македонскиот јазик само покажале колку е  непријателски односот на грчката влада кон Македонија.

„Можеби тој се надева дека со овие изјави ќе ја добие и поддршката од националистичките елементи од Бугарија. Ова покажува колку е лошо за Македонија да се допушти ваков нереален спор да се влече со години. Станува се потешко да се најде рационалното решение“, вели О Нил.

Според него, Македонија треба да побара помош од целата меѓународна заедница со обраќање до Генералното собрание на ОН, во кое ќе искаже благодарност на Нимиц и неговите напор во изминатите дваесетина години да го реши спорот, но и жалење што тие не довеле до каков било напредок кон решение.

Во однос на прашањето за приемот на Македонија во ЕУ и НАТО, О’Нил вели дека Меѓународниот суд за правда донел пресуда со која се потврдува дека според Времената спогодба меѓу Грција и Македонија, Македонија има право за аплицирање во овие организации под БЈРМ, и дека Грција не може да се противи на ова.

„Во оваа ситуација сметам дека постои обврска од страна на водечките земји на НАТО и ЕУ, САД, Германија и Велика Британија да ја притиснат Грција да прекине со опструкциите Македонија да стане членка на овие две организации. Ова би ја зајакнало стаблиноста во регионот, и би придонело за поголем прогрес. Ваков прием на Македонија во тие организации би требало да се реализира под соодветното име според меѓународното право: Република Македонија, нагласува амбасадорот О’Нил.

За тоа дали дополнителните услови за прием на Македонија во ОН се во согласност со членовите од Повелбата на ОН и за коментарот на Нимиц во Скопје дека ОН не преговаараат за идентитети и дека мандатот се однесува за името амбасадорот О Нил одговара дека Македонија е веќе членка на ОН. Според него Грција смета дека постои спор меѓу неа и Македонија околу името Република Македонија.

„Во меѓународното право, секоја држава има право да го користи името кое саматата го избрала. Сепак, ОН повикаа двете  држави да го решат овој  спор, и Нимиц работеше со големо трпение многу години за да  пронајде прифатливо решение и за двете земји. За цело време  Грција не беше подготвена да покаже интерес за кое било име кое би претставувало своевиден компромис“, истакнува О Нил.

Тој смета дека  Нимиц при секоја посета на Скопје давал коректни и разумни коментари. Според О Нил, Нимиц се надева дека во Атина има искрена подготвеност за изнаоѓање компромис, но, стравува дека ќе треба да заклучиме дека не постои надеж за успех на неговата медијација.

„Вистината е дека Грција не сака да види решение на овој спор, поради причините кои се целосно во домен не грчката внатрешна полтитика. Името Република Македонија никогаш за овие 24 години не праваше никаква штета за Грција, ниту имаше штетно влијание врз стабилноста на Грција. Во оваа ситуација е созреано времето Македонија да се обрати до ОН и да објаси дека по 20 години овој проблем, кој никогаш не бил закана за меѓународниот мир и безбедноста, (член 2 (3) од Повелбата на ОН, заради пошироките интереси за стабилноста на Балканот треба да биде предмет на одлучување од Генералното собрание на ОН со гласање“, вели британскиот дипломат, пренесува МИА./крај/мф/ап