Контакт

Општество

Регионална конференција Заштита на просторот за мирен јавен собир во југоисточна Европа

Објавено пред

Првата регионална и национална конференција „Заштита на просторот за мирен јавен собир во Југоисточна Европа“ ќе се одржи следните два дена (понеделник и вторник, 25-ти и 26-ти август) во Скопје во хотелот „Холидеј Ин“.

dobivaj vesti na viber

Конферецијата ќе овозможи претставниците на граѓанските организации од Балканот, претставници од ОБСЕ/ОДИХР, Европската унија, експерти и претставници на институциите, да ги истражат и дискутираат можностите и предностите поврзани со правните и практичните аспекти на примената на слободата на јавен собир во Југоисточна Европа. Постојната законска рамка и заштитните механизми кои го гарантираат правото на јавен собир во практиката ќе бидат разгледувани. Исто така, на конференцијата ќе се идентификуваат начините за подобра соработка помеѓу граѓанското општество, медиумите и властите, со цел унапредување на правото на јавен собир во регионот. Конференцијата ја организира „Реактор – Истражување во акција“ во соработка со Европскиот центар за непрофитно право (ECNL), ОБСЕ/ОДИХР, и е дел од Проектот на УСАИД за граѓанско општество кој го спроведува Фондацијата Отворено општество – Македонија. На неа учество ќе земат низа клучни говорници, вклучително и претставници од ОБСЕ/ОДИХР, ECNL, Уставниот суд на Република Македонија, претставници на релевантни институции, како и проминентни организации на граѓанското општество од регионот ќе учествуваат на конференцијата.Конференцијата ќе се осврне на темите за стандардите и практиките од областа на јавните собири, како и можностите за правна заштита; експертски ставови за предизвиците кои произлегуваат од глобалните трендови од остварувањето на правото на јавен собир; прецизен увид на потребите и перспективите на различните релевантни чинители; и за јавните собири во дигиталната ера: нови технологии за организирање и следење јавни собири. Една од главните цели на конференцијата е да понуди можности за вмрежување и да поттикне дебата меѓу учесниците од државите од југоисточна Европа и Македонија./крај/мф

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Ковачевски: Ја јакнеме родовата еднаквост за општество во кое жените се сигурни и економски независни

Објавено пред

Законот за родова еднаквост треба да ја зајакне положбата и статусот во општеството и да обезбеди еднаков пристап до ресурси и еднакво учество во донесување на одлуки во сите сфери на општеството. Тој предвидува формирање на секретаријат чија основна намена е следење на мерките за родова еднаквост, рече премиерот Димитар Ковачевски во неговиот говор на Форум за родова еднаквост во организација на Министерството за труд и социјална политика и Фондацијата Фридрих Еберт.

dobivaj vesti na viber

„ Случаите како „Јавна соба“ ни ги покажаа слабостите на системот но исто така ни покажаа дека санкционирањето и превенирањето се најважните алки во справувањето со родово базирано насилство. Пресудите на обвинетите во случајот „Јавна соба“ обесхрабруваат други повторни појави на вакви случаи, кон што придонесуваат и измените и воведувањето на дело „Демнење“ се предвидуваат строги санкции за вознемирување преку интернет.

Тоа значи дека секој што неовластено ќе следи, прогонува или ќе се меша во личниот живот на друго лице (вклучително и да воспостави несакан контакт) може да се казни со казна до три години затвор, и тоа верувам дека ќе направи пресвртница во слободата која досега ја чувствуваа оние кои без одговорност ги загорчуваа животите на многу жени и девојки, некои поради професијата, некои поради политичкиот или граѓанскиот активизам, и слично.

Но, како и секое горливо општествено прашање, и ова бара заеднички општествени напори. Ние како Влада мора да обезбедиме политики и механизми, но тука мора да делуваме координирано со граѓанските организации, со академската фела, со медиумите. На овој фронт мора да се здружиме, затоа што без едукација и образование, подигнување на свест и новите алатки за заедничко дејствување нема да има резултат“ рече Ковачевски.

Тој нагласи дека не е доволна решителност или делување само на Владата, туку дека е потребно пошироко консолидирано дејствување кое ќе предизвика широки, општествени промени. Со овие промени, додаде тој, ја враќаме довербата во институциите, односно обезбедуваме сигурност на оние кои се жртви на секаков вид насилство.

„ Секоја жена, секоја жртва која трпи насилство треба да знае дека не е сама, државата, институциите се тука за да ги заштитат но и соодветно да ги казнат сите оние кои сториле каков било вид на насилство“ порача премиерот Ковачевски.

Прикажи повеќе...

Македонија

Спасовски: МВР на секоја закана приоѓа со максимална професионалност, клучен фактор е меѓународната соработка

Објавено пред

Министерот за внатрешни работи, Оливер Спасовски, учествуваше на петтата пленарна сесија на Националната конвенција за Европската Унија во Република Македонија, што се одржува во Собранието во присуство на амбасадорите на партнерските земји и претставници на релевантни институции.

dobivaj vesti na viber

За време на првата панел-дискусија „Основите на европската интеграција: Владеење на правото и спроведени реформи“, во рамките на сесијата министерот Спасовски беше прашан за тоа како се справуваме како држава со хибридните закани, особено ако се земе предвид фактот дека многу училишта добија пријави/дојави за поставени експлозивни направи. Во однос на ова прашање, Спасовски истакна дека во тој контекст се и дојавите за поставување експлозивни направи во скопски средни училишта.

„Би сакал да истакнам дека сите дојави од страна на МВР се третираат со максимална сериозност и се преземаат сите активности: откога ќе се спроведе евакуацијата, се обезбедува заштитен периметар и се пристапува кон антитерористичка проверка на објектите и околината, при што се ограничува и пренасочува сообраќајот. Притоа Република Северна Македонија не е некој исклучок за ваквите хибридни напади т.н. лажни дојави за бомби. Напротив, на ваков тип напади масивно се изложени и соседните земји, како, на пример: Србија, Хрватска и Црна Гора, а и подалечните, како Нов Зеланд, Канада, САД, Германија итн. Без разлика на зачестените закани, Министерството на секоја закана ѝ приоѓа со максимална професионалност и сериозност“, рече Спасовски.

Со цел подобар координиран одговор по ова прашање, Спасовски го издвои и донесувањето на неколкуте значајни стратешки документи, како што се Националната стратегија за компјутерска безбедност, Стратегијата за градење отпорност и справување со хибридните закани, Стратегијата за компјутерски криминал. Притоа потенцира дека клучен фактор е силната меѓународна соработка и брза размена на информации помеѓу земјите и агенциите за спроведување на законот.

„Би сакал да истакнам дека во првата половина од 2022 година регистрирано е зголемување на компјутерскиот криминал во нашата земја за значителни 48 % во однос на истиот период од 2021 година, а причинетата материјална штета е десеткратно зголемена во однос на лани. Од вкупниот број регистрирани дела, по преземените мерки и активности, расчистени се 76 дела, со што е постигната вкупна ефикасност од 67 %, која е зголемена речиси 10 % во споредба со лани“, информира Спасовски.

Во 2023 година пријавено е учество во 12 оперативни акциски планови и 108 оперативни акции, притоа Македонија ќе биде колидер во четири оперативни акции“, истакна Спасовски.

Прикажи повеќе...

Македонија

Со поддршка на ЕУ и по примерот на Љубљана, Општина Аеродром иницира модел за ефикасно управување со отпадот

Објавено пред

Во рамките на проектот „Clean AirDrom – нула цврст отпад“, кој со поддршка на Европската Унија и Швајцарската агенција за поддршка и развој се спроведува во Општина Аеродром, денеска во хотелот „Хилтон“ се одржа јавен настан за проектот и форум за можностите и предизвиците на јавно-приватното партнерство. На настанот присуствуваа и свое обраќање имаа амбасадорот на Европската Унија, Дејвид Гир, заменик-министерот за локална самоуправа, Зоран Димитровски, и градоначалникот на општина Аеродром, Тимчо Муцунски. Целта на проектот во рамките на програмата „ЕУ за општините“ е следејќи го успешниот пример на Општина Љубљана од Словенија, да воспостави систем за ефикасно управување со цврстиот отпад и да ја зголеми свеста кај граѓаните за важноста на рециклирањето на отпадот во Аеродром.

dobivaj vesti na viber

Градоначалникот Муцунски им се заблагодари на партнерите во проектот и во своето обраќање најави дека во следниот период Општина Аеродром ќе биде иницијатор на меѓуопштинска соработка и поддршка за сите општини и јавни комунални претпријатија со цел да се преслика заеднички европски модел за управување со отпад во Скопје и целата земја.

„Тие ќе имаат можност заедно со Општина Аеродром да ги учат најдобрите практики и да ги применат европските искуства во воведувањето ваков систем и со тоа да станат дел од зелениот договор, кој е имплементиран од страна на Европската Унија и кој повикува на насоченост и кохерентност на европските политики кон одржливиот развој“, истакна градоначалникот Муцунски во воведното обраќање на настанот.

Амбасадорот Гир нагласи дека нашата земја како кандидат за членство во Европската Унија се соочува со големи предизвици, а еден од нив е и заштитата на животната средина, во чии рамки влегува и управувањето со отпадот, што е еден многу комплексен процес. Тој потенцира дека ова бара огромен труд и финансиски извори, па токму затоа Европската Унија помага како на државно така и на локално ниво.

„Силно ги охрабруваме централната и локалната власт меѓусебно да соработуваат и да ги искористат сите можности. Исто така, и приватниот сектор има клучна улога во процесот на рециклирање за што треба да се олесни законската процедура. Не само што станува збор за зачувување здрава и чиста животна средина туку ваквите инвестиции имаат голема улога и во создавањето нови работни места и можности. Секој еден од нас е дел од еден интегриран систем за управување со отпад“, истакна евроамбасадорот Дејвид Гир цитирајќи го слоганот во кампањата на Делегацијата на ЕУ, „Чисто како дома исто“.

На настанот, кој е поделен на неколку теми, се вклучија голем број експерти по овие прашања, присуствуваа претставници на невладините организации „Гоу грин“ и „Омниум коуч“, Општината Љубљана од Словенија, комуналното претпријатие „Вока снага“ од Љубљана, претставници на приватните компании и други партнери, кои се вклучени во проектот.

„Справувањето со отпадот мора да биде дел од системско решение, да се селектира отпадот уште во самите домаќинства и да се изградат капацитети за негово рециклирање. Тоа, се разбира, најмногу зависи од финансиската состојба со која се соочуваат општините, особено поголемите градови, како што е Скопје, односно јавните комунални претпријатија“, изјави заменик-министерот Димитровски, кој, меѓу другото, нагласи дека иднината е во циркуларната економија за која ние сме уште на почетокот, а како клучна во процесот ја истакна потребата од изградба на регионални депонии.

Денешниот настан е еден од низата поврзани со проектот Clean AirDrom, што Општина Аеродром ќе ги организира и во иднина, а е поддржан од Европската Унија, Швајцарската агенција за обнова и развој и Министерството за локална самоуправа, а кој во иднина ќе придонесе за подигнување на свеста кај граѓаните и обезбедување здрава и чиста животна средина. Граѓаните заедно со локалната самоуправа ќе може да дадат свој придонес во воспоставување систем за селектирање и ефикасно справување со отпадот.

Прикажи повеќе...

Најново

Македонија1 час

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Свет2 часа

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Економија2 часа

Објавена листата на најскапите градови во светот

Њујорк и Сингапур се рангирани како најскапи градови во светот, според годишното истражување на глобалните трошоци за живот на Economist...

Македонија2 часа

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет3 часа

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет3 часа

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...

Свет3 часа

Зеленски тврди дека од руско заробеништво се ослободени повеќе од 1.000 украински војници

Повеќе од илјада Украинци беа ослободени од руско заробеништво за време на војната, рече Володимир Зеленски. Украинскиот претседател изјави дека...

Економија13 часа

ЕУ постигна договор за руската нафта

Членките на Европската унија се согласија да ја ограничат цената на руската нафта на 60 долари за барел, во согласност...

Свет13 часа

(Видео) Еруптираше најголемиот активен вулкан во светот, лавата се поблиску до градот

Лава тече од вулканот Мауна Лоа на Хаваите, кој е најголемиот активен вулкан во светот и чија ерупција започна на...

Свет16 часа

Сноуден се заколна на верност на Русија и доби руски пасош

Едвард Сноуден доби руски пасош откако се заколна на верност на земјата која го штити од американските власти од 2013...

Свет16 часа

Британија стравува од бактерија што се шири во училиштата, за помалку од месец починаа четири деца

Велика Британија стравува од епидемија на стрептокока А откако за помалку од еден месец од вообичаено безопасната бактериска инфекција починаа...

Македонија17 часа

Мицкоски: За само 3 дена од 5 до 7 декември ЕСМ ќе увезе струја за околу 4.200.000 евра

Продолжуваат во владата „хероите” со „херојските дела“ во енергетиката. Нов увоз на струја и ново авансно „херојско” плаќање. За само...

Македонија23 часа

Триесет години „Макфакс“, десет години „А1он“ – медиумите на „Клип медија груп“ прославија јубилејни родендени

Првата независна новинска агенција „Макфакс“ прослави 30 години постоење, сега како дел од групацијата „Клип медија груп“, а јубилеи прославија...

Македонија24 часа

Лажни дојави за бомби во три основни училишта во Скопје

Министерството за внатрешни работи ја известува јавноста дека се направени сите потребни проверки во врска со денешните пријави од училиштата...

Свет24 часа

Орбан: Проширувањето на санкциите на ЕУ за рускиот гас би имало трагични последици

Унгарскиот премиер Виктор Орбан денеска изјави дека продолжувањето на санкциите на ЕУ за рускиот гас и енергија од нуклеарните централи...

Свет1 ден

Сана Марин: Војната во Украина покажа дека Европа не е доволно силна

Финската премиерка Сана Марин изјави во Сиднеј дека Европа „не е доволно силна“ сама да се спротивстави на Москва. Премиерката...

Регион1 ден

Ескобар: Србија мора да ја почитува границата со Република Српска

Заменик-помошникот државен секретар на САД и специјален претставник за Западен Балкан, Габриел Ескобар, даде целосна поддршка на евро-атлантските интеграции на...

Економија1 ден

СДСМ: Даночна реформа, нема нови даноци и се укинува прогресивното даночење

Владата предводена од СДСМ од почетокот на наредната година почнува со етапно воведување нов даночен систем, чија главна карактеристика е...

Топ1 ден

Во Германија запленети 2.100 лажни часовници наменети за македонскиот пазар

Повеќе од 2.100 фалсификувани луксузни часовници се запленети во четвртокот на аеродромот во Франкфурт, соопшти полицијата. Во меѓувреме се појавија...

Македонија1 ден

Приватните превозници утрово на протест на „Илинденска“

Превозниците од „Слобода превоз“ и „Макекспрес“ утрово повторно го блокираа сообраќајот во Скопје на десната лента на булеварот Илинден. Директорот...