Преку Програмата за национални патишта за којашто дадовме силна поддршка како пратеници од пратеничката група на ВМРО-ДПМНЕ, се обезбедија средства за проекти во патната инфраструктура која што ќе ги подобри и осовремени патиштата низ државата и како проекти веќе се влезени во собраниска процедура, рече на прес-конференција во вторникот Лилјана Затуровска, пратеник од владејачката партија во Собранието на Република Македонија.
 

Преку Програмата за национални патишта за којашто дадовме силна поддршка како пратеници од пратеничката група на ВМРО-ДПМНЕ, се обезбедија средства за проекти во патната инфраструктура која што ќе ги подобри и осовремени патиштата низ државата и како проекти веќе се влезени во собраниска процедура, рече на прес-конференција во вторникот Лилјана Затуровска, пратеник од владејачката партија во Собранието на Република Македонија.

Според Затуроска, дел од средствата обезбедени за реализација на оваа Програма, се однесуваат на изградба и реконструкција на повеќе делници, но денес ќе се задржиме на изградбата на нов автопат од Струга до Требеништа.

„Новиот автопат Струга – Требеништа ќе се протега во должина од 8,5 километри. Ова автопатското решение предвидува изградба на нова делница со коловоз од по две ленти со широчина од 3,75 метри и по една сопирачка лента широка 2,5 метри во секој правец. Проектна брзина за движење на возилата ќе биде 120 (130) км/час. Исто така значајно е да се напомне дека новиот автопат Струга – Требеништа ќе претставува крак кој ќе се поврзува со новиот автопат од Кичево до Охрид кои што веќе е во изградба и се одвива според планираната динамика“, рече пратеничката.

Затуроска, исто така, во продолжени појасни дека изградбата на споменатата делница на ниво на автопат, значително ќе придонесе за олеснување на протокот на сообраќај низ населените места особено во летниот период од годината, но и за исполнување на барањата и потребите на граѓаните од овој предел за зголемување на безбедноста и сигурноста на учесниците во сообраќајот во иднина.

Таа таксативно ги наведе повеќе проекти, како што е изградба на автопат од Струга до Требеништа кој треба значително да придонесе и за поквалитетна туристичка понуда, како и за поголема достапност на туристичките знаменитости коишто се нудат во овој регион. „Охридско – струшкиот регион со проектите предвидени во патната инфраструктура ќе добие и автопатско решение, Кичево – Охрид, кој што веќе е во изградба, како и нов експресен пат од Охрид до Пештани за кои што исто така веќе се обезбедени средства“, појасни Затуроска.

Освен во Охридско – струшкиот регион, додаде пратеничката на владејачката ВМРО-ДПМНЕ, нови патишта ќе се градат и низ целата земја, како на пример, делницата Раец – Дреново дел од новопланираниот експресен пат Градско – Прилеп, нов експресен пат од Штип до Кочани, делницата Велес – Кадрифаково, започнатиот автопат Миладиновци – Штип како и многу други инфраструктурни решенија кои што ќе ја променат и осовременат патната мрежа во државата.

„Сиве овие крупни инвестиции и зафати коишто се прават во патната инфраструктура во овој регион, освен што ќе помогнат за развој на туризмот како најзначајна гранка, ќе обезбедат и забрзан економски развој, како и поголема и посигурна комуникација на граѓаните од овој регион со останатите делови од Република Македонија. Ова се проекти во патната инфраструктура какви што не се паметат децении наназад“, заклучи Затуроска./крај/мф/сн

Извор: Макфакс