Општество
Министерството за правда демантира дека условите во ВПД „Тетово“ се мизерни
Во врска со наводите изнесени од страна на одредени медиуми во однос на Извештајот на Народниот правобранител за Воспитно-поправниот дом кој привремено е лоциран во Затвор Охрид, известуваме следното:
Во врска со наводите изнесени од страна на одредени медиуми во однос на Извештајот на Народниот правобранител за Воспитно-поправниот дом кој привремено е лоциран во Затвор Охрид, известуваме следното:
„Во контекст на изнесените наводи, најодговорно тврдиме дека истите се извадени од контекст од Извештајот на Народниот правобранител при што се дава нереална слика различна од фактичката состојба. Имено, Народниот правобранител констатира дека за разлика од претходниот период, негативните појави во Домот се сведени во најмали рамки според бројот на поднесени претставки.Поради правилно информирање на јавноста, известуваме дека на секое малолетно лице на кое му е изречена воспитна мерка му се загарантирани сите човекови права со почитување на сите стандарди за третирање на оваа ранлива категорија на лица. Со цел надминување на проблемот со сместувачките капацитети на ВПДомот, информираме дека се преземени конкретни мерки за негово надминување, односно во завршна фаза е градбата на новиот комплекс на ВПД „Тетово“ во село Волковија, Општијна Брвеница, кој се гради според сите европски стандарди за вакви установи.Во насока на подобрување на процесот на ресоцијализација, сите малолетни лица се вклучени во неформален образовен процес во рамките на Проектот „Подобрување на затворските услови за реинтеграција на малолетните затворени лица” кој се реализира веќе трета година со поддршка на Холандскиот Хелсиншки комитет. Во рамките на овој проект вработените од ВПДомот и Затвор Охрид се обучени за примена на нова YОUTURN/EQUIP Програма со чија примена се обезбедува зголемување на вештините на малолетниците за справување со гневот, унапредување на социјалните вештини и вештините за решавање на морални дилеми.Во однос на условите за престој и одржувањето на личната хигиена, известуваме дека со донација на Црвениот крст на Република Македонија сменети се сите врати и прозори со енергетски ефикасни материјал, вклучувајќи ги и тоалетите. Исто така, на сите малолетни лица редовно им се даваат хигиенски пакети и истите имаат пристап до туш преку колекторски систем за обезбедување на топла вода. Во поглед на здравствената заштита, известуваме дека еднаш неделно има посета од страна на комплетен тим од Здравствениот Дом кој ја пружа потребната нега, специјалистички прегледи се вршат во Ј.З.У Болница Охрид, а во итни случаи се повикува итна помош. Истовремено, би сакале да потенцираме дека на малолетните лица им се даваат терапии единствено кои се пропишани од лекари од Ј.З.У Болница Охрид.Во врска со наводите за користење на “бугарски палки”, односно употреба на сила, известуваме дека во Домот не е дозволено носење на гумени палки и согласно постоечките правила истите се носат единствено при спроводи и интервенциии и до сега нема ниту една поплака од страна на малолетните лица за примена на сила од страна на службените лица, ниту пак Народниот Правобранител известил дека има било каква поплака во врска со употреба на средствата за присилба.Исто така, извадена е од контекст и информацијата во врска со буџетот на ВПДомот за 2015 и 2016 година каде се наведува дека буџетот е намален за половина во споредба со 2009 година. Имено, точно е дека буџетот е намален, но соодветствува со бројот на малолетни лица кои во моментот престојуваат во Домот, односно нивниот број е преполовен во однос на 2009 година, стои во демантот од Министерството за правда./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Годишен извештај на Народниот правобранител: Помалку претставки од граѓаните за работата на јавните обвинителства
Во извештајната 2023 година, во областа која се однесува на работата и постапувањето на обвинителствата во Република Северна Македонија поднесени се 63 претставки што е за 24 помалку во однос на 2022 година, се констатира во Годишниот извештај за степенот на обезбедувањето почитување, унапредување и заштита на човековите слободи и права во 2023 година што го објавува Народниот правобранител на Република Северна Македонија.
Согласно објавените податоци, бројот на претставки на граѓаните на годишно ниво се намалил за повеќе од 38%, што претставува резултат на заложбите на Јавното обвинителство за зголемување на ефикасноста на постапките и континуираните напори за подобрување на довербата на граѓаните во работата на јавните обвинителства.
Во најголем број од претставките граѓаните бараа интервенција во врска со постапки пред основните јавни обвинителства (51), потоа пред Основното јавно обвинителството за организиран криминал и корупција (4), постапка пред Јавното обвинителство на РСМ (3), пред вишите јавни обвинителства (2), друго (2) и една претставка се однесуваше за постапка пред Совет на јавни обвинители. Ваквиот сооднос е очекуван со оглед на обемот на предметна работа и фактот што токму јавните обвинителства со основна надлежност го прават првиот директен контакт на граѓаните со институцијата.
Доколку се има предвид вкупниот обем на работа на јавните обвинителства кои активно постапуваат по поднесени кривични пријави за над 40.000 сторители на кривични дела во текот на годината, поднесените 63 претставки до Народниот правобранител претставуваат околу 0,1% од таа бројка. Притоа, граѓаните во посочените предмети изразувале незадоволство поради непостапување по поднесена пријава на кривично дело, одолжување на постапката или поради незадоволство од донесена одлука. Од тие причини Народниот правобранител, меѓу останатите препораки во извештајот, во делот на Јавното обвинителство препорачува основните јавни обвинителства да ги доставуваат јавнообвинителските одлуки до странките и да им се овозможи правото да ги обжалат до повисоките јавни обвинителства, да постапуваат поажурно и навремено да преземаат дејствија, да го почитуваат рокот од 3 месеци доколку не донесат јавнообвинителска одлука да го известуваат повисокиот јавен обвинител и пријавителот, за да нема сомневање и страв дека гонењето ќе застари.
Сите овие забелешки Јавното обвинителство ги зема предвид, детално ги анализира и ќе продолжи да презема активности за дополнително зголемување на ефикасноста, на транспарентноста и на отчетноста за постапките што ги води. Ваквите заложби на Јавното обвинителство се веќе воспоставен начин на работа при што уште во извештајот за 2022 година омбудсманот констатираше дека за разлика од претходните години, сега јавните обвинителства, особено издвојувајќи ги Основното јавно обвинителство Скопје и Основно јавно обвинителство за гонење на организиран криминал и корупција, постапуваат по барањата на Народниот правобранител, даваат суштински и целосни одговори за бараните информации од постапките, се вели во соопштението од Јавното обвинителство.
Македонија
Денеска со зајдисонце за муслиманите започнува месецот Рамазан
Денеска со зајдисонце за муслиманите започнува месецот Рамазан, при што се поттикнуваат добри дела, молитви и читање Куран чие објавување започна токму во месецот Рамазан пред повеќе од 1.400 години.
Рамазан е деветтиот месец од муслиманскиот лунарен календар, благословен и свет месец во кој верниците од исламска вероисповед ширум светот постат во текот на дневните часови.
Целта е да се излезе од Рамазан подобар, поздрав, со простени гревови.
Првиот ден на постот е во понеделник на 11 март, а последниот на 9 април.
Рамазан е месец на прочистување на духот, умот и телото во кој муслиманите се откажуваат од храна, пијалок и други телесни задоволства, не прават неморални дела и избегнуваат гнев.
Добротворноста е многу важен дел од исламот и уште поважно е за време на Рамазан кога муслиманите се потсетуваат на великодушноста и ги зголемуваат своите добротворни активности.
Секоја година, Рамазан започнува 10 до 12 дена порано бидејќи исламскиот календар е всушност лунарен хиџри календар каде месеците имаат 29 или 30 дена.
Бидејќи лунарната година е пократка од сончевата година за 11 дена, во 2030 година ќе има два Рамазани – првиот ќе започне на 5 јануари, а вториот на 26 декември.
Постот завршува со Бајрам.
Македонија
Народната банка со поддршка за борбата против семејното насилство
Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.
При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.
„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“.