Контакт

Општество

Резултатите од испитувањето на храната за бактеријата листерија се негативни

Објавено пред

Резултатите од до сега испитаните прехранбени производи за присуство на бактеријата листерија, од која во последните 30 дена починаа четири лица, се негативни. Министерот за здравство Никола Тодоров не може да ја прифати ваквата ситуација, во која има човечки жртви и најави кривична пријава против непознат сторител за пуштање во промет небезбедна храна.

Министерството за здравство во петок ќе поднесе кривична пријава против непознат сторител за пуштање во промет на производи заразени со бактеријата листерија. Тодоров вели дека ваквиот чекор доаѓа откако добиле негативни резултати од испитувањата на повеќе прехранбени производи.

 

„Од испитувањата за бактеријата листерија од мострите кои се земени, резултатите се негативни. Нема изолирана бактерија од до сега испитаните производи. Првично бевме фокусирани на испитување на млечните производи и на производите за храна за бебиња, а направени се испитувања и на некои сувомесни производи. Сите испитувања до сега се негативни“, изјави Тодоров.

 

Министерот истакна дека не е задоволен од ваквата ситуација и иако не е во надлежност на Министерството, оваа институција ќе поднесе кривична пријава.

 

„Иако ова воопшто не е во надлежност на МЗ, не можам да прифатам ситуација во која имаме негативни мостри, а четири жртви и заради тоа како Министерство, иако, повторувам, не сме директно надлежни за оваа проблематика, во текот на денот ќе поднесеме кривична пријава против непознат сторител за производство и пуштање во промет на штетни прехранбени продукти и други продукти имајќи предвид дека има настапено смрт на повеќе лица. За ова кривично дело е предвидена многу сериозна казна“, нагласи министерот.

 

Надлежните органи ќе треба да испитаат детално кој ги пуштил во промет штетните производи, дали се знаело за нив и дали биле пуштени во продажба од небрежност. Тодоров вели дека е можно некаде да е направен пропуст и дека нема да дозволи испитувањето и откривањето на изворот да застане тука.

 

„Не би сакал да седам со скрстени раце во ваков случај. Немам основано сомнение,  но имам основа за сомневање дека е можно некаде да има пропуст. Можно е да е пуштен производ во промет со листерија и тоа треба да се детектира и соодветно да се казни. Имаме четири  смртни случаи и нема да дозволам  да останам само на негативни мостри. По правило треба да излезам и  да кажам дека мострите се негативни и треба да сме мирни. Не сме мирни, помирен ќе бев ако имавме позитивна детекција и ги  преземеме  сите мерки против оној кој ги пуштил во промет овие производи“, рече Тодоров.

 

Земените мостри од производствените капацитети, погони, магацини и продавници сé уште се испитуваат, а Тодоров најави дека ќе се земат брисеви и од машините во фабриките за производство на храна за да се испита дали на нив можеби има листерија.крај/мф/сд

 

Македонија

Принуден карантин за поранешната манекенка Накова, која место во самоизолација била на базен

Објавено пред

Поранешната манекенка Александра Накова-Гајдаџиев вчера попладне била уапсена на базен во Гевгелија бидејќи не го почитувала решението за самоизолација, потврдија од МВР во денешниот полициски билтен.

По апсењето, таа е спроведена во државен карантин, а за настанот е известен и Јавен обвинител.

По комплетирање на случајот, против поранешната манекенка ќе биде изготвен поднесок за сторено кривично дело казниво по членовите 205 и 206 од Кривичниот законик.

Прикажи повеќе...

Македонија

По реакција на ДУИ, АВМУ ги повикува телевизиите за баланс во дебатните емисии

Објавено пред

До Агенцијата за аудио и аудиовизуелни медиумски услуги вчера пристигнала претставка од партијата ДУИ која реагира на организирањето дебатни емисии на програмите на медиумите.

Во контекст на оваа претставка, Агенцијата ги повика медиумите доколку одлучат да емитуваат дебати, соочувања, интервјуа или специјализирани емисии да обезбедат подеднаков пристап и правичност, избалансираност и непристрасност.

„Во овие емисии балансот се постигнува со почитување на принципот на пропорционалност според бројот на потврдени кандидатски листи, што значи дека радиодифузерите се должни да ги канат сите учесници коишто имаат ист број на листи со потврдени кандидати, без оглед дали станува збор за парламентарни или вонпарламентарни субјекти и без оглед на јазикот на кој ја емитуваат програмата“, објаснуваат од АВМУ.

Од Агенцијата нагласуваат дека оценката дали се исполнети обврските кои ги имаат радиодифузерите се извлекува по завршување на кампањата, не за секоја поединечна емисија, туку за серијата интервјуа, дебатни емисии или соочувања што радиодифузерот ќе ги организира во текот на кампањата.

„Досегашниот мониторинг покажува дека има радиодифузери кои треба да вложат дополнителен напор и да ги поканат сите субјекти со ист број на листи за да обезбедат баланс во дебатите до крајот на кампањата“, посочуваат од АВМУ.

Прикажи повеќе...

Македонија

Со донација на коскена срцевина, македонски дарител му помогна на пациент од Бугарија

Објавено пред

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен дарител од нашата земја кој дарува за непознат пациент од Република Бугарија.

„Ова е третпат како донор од Северна Македонија дарува за пациент од друга земја. Клетките се користат за трансплантација на коскена срцевина кај хематолошки болни пациенти. Упатувам голема благодарност за храброста, алтруизмот и хуманоста на дарителот кој без двоумење прифати да дарува матични клетки. Со овој чин, спасуваме човечки животи. Спасуваме животи на наши блиски, роднини, пријатели. На пациентот од Бугарија му посакувам побрзо закрепнување“, изјави директорот на Институтот, Седула Усеини.

Секој возрасен здрав човек на возраст помеѓу 18 и 50 години може да дарува коскена срцевина во Институтот за имунологија и хумана генетика.

Преку подигнување на свеста за хуманост, солидарност и запишување во Националниот дарителски регистар, секој граѓанин може да се понуди да спаси човечки живот дарувајќи коскена срцевина.

Прикажи повеќе...

Најново

Европа56 минути

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија1 час

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ2 часа

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет3 часа

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Македонија3 часа

Засега нема затворање на границите со Србија и Косово

Границите со Србија и Косово остануваат отворени, откако Комисијата за заразни болести не даде препорака тие да бидат затворени поради...

Свет4 часа

Научниците докажаа: Нова верзија на коронавирус се шири низ целиот свет, до 6 пати позаразна

Мутирана верзија на новиот коронавирус што предизвикува Kовид-19, која е распространета денес во светот, во лабораторија се покажа дека е...

Македонија4 часа

Принуден карантин за поранешната манекенка Накова, која место во самоизолација била на базен

Поранешната манекенка Александра Накова-Гајдаџиев вчера попладне била уапсена на базен во Гевгелија бидејќи не го почитувала решението за самоизолација, потврдија...

Македонија4 часа

Директорката на кумановската болница е позитивна на коронавирус

Директорката на Општа болница Куманово, Снежана Захариева, утрово на социјалните мрежи објави дека е позитивна на Ковид-19. „Како за добро...

Регион5 часа

Прогласена вонредна состојба во Белград

Во Белград денеска е прогласена вонредна состојба како резултат на влошената епидемиолошка состојба. Ваквата одлука е донесена на седницата на...

Европа5 часа

Падна француската влада, премиерот поднесе оставка

Францускиот премиер, Едуард Филип, денеска поднесе оставка пред реконструкцијата на владата што ќе ја спроведе претседателот Емануел Макрон за зајакнување...

Свет6 часа

СЗО: Во моментов на луѓе се тестираат 17 потенцијални вакцини против коронавирус

Седумнаесет можни вакцини против коронавирусот во моментов се тестираат на луѓе, соопшти Светската здравствена организација (СЗО). Од нив најмногу напредува...

Македонија6 часа

Хоспитализирани над 400 пациенти поради коронавирус во земјава, меѓу нив 6 се деца

Во Македонија засега хоспитализитани се 407 пациенти заболени со Ковид-19. Според последните податоци, на Инфективната клиника вкупно се примени 90...

Свет7 часа

Бројките вртоглаво растат – 10,53 милиони заболени во светот и 176 илјади новозаразени со коронавирус за еден ден

Во светот се регистрирани повеќе од 176.000 нови случаи на коронавирус, а вкупниот број заразени надмина 10,53 милиони. Според Светската...

Македонија8 часа

Епидемиолозите ќе одлучуваат дали ќе се затворат границите со Србија и Косово

Со оглед на развојот на ситуацијата со коронавирусот во соседството, Комисијата за заразни болести  се очекува денеска да разговара за...

Регион8 часа

(Видео) По протестите во Белград, надлежните тврдат дека студентите ќе останат во домовите

По синоќешните протести во Белград, надлежните тврдат дека студентите нема да бидат иселени од домовите поради експанзијата на заболени од...

Македонија19 часа

Затвореникот од „Идризово“ се заразил на викенд, 18 затвореници се во самоизолација

Осумнаесет затвореници од затворот „Идризово“ се во самоизолација поради контакт со осуденик што се заразил со коронавирус. Директорот Боби Мојсовски...

Свет21 час

СЗО: Ризикот за смртност од коронавирус е поголем кај пушачите

Светската здравствена организација (СЗО) соопшти дека пушењето цигари може да предизвика потежок облик на болеста Ковид-19 и поголема смртност кај...

Спорт22 часа

„Ролан Гарос“ ќе се игра пред 60 отсто полни трибини

„Ролан Гарос“ ќе дозволи трибините да бидат полни со навивачи до 60 отсто и покрај пандемијата на коронавирусот, односно максимално...

Македонија22 часа

Новинарите ќе добијат бесплатни тестови на коронавирус

Министерството за здравство на барање на Здружението на новинарите на Македонија (ЗНМ) во наредните денови ќе организира бесплатен скрининг за...

Македонија24 часа

Милошоски со втор негативен тест на Ковид-19

Пратеникот на ВМРО-ДПМНЕ, Антонио Милошоски, објави на социјалните мрежи дека и вториот тест на Ковид-19 му е негативен. „Почитувани пријатели,...

Досие