Политика
Беса предлага независно тело да состави експертска влада
Движењето БЕСА во понеделник предложи да се формира едно независно тело за излез од кризата, кое би формирало експертска влада способна да создаде предуслови за враќање на довербата и подготвување на предвремените избори.
Според Беса, независното тело треба да биде составено од акредитираните амбасадори во Скопје од ЕУ, САД, Р. Албанија и Р. Косово, еден претставник од Македонската академија на науките и уметностите, еден претставник од Институтот за духовно и културно наследство на Албанците, еден претставник од Државниот универзитет во Тетово, како и еден претставник од Универзитетот „Св. Кирил и Методиј“ – сите во својство на набљудувачи и олеснувачи на дијалогот, а од друга страна, во својство на предлагачи со право на одлучување, да бидат лидерите на најголемите партии во земјата, кои преку дијалог и консензус ќе предлагаат еден мандатар експерт, кој во определен рок ќе формира владин кабинет исто така од експерти.
Како што предлага Беса, по изгласување на тој кабинет, кој ќе биде со еден или двегодишен мандат, таа влада ќе создаде предуслови за враќање на довербата и подготвување на предвремените избори.
„Оваа влада треба да спроведе попис на населението со меѓународно набљудување; промена на изборниот законик, прочистена изборна листа и организирање на следните избори со силен меѓународен мониторинг; основање на Специјално Независно Обвинителство со еминентни меѓународни и домашни обвинители за истражување на досегашните хипотеки врз основа на материјалите кои ги поседува СДСМ и обвиненијата на ВМРО-ДПМНЕ за случајот „Пуч“, основање на Специјален Независен Суд со еминентни меѓународни и домашни судии, за судење на случаите поднесени од Специјалното Независно Обвинителство“, предлагаат од Беса.
Според нив, владата ќе треба да основа нов управен одбор на МРТВ од страна на домашни и меѓународни експерти за да се овозможи балансирана состојба во медиумскиот простор на сите релевантни политички фактори во Македонија.
Движењето Беса смета дека новиот собраниски состав кој ќе произлезе од изборите, ќе треба да мандатира влада која ќе ги понесе најзначајните задачи за иднината на оваа земја, како што се: редефинирање на сиот политички и правен систем на Македонија, поставувајќи ја државата врз начелата на албанско-македонска консензуалност, заснованa врз слобода, рамноправност и правда.
Од ова движење додаваат уште и дека мандат на така формираната влада ќе биде и решавање на спорот со името со име кој ќе го рефлектира мултиетничкото општество на Македонија и интеграција на земјата во НАТО и почеток на преговорите со ЕУ.
Откако ќе се затворат овие обврски, Движењето БЕСА смета дека може да се продолжи да се владее со политичка влада до крајот на мандатот или, пак, да се оди на избори за проверка на мандатот на политичките партии.
„БЕСА ги повикува сите политички субјекти и невладини организации, освен двете партии кои веќе се вазали на оваа власт, да се придружат кон оваа платформа, за да изградиме национална агенда која ќе биде историска за иднината на нашиот народ во Македонија, но и за самото постоење на државата“, додаваат од движењето./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.