Општество
Регионална конференција Заштита на просторот за мирен јавен собир во југоисточна Европа

Првата регионална и национална конференција „Заштита на просторот за мирен јавен собир во Југоисточна Европа“ ќе се одржи следните два дена (понеделник и вторник, 25-ти и 26-ти август) во Скопје во хотелот „Холидеј Ин“.
Конферецијата ќе овозможи претставниците на граѓанските организации од Балканот, претставници од ОБСЕ/ОДИХР, Европската унија, експерти и претставници на институциите, да ги истражат и дискутираат можностите и предностите поврзани со правните и практичните аспекти на примената на слободата на јавен собир во Југоисточна Европа. Постојната законска рамка и заштитните механизми кои го гарантираат правото на јавен собир во практиката ќе бидат разгледувани. Исто така, на конференцијата ќе се идентификуваат начините за подобра соработка помеѓу граѓанското општество, медиумите и властите, со цел унапредување на правото на јавен собир во регионот. Конференцијата ја организира „Реактор – Истражување во акција“ во соработка со Европскиот центар за непрофитно право (ECNL), ОБСЕ/ОДИХР, и е дел од Проектот на УСАИД за граѓанско општество кој го спроведува Фондацијата Отворено општество – Македонија. На неа учество ќе земат низа клучни говорници, вклучително и претставници од ОБСЕ/ОДИХР, ECNL, Уставниот суд на Република Македонија, претставници на релевантни институции, како и проминентни организации на граѓанското општество од регионот ќе учествуваат на конференцијата.Конференцијата ќе се осврне на темите за стандардите и практиките од областа на јавните собири, како и можностите за правна заштита; експертски ставови за предизвиците кои произлегуваат од глобалните трендови од остварувањето на правото на јавен собир; прецизен увид на потребите и перспективите на различните релевантни чинители; и за јавните собири во дигиталната ера: нови технологии за организирање и следење јавни собири. Една од главните цели на конференцијата е да понуди можности за вмрежување и да поттикне дебата меѓу учесниците од државите од југоисточна Европа и Македонија./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Спасовски-Вокер: „Отворен Балкан“ овозможува слободно движење, но одредени криминални структури го злоупотребуваат

Министерот за внатрешни работи Оливер Спасовски заедно со националниот координатор за гранично управување Владимир Пивоваров денеска остварија средба од координативен карактер со Нил Вокер, директор на Светскиот конгрес за гранична безбедност, на која беше разговарано околу подготовките кои се во тек за одржување на Светскиот конгрес за гранично интегрирано управување, кој во април 2023 година ќе се одржи во Скопје, информираат од кабинетот на Спасовски.
На средбата Спасовски, се дополнува во соопштението, истакнал дека организацијата на ваков конгрес претставува голема чест за Република Македонија и меѓу другото кажал: „Имајќи предвид дека во денешно време границите во ЕУ кај нас со проектот Отворен Балкан овозможуваат слободно движење на стоки и услуги, одредени криминални структури го злоупотребуваат ваквиот момент, интегрираното гранично управување кое опфаќа координација со домашните институции, но и меѓународната соработка претставува вистински одговор на ваквите девијантни појави“.
,,Координацијата меѓу надлежните институции со брза размена на информации кај нас дава солидни практични резултати поради што Националниот координативен центар за гранично управување ја има целосната поддршка во натамошното кадровско и техничко доосовременување притоа следејќи ги најновите технички достигнувања“, истакнал Спасовски.
Националниот координатор за гранично управување Владимир Пивоваров потенцирал дека организацијата на овој конгрес е идеална можност да се разменат искуства со другите земји учеснички со што ќе бидат осознаени проблемите и ќе се изнајдат решенија за нивно надминување. Директорот Нил Вокер на средбата истакнал дека организацијата на овој конгрес е одлична можност за поставување на Република Македонија на мапата на земји со исклучително искуство во граничното управување и запознавање на сите делегации со начините на решавање на сите проблеми со кои се соочуваме во областа на граничното управување.
Македонија
Регистрирани се 293 новозаразени со коронавирус, нема починато лице

Согласно податоците од Институтот за јавно здравје, Министерството за здравство информира дека во последните 24 часа биле направени 1.254 тестови, а регистрирани се нови 293 случаи на Ковид-19: Скопје – 157, Куманово и Битола – по 19, Охрид – 18, Тетово и Велес – по 15, Штип – 11, Прилеп – 8, Кавадарци – 7, Струмица – 6, Гостивар – 4, Кочани и Неготино – по 3, Радовиш – 2, Гевгелија, Ресен, Свети Николе, Делчево, Виница и Демир Капија – по 1.
Од вкупниот број на позитивни (293), регистрирани се 81 реинфекции.
Регистрирани сe 102 оздравени пациенти од: Скопје – 69, Битола и Куманово – по 7, Кавадарци – 5 , Прилеп – 3, Велес, Тетово и Кичево – по 2, Гостивар, Свети Николе, Пробиштип, Струмица и Неготино – по 1.
Во текот на изминатите 24 часа не е пријавено ниту едно починато лице. Согласно Регистарот на умрени лица со дијагноза КОВИД-19 од Мој Термин нема регистрирано починато лице .
Направени се 1.254 тестови преку: ИЈЗ-170, ЦЈЗ Скопје-33, ЦЈЗ Битола-37, ЦЈЗ Прилеп-16, ЦЈЗ Тетово-28, ЦЈЗ Куманово-36, Клиника за инфективни болести и фебрилни состојби-0, Судска медицина-3, лабораторија болница Козле-16, УК Пулмологија со алергологија–1, ГОБ 8 Септември-0, Институт за микробиологија–117, Жан Митрев (Филип Втори)-22, Авицена-29, Биотек-106, Систина-49, лабораторија Лаор-7, Синлаб-3, Ремедика-14, Плодност-8, Генеа-8, Никоб лаб-37, ВФВ Медикал-14, Ели МедикаПлус-14, Ројал медика–0, Спектра-ММ-8, Рапид Лаб–4, Жан Митрев Струмица–3, Нова лаб дијагностика–2, Рамус-7, ЈЗУ и ПЗУ (рапид тест)– вкупно 462.
Досега во земјата се направени вкупно 2.085.639 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 314.794, бројот на оздравени пациенти е 304.341, на починати е 9.327, а бројот на активни случаи изнесува 1.126.
Дистрибуција по градови Заболени (вкупно), Активни случаи (вкупно)
Скопје 148706, Активни 624
Куманово 16789, Активни 54
Битола 15854, Активни 71
Прилеп 14285, Активни 38
Тетово 13548, Активни 33
Кавадарци 10767, Активни 36
Велес 9863, Активни 43
Гостивар 9638, Активни 18
Охрид 9048, Активни 76
Штип 8130, Активни 29
Струмица 8116, Активни 20
Кичево 5673, Активни 9
Кочани 5128, Активни 20
Струга 4744, Активни 9
Гевгелија 4432, Активни 5
Неготино 3717, Активни 7
Ресен 2761, Активни 2
Свети Николе 2642, Активни 1
Радовиш 2539, Активни 7
Крива Паланка 2421, Активни 2
Делчево 1992, Активни 6
Берово 1693, Активни 1
Дебар 1684, Активни 3
Валандово 1488, Активни 0
Виница 1399, Активни 3
Пробиштип 1271, Активни 2
Богданци 1025, Активни 2
Кратово 969, Активни 0
Крушево 933, Активни 2
Демир Хисар 837, Активни 1
Македонски Брод 744, Активни 1
Демир Капија 595, Активни 1
Македонска Каменица 525, Активни 0
Пехчево 486, Активни 0
Дојран 352, Активни 0
Македонија
Нуредини: Првите седум контејнери со линдан излегоа од државата

Првите седум контејнери со чист линдан, секој од нив тежок по 22-26 тони, вчера попладне излегоа од ОХИС и тргнаа на пат кон солунското пристаниште од каде ќе заминат за Франција, информира Министерството за животна средина.
„Со ова започна транспортот на опасниот историски отпад од малата депонија од поранешниот индустриски гигант ОХИС. Како што беше посветено посебно внимание на безбедноста на самиот процес на ископување на линданот и неговите изомери складирани во малата депонија на поранешниот гигант ОХИС, исто така координирано, прецизно и крајно внимателно, со особено залагање на искусни професионалци кои си ја знаат својата работа до најситен детаљ, беше извршена подготовката за транспорт што подразбира пакување и товарање и самото транспортирање“, изјави Нуредини.
Целиот процес, појасни тој, се водеше со посебна внимателност и почитување на меѓународната регулатива за прекуграничен транспорт на опасен отпад по Базелска конвенција и сега е најважно оваа пратка да стигне безбедно до крајната дестинација.
Во наредниот период, истакна дека уште 20 контејнери ќе бидат товарени и транспортирани од државата со што завршуваат активностите опфатни со ГЕФ проектот што се реализира преку УНИДО.
„Но, ископот во континуитет ќе продолжи со користење на средства од Повеќепартнерскиот фонд за животна средина специјално формиран за чистење на контаминацијата во кругот на ОХИС во сорабoтка со UNOPS“, посочи Нуредини.