Политика
Груевски: Оваа криза ќе се решава со гласачко ливче
Избори се единствено решение за најновата политичка криза, по распуштањето на Собранието, а лидерот на ВМРО-ДПМНЕ, Никола Груевски го повика опозицискиот СДСМ да се премисли и да учествува на предвремените парламентарни избори на 5-ти јуни.
„Услови за избори има и изброи ќе се одржат, а секој може да учествува или не. Тоа е одлука и еден вид учество во демократијата. Мнозинството одлучува“, рече Груевски. Тој изрази искрено жалење за вчерашната прес-конференција на лидерот на СДСМ Зоран Заев, на која тој објави дека тие нема да учествуваат на изборите на 5-ти јуни.„Искрено се надевам дека ќе ја промени одлуката. Ова не е битка меѓу мене и Заев, туку битка за Македонија. Народот сака Македонија да оди напред. Денес е важен ден за нашата демократија. Изминативе две години беа тешки за нас. Политичката криза ни го одвлече вниманието од вистинските предизвици на земјата. На моменти се доведуваше во прашање кредибилитетот на политичарите. Вечра собранието се распушти и според нашите закони тоа се случи на 60 дена пред избори. Оваа криза која ни се случува овојпат ќе се решава со гласачкото ливче“, рече Груевски.Порача дека им треба силна опозиција, опозиција која нема да се повлекува во ситуација како што Заев се повлекуваше. „Силна опозиција значи дека некој постојано ќе ни дише во врат, и ќе не корегира“, порача Груевски и додаде дека не сака да биде сфатен погрешно, но тоа е одлука на СДСМ како ќе се однесува. „Сакам да упатам порака до народот, да бидат спокојни. Изборите се потребни да се одбере кој ќе ја води земјата и на кој ќе му ја даде довербата народот. Мора да ги оставиме партиските интереси и да ги штитиме државните. Јас ќе направам сé да ги коригираме нашите грешки во области кои се детектирани“, рече Груевски, при што го повика народот да им се приклучи за храбри и големи идеи.Во своето обраќање, лидерот на ВМРО-ДПМНЕ рече дека на следните избори заплашување на избирачи „нема и не смее да има“, а ако има „ќе одговара секој што се огрешил“. Потсети дека Обвинителството најави дека ќе има посебен оддел кој ќе се занимава со оваа проблематика, а Министерството за информатичко општество и администрација соопштија дека отвори канцеларија за пријавување на случаи доколку има притисоци врз државнате администрација.Околу мешањето на партијата и државата, Груевски смета дека тоа го кажува истиот Зоран Заев кој го назначи неговиот секретар на партијата за министер за внатрешни, и истиот оној кој дозволи сопругот на министерката за труд и социјална полирика Фросина Ременски данапредува.„Човекот толку го потценува народот што мисли дека некој ќе му верува. Има ли поголемо мешање на партијата и државата кога на денот кога поднесува оставка менува 100 лица од функција“, рече Груевски.За Избирачкиот список, пак смета дека е посебна приказна. По најавите за фантомски граѓани, синоќа се сведоа дискусиите на 572 лица кои во една база на податоци имаат различни места на живеење, појасни Груњвски, а бројките од 500.000 или 300.000 „фантомски“ гласачи паднале во вода. „Изјавивме дека се сложуваме да се проверат сите над 2 милиони граѓани. Тие пак, имаат претсатвници во ДИК, кои три пати по ред ги напуштаа седниците на ДИК. Какви 500.000, зарем е тоа возможно, покрај сите претседатели на ДИК од СДСМ, покрај сите набљудувачи, покрај сите комисии што ги познаваат комшиите кои гласаат на исто место да имало неправилности. А тоа дека мртви гласале, тоа и вчера кога Заев го кажа звучеше неуверливо“, рече Груевски, кој додаде дека направивле отстапки од неговата оставка, до клучни министри кои беа поствени од СДСМ, и менување на датумот за избори од 24 април на 5 јуни, со министер за внатрешни нивни и повторно не сакаат да излезат на избори.Рече дека со изборите на 5 јуни, Македонија треба да добие влада која ќе се занимава со вистинските проблеми на народот, а тоа е вработувањето, зголемувањето на животниот стандард и подобрувањето на инфраструктурата.Обраќањето на Груевски доаѓа еден ден по распуштањето на Собранието и на денот кога претседателот на Собранието најави дека на 15 април ќе го потпише Решението за одржување избори на 5 јуни./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.