Политика
МТВ: Постапките за гасификација се поништени за да се обезбедат подобри услови за граѓаните и компаниите
Целта на поништувањето на постапките за изградба на дистрибутивна мрежа за природен гас за Скопскиот, Источниот и Западниот дел на државата, е да се обезбедат подобри услови за граѓаните и компаниите.
Ова се вели во реакцијата на Министерството за транспорт и врски(МТВ), на соопштението од СДСМ, во кое социјалдемократите ја обвинија актуелната власт дека не сака да ја гасифицира земјата, туку дека со поништувањето на постапките има за цел да земе нови провизии од новите физибилити студии.„Со цел да се зголеми атрактивноста на проектот, да се обезбедат подобри услови за граѓаните, економските субјекти и потенцијалните инвеститори, одлучено е да бидат поништени постапките за изградба на дистрибутивна мрежа за природен гас за Скопскиот, Источниот и Западниот дел на државата и наскоро да бидат распишани нови постапки преку кои се зголемува можноста и извесноста за брза реализација на целиот проект за секундарна гасификација на државата“, се вели во реакцијата на Министерството за транспорт и врски.Од ова Министерство појаснуваат дека со тоа не се предизвикуваат никакви трошоци за граѓаните затоа што и при новите постапки ќе се работи врз основа на истите физибилити студии и останати акти и документи кои ја уредуваат оваа материја.„Во изминатиот период тимови од Владата, во кои партиципираа и стручни лица и експерти од оваа област, извршија анализа на целокупниот процес, при што беше заклучено дека новите моменти кои се присутни на пазарот на природен гас во регионот и пошироко придонесуваат за потреба од нови решенија во овој процес, со што би се зголемила атрактивноста за инвестирање на приватен капитал во самиот проект, што, пак, од своја страна, би придонело за подобра заштита на интересите на граѓаните и економските субјекти кои во идниот период би го користеле природниот гас за своите потреби“, се вели во реакцијата. Понатаму се додава дека наскоро се очекува да бидат усвоени новите одлуки со кои ќе се распишат нови постапки за изградба на дистрибутивна мрежа на природен гас преку јавно-приватно партнерство и тоа за сите три предвидени региони, Скопскиот, Западниот дел на државата и Источниот дел на државата и тоа со инкорпорирани нови подобрени услови.„Со тоа очекуваме овој процес да добие во квалитет во динамика и во унапредени можности за извесна успешна завршница која ќе биде во интерес на граѓаните и економските субјекти“, пишува во реакцијата. Од Министерството потсетуваат дека интензивно се работи на изградба на примарната гасоводна мрежа, односно на магистралните гасоводи Клечовце –Штип, Штип-Неготино, Неготино-Битола, Скопје-Гостивар. Во наредниот период најавуваат дека ќе се изградат и магистралните делници Гостивар –Кичево, делница Штип – Хамзали – Струмица – Гевгелија како и крак за ТЕЦ Неготино. Паралелно со изградба на овие делници кои се дел од националниот гасоводен систем. Македонски Енергетски Ресурси во наредниот период ќе подготви и проектна документација и за следните делници: Крак за Свети Николе – Велес во должина од 27 километри, Крак за Гевгелија во должина од 7 километри , Крак за Демир Капија во должина од 12 километри , Вршаково-Кочани-Разловци во должина од 66 километри , Крак за ТЕЦ Осломеј во должина од 3 километри ,Крак за Пробиштип во должина од 13 километри , Кичево – Охрид – Струга во должина од 63 километри. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.