Контакт

Политика

Груевски: Со 63 пратеници за ВМРО-ДПМНЕ запира кризата и мрачните сценарија

Објавено пред

По две ипол години вештачки создадена криза, таа се движи кон својот крај и таа конечно ќе заврши со убедлива победа со 63 пратеници за ВМРО-ДПМНЕ и коалицијата За подобра Македонија, порача од Стримица во неделата вечерта лидерот на владејачката партија и на коалицијата, носител на кандидатската листа во Изборната единица 4.

dobivaj vesti na viber

Така ќе се запре кризата и ќе се стави крај на планот за мрачни сценарија по однос на нашата држава, рече Груевски и ги повика граѓаните и овие 7 дена што остануваат до 11 декември да останат со студени глави и да одлучат за судбината на Македонија.

„За жал, не може да се помират сценаристите со ова што ги чека, со овој огромен пораз кој ќе го добијат и само мислат како да испровоцираат проблем. Нервозни се, очајни и фрустрирани се затоа што не успеаја и не успеваат, а пробаа сé. Многупати тестирани сценарија во Македонија не им успеаја, затоа што нашиот народ е мудар и се гледа јасно. Нервозни се и ги знаеме многу добро дека може и да не бираат средства. Сме гледале многу примери наоколу, па и во соседството што се може да направат. Нервозни се и бараат начин како да ја продолжат кризата….,како да го одржат барем уште некое време црпнатиот, зашто нема друг таков човек кој е спремен се да продаде и се да стори само за да дојде на власт. Дури и се чуделе на што се е спремен, уникатен примерок на богаташ кој е „трчи- лажи“ и кој нема проблем со наведнување на кичмата и со блага насмевка да прифаќа сé што ќе му се каже колку и тоа да е погубно за неговата земја“, истакна Груевски.

Лидерот на ВМРО-ДПМНЕ рече дека гласот оваа коалиција значи избор за 70.000 нови работни места во Македонија, за зголемување на платите во јавниот сектор за најмалку 10,25 отсто, за зголемување на пензиите за најмалку 10,25 отсто, за зголемување на социјалната помош за најмалку 50 проценти, за зголемување на минималната плата постепено до 14.000 до 2020-та година…, за болници и опрема за нив, за современи патишта од кои три автопати, железнички линии кон Бугарија и Грција… Гласот за ВМРО-ДПМНЕ и Коалицијата, додаде Грувески, значи глас и за рестартирање на стопанските капацитети жртви на транзицијата, како и за создавање на рурални развојни зони.

Конкретно набројувајќи ги планираните инвестиции во земјата и во Струмица и регионот, Груевски пред струмичани рече и дека тие најдобро го познаваат нивниот градоначалник кој е и лидер на Опозицијата.

„Ги познаваат неговите методи на работа по принципот едно евро ваму едно таму, знаат за тендерите кои си ги расфрла по роднини и пријатели од Струмица, знаат дека тој човек знае да си подлаже и ништо да не го секира, сите овде го знаат Зоран Заев“, рече.

„Струмица е градот кој најдобро го познава Заев и затоа во Струмица е највисоко негативното мислење за него. Правеа фабрика за афери со тој Чаушот, замислете до каде им одеше умот, лажеа дека има фантоми не сто- двеста туку 500 илјади фантомски гласачи“, истакна лидерот на ВМРО-ДПМНЕ.

„И мислеа дека тоа туку така ќе им помине, сега бесрамно лажат и си играат со чувствата на нашиот чесен и напатен народ дека ќе давале плата по 500 евра по човек и слично, лага до лага, не бираат ниту средства ниту начин како да прелажат некого дури и злоупотребувајќи ја маката на луѓето. Тоа е нивниот начин како тие работат. Но тоа им е погрешно затоа што не го имаат разбрано Македонецот, Македонецот е честит човек, кој вредно работи, си ја сака државата и знае јасно да одбере што е подобро за него и за државата. Затоа и нашата кампања е базирана на тие зборови „Знаеш што е подобро за тебе и за Македонија“, затоа што ние не го потценуваме нашиот сограѓанин туку цврсто веруваме во неговата проценка, ние веруваме дека тој ја знае целата слика за тоа што се случува во државата, ние веруваме на неговата мудрост и во неговата љубов кон Македонија“, рече Груевски.

Струмичани најдобро знаат што е подобро за нив и за Македонија и никој не смее да ги потцени, смета поранешниот премиер.

„Сега е моментот кога треба да се потрудиме оваа криза на 11-ти декември да ја затвориме и да ја претвориме во една можност. Тоа е денот кога сите заедно ќе се спротивставиме на ова сценарио кое што се спроведува во Македонија. Бидејќи знае народот што се случува и што сака“, додаде Груевски.

Но со изборите на 11-ти декември, продолжи челникот на владејачката партија, ќе им покажеме не само на скептиците во државава и оние кои работат на ова сценарио тука, во Македонија, туку ќе видат и соседите, но и народите пошироко дека овде живее горд и достоинствен народ, кој и со оваа генерација ќе го победи сето она што се прави против Македонија.

„Судбината на Македонија е во твои раце. Ова е историски момент во кој се носи многу важна одлука. Одлука која навидум некому можеби и ќе му се чини не баш едноставна, но во суштина е многу едноставна. Свесен сум дека и ти знаеш што е исправно, слушај си го срцето, знаеш и што и’ се случува на Македонија. Но исто сум свесен и дека разни креирани сценарија нема да можат да ти го поматат фокусот од големата слика“, порача Гуевски. /крај/мф

Македонија

Маркова Велинова: Владата на ВМРО-ДПМНЕ по преземањето на власта веднаш ќе се посвети на гасификацијата, но и посебно внимание секој да добива квалитетна електрична енергија

Објавено пред

Стожерот на македонската енергетика е РЕК Битола, ќе водиме грижа за него, нема да го оставиме во тие лоши услови како што ќе го начекаме и ќе се потрудиме во најкраток можен рок да ги санираме првично најважните проблеми кои ќе ни ги остават. Ќе зборувам и за други работи кои се во програмата за инвестиции елаборирани во програмата за инвестиции во енергетиката на ВМРО-ДПМНЕ, изјави Елена Маркова Велинова, претседател на Комисија за енергетика на ВМРО-ДПМНЕ, на денешната дебата „Енергетска платформа за иднина“ на тема „Концепт за инвестиции во енергетиката“ во Битола.

dobivaj vesti na viber

Маркова Велинова посочи дека гасификацијата како област е важна за Македонија и како што ја оставивме во 2017 година не се мрднати.

– Седум години тапкаат во место, ова значи дека веднаш по преземањето на власта ќе посветиме внимание на гасификација како изградба на интерконекторите за природен гас со соседните земји, потоа изградба на примарната инфраструктура со цел да можеме без проблем да се поврзат двете когенеративни постројки, но истовремено и на примарна преносна мрежа за гас и за другите градови со цел во иднина и таму да се направат постројки за топлинска и електрична енергија, потенцираше таа.

Маркова Велинова додаде дека посебно големо внимание ќе се обрне на дистрибутивниот систем за природен гас и тоа со правилна стратегија, со паролата „Гас до секое домаќинство во Македонија“ се со цел секој граѓанин да му биде овозможен пристап до природен гас. Знаеме, можеме и умееме.

– Ќе е надоврзам и на когенеративните постројки за топлинска и електрична енергија бидејќи таа треба да ја пренесеме до сите домаќинства Интензивно ќе започнеме со градба на топлификациони мрежи за почеток, Битола и Скопје, односно Скопје има но не во цел град и затоа ќе ја продолжиме. Најважното што го интересира секое домаќинство електричната енергија бомбардирани сме од фотоволтаици и ветерни електрани кои ги градат приватни тајкуни од кастата на СДС и ДУИ, земјата ни е земена, а од таа енергија немаме ни трага ни глас се продава по белиот свет, нагласи Маркова Велинова.

Маркова Велинова исто така посочи дека ВМРО-ДПМНЕ на ваквиот наплив со посебно внимание ќе пристапи, бидејќи кога енергијата е државата најлесно се управува, балансира, и најлесно се чува преносниот систем.

– Поради тоа одлучивме дека една од важните нишки е модернизација, правилен развој и стратегија за изградба на важни објекти во електропреносниот систем. Ќе модернизираме управување и за крај посебен ќе се следи квалитетот на електричната енергија до домаќинствата и ќе најдеме механизми сите стандарди за квалитет од ЕУ да ги има и Македонија. Се обврзуваме и дека сите барања ќе бидат дигитализирани со да се скрати и времето но и да се намали корупција, изјави Маркова Велинова.

Прикажи повеќе...

Македонија

ДИК: Заклучно со вчера потпишани 14.360 граѓани, најмногу потписи за Османи, Димитриевски и Ванковска

Објавено пред

Според најновите објавени податоци на Државната изборна комисија (ДИК) заклучно со вчерашниот ден вкупно 14.360 граѓани дале потпис за подносителите на кандидатура за претседател на државата. Според објавените податоци на ДИК, досега никој од кандидатите за шеф на државата ги нема собрано потребните 10 илјади потписи од граѓаните.

dobivaj vesti na viber

Според пресекот на ДИК, најмногу потписи има Бујар Османи, кандидат на Демократската унија за интеграција (ДУИ) за кого се потпишале 5.405. Втор на листата е лидерот на ЗНАМ-За наша Македонија, Максим Димитриевски со 3.613 собрани потписи. Кандидатката поддржана од партијата Левица, Билјана Ванковска-Цветковска има собрано 2.758 потписи, а кандидатот на ГРОМ, Стевчо Јакимовски има 1.974 потписи.

Сите останати на листата од 11 кандидати за шеф на државата имаат по помалку од илјада потписи – Вело Марковски има 249 потписи, а кандидатот на опозицискиот блок „Вреди“, Арбен Тарвари 246 потписи. Според податоците од ДИК, во овие два дена, ниту еден потпис нема за кандидатот Томе Николоски.

Државната изборна комисија, соопшти дека од денеска, се додека трае собирањето потписи, еднаш дневно ќе прави пресек на пристигнатиот број на потписи за секој подносител поединечно и истиот редовно ќе се ажурира.

Постапката за собирање потписи, која почна на 23 февруари ќе трае непрекинато секој ден од 8 до 20 часот, а последниот ден на 8 март ќе работат до 24 часот. Собирањето потписи се одвива во сите подрачни одделенија и канцеларии на ДИК сместени во седиштата на 34 локални самоуправи и пред надлежните нотари.

Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи во Избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.

Учесниците на изборите, листите со кандидати за претседател на државата треба да ги достават до ДИК најдоцна до 19 март, на полноќ. Рокот за собирање потписи се однесува и за претседателските и за парламентарните избори. Претседателските избори се закажани за 24 април, а вториот круг е на 8 мај кога треба да се одржат и парламентарните избори.

Прикажи повеќе...

Македонија

Мицкоски: СДС и ДУИ работат на епски криминал од околу 150 милиони евра во РЕК Битола

Објавено пред

Енергетиката е геостратешко прашање, не е само локално или регионално и јас ќе зборувам за електроенергетиката. Ќе започнам со производниот дел, во Македонија еден од државотворните сегменти и најзначајните атрибути се наоѓа токму во регионот на Битола, а тоа е Термоелектраните Битола или Рударско енергетскиот комбинат Битола, бидејќи и рудникот е дел од таа целина, од каде додека не дојде владата на СДС и ДУИ се копаше јаглен и се произведуваше електрична енергија за електроенергетска стабилност на Македонија. Откако тие дојдоа, се помалку вистински се копа, а се повеќе се троши за копање на јаглен, но истовремено почнаа и да увезуваат јаглен со сомнителен квалитет, изјави претседателот на ВМРО-ДПМНЕ, Христијан Мицкоски на денешната дебата „Енергетска платформа за иднина“ на тема „Концепт за инвестиции во енергетиката“ во Битола.

dobivaj vesti na viber

Мицкоски истакна дека еден таков тендер деновиве беше објавен, а тоа е набавка на увозен јаглен за една година од близу 100 милиони евра или попрецизно 5 милијарди и 950 милиони денари и таа сума треба да ја добијат неколку фирми кои ни се познати за увоз на јаглен со сомнителен квалитет, а од информациите кои се добиваат е полн со сулфур и тој сулфур ќе ги труе Битола и битолчани и граѓаните од регионот како општините Новаци и Могила.

– Покрај овој голем тендер има уште еден рекорден епски, кој трае 18 месеци и тоа е од околу 2 милијарди и 400 милиони денари односно околу 40 милиони евра плус ДДВ што значи околу 46-47 милиони евра кои ги доби позната компанија а ние како партија имавме многу прес конференции за овој епски криминал. Веќе има 150 милиони евра тендери кои треба да бидат завршени пред изборите за кои постои сомнение дека се исплаќаат авансни провизии во вредност од 20% и постои основано сомнение и информации кои стигаат дека првите 10% ќе се исплатата сега, а вторите мај-јуни кога оваа влада на СДС и ДУИ ќе замине, за да се подготват убаво со куферите и мислат на тој начин ќе се спасат и ќе заминат и мислат дека никој нема да сноси одговорност, нагласи Мицкоски.

Мицкоски им порача дека за точно 38 дена започнува кампања за претседателски, за 52 кампањата за парламентарни, а за отприлика помалку од 4 месеци е новата влада на ВМРО-ДПМНЕ и дека директорчиња кои одлучија да им слугуваат на малкумина политичарчиња кои сега се дел од раководството на СДС, дека ќе одговараат од прв до последен за ова што го прават.

– Ако мислат дека ќе ги наполнат куферите и ќе избегаат, им ветувам дека лично ќе се занимавам со нив, ќе нема каде да бегаат. Затоа мојата порака до нив е да се вразумат да ги откажат овие набавки, да се обидат уште овие 3 и половина месеци пристојно и достојно да го водат РЕК Битола и мирно да се повлечат без дополнително да ги пљачкаат граѓаните мислејќи дека тоа ќе помине неказнето. ВМРО-ДПМНЕ за разлика од владата на СДС и ДУИ која планира да го опљачка и затвори РЕК Битола, ние имаме план да го модерниззираме и да продолжи да работи се додека има ресурс за производство на електрична енергија, изјави Мицкоски.

Прикажи повеќе...

Најново

Топ9 часа

Со нож убил малолетник: притвор за 15-годишникот од Прилеп бара обвинителството

Основното јавно обвинителство Прилеп поднесе барање за поведување подготвителна постапка со предлог за определување мерка притвор за 15-годишник од прилепското...

Свет10 часа

(Видео) Апсења по погребот на Навални, присутните со извици: „Путин е убиец“

Голем број Руси го скандираа името на Алексеј Навални додека лидерот на опозицијата беше погребан денеска во Москва и им...

Македонија11 часа

Палевски ќе биде екстрадиран од Турција по завршувањето на административните процедури, вели Аврамовска-Мадиќ

Заменик министерката за правда, Викторија Аврамовска Мадиќ, очекува Љупчо Палевски од Турција да биде екстрадиран веднаш по завршување на административните...

Македонија13 часа

Зибери јавно им одржа лекција на извршителите и на судиите: Член 93 од Законот за извршувањето е правниот основ за бришење на долговите

Народниот правобранител Насер Зибери јавно им одржа лекција на извршителите и судиите, кои седум месеци одбиваат да ги применуваат измените...

Македонија15 часа

Пендаровски: Ако бев избран во парламентот во 2019, ќе бев сменет истото попладне кога ѝ се спротивставив на власта за „Рекет“

На денешната прес-конференција претседателот Стево Пендаровски рече дека не може да знае дали некои од неговите поддржувачи ќе го дадат...

Топ18 часа

Расчистено убиството на 14-годишното момче во Прилеп, приведени двајца

Денеска, во 4 часот, во село Сенокос, општина Долнени, полициски службеници од ОВР Прилеп ги лишиле од слобода малолетник и...

Топ18 часа

14-годишно момче убиено среде Прилеп

14-годишно момче, вчеравечер, околу 19.30 часот, е пронајдено без знаци на живот со повеќе убодни рани и надворешни крвавења во...

Македонија18 часа

ДИК со нов пресек: Ванковска собра 9.722, Јакимовски 9.265 потписи, за Томе Николоски сè уште никој не се потпишал

Професорката Билјана Ванковска, која е предложена од политичката партија Левица, заклучно со вчерашниот ден има собрано 9.722 од потребните 10.000...

Економија18 часа

Нема повеќе гарантирани цени во маркетите, секое нелогично зголемување ќе биде санкционирано

Од денеска нема повеќе гарантирани цени на производите во маркетите. Како што порача претходно вицепремиерот за економски прашања, Фатмир Битиќи,...

Македонија19 часа

МНР го осуди нападот во Газа: Ваквиот чин претставува сериозно кршење на меѓународното право

Министерството за надворешни работи најостро го осудува нападот во Газа, кој однесе животи на голем број невини луѓе додека чекаа...

Македонија19 часа

МВР воведе нова секција на веб-страницата за побрзо закажување термин за лични документи

Министерството за внатрешни работи информира дека од вчера е воведена уште една нова секција на веб-страницата https://termin.mvr.gov.mk/, која има цел да...

Свет20 часа

(Видео) Пожар зафати зграда во Бангладеш, загинаа најмалку 43 лица

Најмалку 43 лица загинаа, а десетици се повредени во пожар што вчера уништи седумкатница во Дака, главниот град на Бангладеш,...

Свет20 часа

(Видео) Не стивнуваат реакциите за масакрот во Газа; сведок: Камиони со храна газеа луѓе

Според последните информации од Газа, најмалку 112 Палестинци се убиени, а 760 се повредени додека очајнички се обидувале да ја...

Македонија2 дена

(Видео) Бунарите пресушуваат, изворите се повлекуваат; наместо над 400, УХМР има 40 станици за следење на подземните води

Секнати кладенци, пресушени бунари, повлечени изворишта на вода и суви поила за стока станаа главна мака во речиси сите региони...

Европа2 дена

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави...

Македонија2 дена

Демири: Ќе најдеме решение да му се помогне не само на Лео, туку и на секој друг пациент што има потреба

Владата и Министерството се комплетно посветени и ќе се изнајде решение со кое ќе му се помогне на Леонид Индов,...

Македонија2 дена

Во дел од општините ГУП-от не е сменет над 20 години, има голем број дивоградби и неефикасен инспекциски надзор, објави Центарот за граѓански комуникации

Центарот за граѓански комуникации го објави истражувањето на тема „Застарени ГУП-ови, често менување ДУП-ови и голем број дивоградби“ и ова,...

Македонија2 дена

Ванковска на чекор до претседателска кандидатура, собра 9.085 потписи

Професорката Билјана Ванковска која е предложена од политичката партија Левица, заклучно со вчерашниот ден има собрано 9.085 од потребните 10.000...

Македонија2 дена

Пендаровски: ВМРО-ДПМНЕ продолжува да се служи со уличен жаргон и излитени фрази

ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази,...

Топ2 дена

(Видео) Полицајци истепале лице вработено како обезбедување во казино во Куманово

Одделот за внатрешна контрола, криминалистички истраги и професионални стандарди при МВР поднесе кривична пријава против Д.П., полициски службеник во Полициската...