Општество
Регионална конференција Заштита на просторот за мирен јавен собир во југоисточна Европа

Првата регионална и национална конференција „Заштита на просторот за мирен јавен собир во Југоисточна Европа“ ќе се одржи следните два дена (понеделник и вторник, 25-ти и 26-ти август) во Скопје во хотелот „Холидеј Ин“.
Конферецијата ќе овозможи претставниците на граѓанските организации од Балканот, претставници од ОБСЕ/ОДИХР, Европската унија, експерти и претставници на институциите, да ги истражат и дискутираат можностите и предностите поврзани со правните и практичните аспекти на примената на слободата на јавен собир во Југоисточна Европа. Постојната законска рамка и заштитните механизми кои го гарантираат правото на јавен собир во практиката ќе бидат разгледувани. Исто така, на конференцијата ќе се идентификуваат начините за подобра соработка помеѓу граѓанското општество, медиумите и властите, со цел унапредување на правото на јавен собир во регионот. Конференцијата ја организира „Реактор – Истражување во акција“ во соработка со Европскиот центар за непрофитно право (ECNL), ОБСЕ/ОДИХР, и е дел од Проектот на УСАИД за граѓанско општество кој го спроведува Фондацијата Отворено општество – Македонија. На неа учество ќе земат низа клучни говорници, вклучително и претставници од ОБСЕ/ОДИХР, ECNL, Уставниот суд на Република Македонија, претставници на релевантни институции, како и проминентни организации на граѓанското општество од регионот ќе учествуваат на конференцијата.Конференцијата ќе се осврне на темите за стандардите и практиките од областа на јавните собири, како и можностите за правна заштита; експертски ставови за предизвиците кои произлегуваат од глобалните трендови од остварувањето на правото на јавен собир; прецизен увид на потребите и перспективите на различните релевантни чинители; и за јавните собири во дигиталната ера: нови технологии за организирање и следење јавни собири. Една од главните цели на конференцијата е да понуди можности за вмрежување и да поттикне дебата меѓу учесниците од државите од југоисточна Европа и Македонија./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Николовски: Граѓаните во иднина нема да чекаат на шалтери за да добијат извод

Целосна дигитализација на водењето на матичните книги најави денеска вицепремиерот Љупчо Николовски.
Граѓаните во иднина нема да чекаат во редови пред шалтерите за да добијат извод од матичните книги на родени, венчани и починати, туку тоа сите тие потврди ќе бидат заменети со само еден извод од Централниот регистар на население.
„Ова ќе се постигне преку измена на десетина соодветни закони во наредниот период“, најави Николовски.
Тој освен оваа мерка, презентираше и низа други кои се очекува да ја намалат корупцијата во државава.
„Анализите покажаа дека подигање на нивото на дигитализација и намалувањето на човечкиот фактор имаат улога во намалување на корупцијата“, рече Николовски.
Македонија
Милевски: Со паметни еко зони до ублажување на климатските промени

Нова иновативна еко зона е отворена преку проектот одржлив и инклузивен рамномерен регионален развој.
Министерството за локална самоуправа поддржува проекти за ублажување на климатските промени во земјава во осум плански региони, информираше ресорниот министер Горан Милевски.
Целта на проектот, како што рече е создавање инспиративни јавни површини со еколошки иновации кои користат обновлива енергија и го прочистуваат воздухот, а со тоа ќе поттикнат и навики на еколошка одговорност кај граѓаните.
Проектот е со вкупен буџет од 3.360.600 денари од кои 2.160.000 денари се обезбедени преку министерство за локална управа и Швајцарската амбасада преку проектот Одржлив и инклузивен рамномерен регионален развој.
Милевски појасни дека овие иновативни еко-зони се наоѓаат на територија на три скопски општини, поточно првата е во рамки на Зоолошката градина која се наоѓа во општина Карпош, другата локација е дел од плоштадот „Јадран“ во општина Центар и детскиот Парк „Шопен“ во општина Кисела Вода.
На овие места се поставени смарт клупи кои имаат сензори за квалитет на воздух, се напојуваат од сончева енергија и имаат бесплатен бежичен интернет и се оплеменети со зеленило и заедно со кантите за селекција ја создаваат „Биди Зелен“ зоната.
Зоните како што информираат надлежните, се поставени на стратешки локации со можност да се едуцираат и најмладите за климатските промени, квалитетот на воздух, обновливи извори на енергија и рециклирањето на секундарни суровини. За промоција и едукација ќе се користи рециклирана садлива хартија која откако децата ќе прочитаат ќе ја засадат во саксија и ќе научат за циркуларната економија.
Македонија
(Видео) Заев и Шахпаска: Целосно обновени градинка и народна кујна во Шуто Оризари

Премиерот Зоран Заев и министерката за труд и социјална политика, Јагода Шахпаска, во посета на народната кујна во скопската населба Шуто Оризари.
„Општинската народна кујна е пример на кој може да се угледаат и другите општини каде што живее население во социјален ризик. Особено сакам да ја истакнам улогата на волонтерите во народната кујна, готвачите и оние што им ја разнесуваат приготвената храна на своите сограѓани. Сакам да им честитам на сите општествено одговорни компании и фондации што учествуваат со свои донации народната кујна секојдневно да ја исполнува својата хумана мисија“, рече Заев.
Во рамките на посетата премиерот Заев и министерката Шахпаска направија увид и на втората фаза на изградба на детската градинка и центарот за деца од улица.
„Целосната обнова на градинката ‘8 април’ и на Центарот за деца од улица, кои беа опожарени во 2017 година е во втората фаза, откако во првата беше завршен дел од градинката, кој веќе функционира со капацитет да згрижи 150 деца. Министерството за труд и социјална политика учествува во опремување на градинката во вредност од 6,5 милиони денари, а градежните активности се реализираат со 1,5 милион долари од Амбасадата на Кралството Норвешка во Белград преку УНДП“, објасни премиерот.
Додаде дека во новиот објект се обезбедени услови според највисоките стандарди за енергетска ефикасност, како и стандардите за пристапност за децата со попреченост да уживаат еднаков пристап со своите врсници.
Министерката Шахпаска ја поздрави иницијативата на Општина Шуто Оризари за отворањето на народна кујна, која обезбедува оброци за лицата од социјален ризик.
„Покрај грижата за најранливите, високо на агендата на Министерството за труд и социјална политика е и грижата за најмладите. Денеска ја посетивме градинката ‘8 април’, која е еден заеднички и партнерски проект со Кралството Норвешка и УНДП. Нашата цел е да се догради и вториот дел, со кој би се опфатиле вкупно 306 деца, од кои 70 во јасли. Ова значи и овозможување на мајките да се вклучат на пазарот на трудот“, истакна Шахпаска.
Изградбата на центарот за деца од улица е планирано да заврши во мај оваа година, со што се обезбедува згрижување на 100 деца од улица на возраст од 5 до 13 години со целодневен престој под грижа на 8 стручни работници.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа6 дена
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер