Надворешна политика
The Guardian: Македонија е отворена за промена на името и ставање крај на спорот со Грција
Македонија е отворена за промена на своето име, за кое Атина смета дека е „украдено од северната грчка провинција“, пишува британски The Guardian.
Македонскиот премиер вели дека тој е отворен за промена на името на земјата, зголемувајќи ги надежите дека ќе му биде ставен крај на еден од светските најневообичаени проблеми, односно 24-годишниот спор со Грција, пишува британсиот весник.
Во тексот се вели дека премиерот Никола Груевски е подготвен да го отвори дијалогот по ова прашање со Грција, под услов секоја потенцијална промена на името да биде потоа ставена на референдум на кој граѓаните ќе гласаат. „Подготвени сме за дискусии, да го отвориме дијалогот со нив и да најдеме некое решение“, изјавил Груевски во интервју за Guardian.
Весникот додава дека овој спор ја натера Грција да го блокира својот сосед од зачленувањето во ЕУ и НАТО, и доведе до тоа Обединетите нации (ОН) Македонија да ја нарекуваат „Поранешната југословенска Република Македонија“, се додека не биде постигнато решение. Меѓу предлозите за промена беа и внесувањето на одредници како „горна“ или “нова“ до формалниот опис на името Македонија, но никогаш не беше постигната согласност за некаква промена.
„Би сакале што поскоро да имаме дијалог со Грција и да постигнеме решение, и ако најдеме решение тогаш тоа ќе го претставиме пред граѓаните и ќе организираме референдум. Ние дијалогот мораме да најдеме некакво решение, и потоа да ги прашаме граѓаните дали е ова правилно, или пак не е“, изјавил Груевски во интервјуто за британскиот весник.
Во текстот се додава дека и од двете страни во последно време има сигнали дека проблемот може да биде решен. Пред неговата посета на Атина во четврток, македонскиот министер за надворешни работи Никола Попоски изразил оптимизам, односно во изјава за грчкиот весник Kathimerini порачал дека „условите се повеќе од зрели“ за изнаоѓање на решение за спорот со името. Посетата, која ќе биде прва во 15 години, може да значи дека со оглед на тоа што Грција е економски на своите колена и во екот на бегалската криза, балканските соседи конечно се подготвени да подготват терен за компромис.
Мерките за градењето на доберва помогнаа за да се подобрат односите меѓу двете земји, а за време на посетата на Скопје во јуни, грчкиот министер за надворешни работи Никос Коѕиас изјави дека „Грција сака сите свои соседи да бидат членки на ЕУ, бидејќи таа во голема мера зависи од тоа што се случува на Балканот како целина“.
Британскиот весник додава дека стравовите кај Атина од територијална агресија кон грчката провинција Македонија од страна на „една мала земја која сака ексклузивно право на името“, со текот на времето веќе исчезнале.
Откако претходно грчката страна потенцираше дека нема да дозволи име кое ќе го содржи терминот „ Македонија“, во 2007-та година Атина порача дека ќе биде согласна доколку се постигне решение за сложено име кое ќе го содржи и овој термин. Спротивната страна пак продолжи да инсистира да се нарекува Република Македонија.
„Отидовме чекор подалеку, предложивме сложено име со географска одредница за севкупна употреба“, изјавил за The Guardian неименуван извор од грчкото министерство за надворешни работи.
Проблемот во четвртокот ќе биде главна тема на разговорите помеѓу Коѕиас и Попоски во Атина, а брзо решение секако дека не се очекува, додава британскиот весник. Сепак, посетата на Попоски и потребата да им се обрне внимание на поголемите проблеми, можеби го најавува почетокот на крајот на еден од најчудните светски дипломатски спорови, заклучува The Guardian./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.