Контакт

Политика

Величковски: Не сме либерали за да им правиме ќеиф на другите

Објавено пред

Ние не сме либерали за да им правиме ќеифи на конзервативци и социјалдемократи, ние сме либерали зошто сме и ќе останеме либерали, а по изборите правиме централно-левичарска влада, без ВМРО-ДПМНЕ и без ДУИ, порача во саботата на срдбата со граѓаните во Прилеп, Ивон Величковски, претседател на Либералната партија.

dobivaj vesti na viber

„Излеговме со една алтернативна понуда, која излегува над денешниот дискурс во политичката расправа и која сака да се посвети на трите клучни прашања за РМ – економија, стабилна држава и образование и млади. Да не се лажеме, тоа се трите предизвика кои ќе останат пред нас и сега и по изборите, уште долги години. Овие избори не се ниту за федерализација, ниту за промена на Устав, ниту за двојазичност. Овие избори се за консолидирање на институциите… затоа што институциите се тие што ги бранат интересите на граѓаните и ги бранат и штитат правата на човекот и граѓанинот. А има ли поголемо право од правото на живот и правото на сопственост? …Контролата врз службите не можам да ја вршам ниту јас поединечно ниту вие поединечно, туку може да ја вршат институциите. Една од нив е Собранието. Тоа значи дека треба да видите колку пари се потрошени за нивното работење, за кој тип на операции… Тоа не е обична статистика. Но за да спречиме службите да излезат надвор од своите рамки и наместо заштита на системот, да станат дел од партискиот систем што го киднапира државниот систем, потребна е цивилната контрола врз нив – истакна претседателот на Либералната партија, Величковски, осврнувајќи се на централните прашања во изборите“, рече Величковски.

Истакна дека конкурентноста сакаат да ја постигнеме, во прв ред, во поширокиот регион, односно поранешните југословенски пазари, плус Албанија, Бугарија, Романија…,

„Сакаме да ги искористиме поволностите на ЦЕФТА, затоа што за нас во моментов е битно како да има барем еден македонски производ во секој дом на Балканот, некаде маса, некаде тутун, некаде јаболка, некаде некој друг тип на производ. Ние не се срамиме што во Македонија не произведуваме микрочипови, но се срамиме тоа што го произведуваме да не може да стигне до пазарите и да биде конкурентно. Е тука е нашата цел – да ја оспособиме економијата, оспособувајќи ги претприемачите. Малите и средните компании собираат 70 отсто работна сила во себе од вкупната работна сила во стопанството. Затоа мора да се поведе внимание како претприемачот да го одржиме, да го негуваме, да му овозможиме да се развие, со минимум административни бариери, и затоа всушност забележувате дека се враќаме на некои основни либерални постулати познати од доцните осумдесетти и раните деведесетти години, кои всушност се постулатите на Реформистите. И од тоа позитивно наследство ние не се откажуваме“, рече Величковски на средбата со активисти, стопанственици и заинтересирани граѓани во Прилеп“.
За причините за самостоен настап, претседателот Величковски потсети дека :

„Велат дека изборниот модел не ни бил наклонет. Верувајте дека ова е повеќе наклонет изборен модел за малите партии одошто она за што тивко сакаше да се договори пржинската четворка, т.н. една изборна единица со затворени листи и со 5 отсто изборен праг. И кажувам дека и ние бевме дел од тие кои се обидоа проектот за вештачко качување на цензусот да биде скинат. И во тоа имавме разбирање од странските учесници во процесот. Но, општата желба на големите партии беше да изборниот модел остане непроменет. Затоа што не веруваа дека ќе излеземе самостојно на избори. Прво не веруваа дека сме одлучиле самостојно да одиме и не веруваа дека ќе останеме на зборот. Потоа кога сфатија дека е така, се потсмеваа и велеа дека нема да направиме листи. Е сега не се потсмеваат веќе. И конечно доаѓа делот кога велат „немојте да гласате за малите партии затоа што тие ги одземаат нашите гласови“. Па слушам денеска некои патетични повици да се откажат малите партии од учество на избори и да повикаат на поддршка на големите. „Абе луѓе, па ние не сме либерали за да им правиме ќеифи на конзервативци и на социјалдемократи, ние сме либерали зошто сме и зошто ќе останеме либерали, и тука отстапка нема. А гарантираме дека по изборите ќе правиме централно-левичарска влада, минус ВМРО-ДПМНЕ и ДУИ, и „или ќе ја направиме таа влада – или ќе ја направиме таа влада“, порача Величковски./крај/мф

Македонија

Гордана Силјановска-Давкова: Однесувањето на ДУИ е врв на султанатот во Македонија

Објавено пред

Денеска, во рамките на својата кампања за претседателка на Македонија, професор д-р Гордана Силјановска-Давкова, одржа говор во Берово.

dobivaj vesti na viber

– Врв на султанатот Македонија е она што се случи во Владата? Сте чуле ли некој премиер, па и некој технички премиер да си го слави роденденот со семејството во Владата. Луѓе, не само што ја приватизираа државата, туку и дворци си направија од државните институции, со сè внуци, со сè фамилија. Затоа јас велам дека се однесуваат како римски конзули, рече Силјановска-Давкова.

Во својот говор Силјановска-Давкова рече: „Од другата страна на Вардар еден друг конзул, еден друг везир, исто така си славеше во она министерство во кое што само 3% има други. Можете да замислите што прави господинот Артан Груби? Му го дава министерството, зградата, на султанот Али Ахмети за тој таму да се среќава со дипломати, па да слави родендени, па дури и да си пее. Тоа ли е држава? Тоа не е држава, тоа е држава во пропаѓање, а не само слаба држава и затоа да не дозволиме да пропадне“.

– Сè додека има горди Македонци, сè додека горди Албанци, Турци, Роми, Власи, Бошњаци, Срби, а тие се овде, во коалицијата, сè додека горди граѓани, мислам дека ние и Беровски и Русински ќе си ги имаме во умот и ќе зачекориме напред, во една нова ера. Инаку, тешко ни се пишува. А, кога мојот противкандидат зборува дека сторил сè што можел, не можам, а да не кажам дека ништо не сторил во овие пет години. Дури ни оние скромни уставни надлежности не ги искористил. Не дека не можел да прочита во Уставот што треба да прави туку оние кои се над него, оние кои ги слуша, му велеле дека не треба сам да одлучува. ,Ти следи не нас, ние ќе си работиме по старо и така ќе си владееме со Македонија како да е пашалак’. Мора да си заминат заради ова!, рече Силјановска-Давкова.

– Каде беше господинот Пендаровски? Каде беше да стави не знам колку вета на катастрофално лошите закони? Згора, замислете, носите закони во интерес на поединци, во интерес на групи, а се повикувате на европско право? И уште се именувате како Европјани. Ма, какви Европјани се тие?!? Тие не се ни западнобалканци. Тие .не се политичари! Тие се погрешни луѓе на погрешни места, погрешни луѓе на Вашите места. Луѓе кои не се избрани за таму, луѓе кои станале министри и пратеници, но не на правен начин туку со политички пазари. Затоа нема невин меѓу нив, поеднакво се одговорни и сите треба да си заминат затоа што наместо за доброто на граѓаните на Македонија, тие си градеа кули, но тоа се кули од пепел, вавилонски кули. Тоа ќе се види на 24 април кога ќе им се урне првата кула, а потоа на 8 мај и втората и кога ќе мора да си заминат, рече Силјановска-Давкова.

– Најважниот предизвик за сите нас е што? Беспоштедната битка со корупцијата и криминалот! Тие се најкорумпираните и криминализираните. Тие се татковците и мајките на корупцијата и криминалот. А, со корупција и криминал не се оди никаде, ни во место не се стои, се пропаѓа, а не ќе оделе тие кон Европската Унија. Запомнете – најстрашна власт е власт во заминување. Затоа прават симулации на некоја парадржава, квазидржава, институции што се нивни. Претпоставувам дека сакаат да предизвикаат национализам, а можеби и се закануваат по безбедноста. Но, мислам дека е крај за тоа. Мислам дека тоа нема да го одобри ниту еден граѓанин на Македонија без оглед на било каква припадност, рече Силјановска-Давкова.

– Луѓето сфатија дека ова се импотентни политичари, дека ова се политичари кои не водат политики, дека ова се политичари кои не се сакаат себеси, се плашат не само од Вас, се плашат од себе, од своите сенки. Затоа сега трчаат по Македонија, во битка по имунитет, мислејќи дека ќе се скријат во парламентот и така ќе бидат заштитени. Не, ништо нема да ги заштити! Ништо нема да ги заштити. Јас сум убедена дека хармонијата, синергијата, на двете глави на извршната власт, претседателската и онаа на владата, заедно со цврстото мнозинство во парламентот, што нема да значи триумфално управување, туку гаранција за спроведување на програмата, е правиот пат за Македонија како горда држава и како твоја држава. Одлуката е во Вашите раце и свесни сте за моментот кој што не смееме да го пропуштиме ако сакаме да живееме во пристојно место, каква што е Македонија, рече Силјановска-Давкова.

 

Прикажи повеќе...

Македонија

Пендаровски: Јас сум ваш, вие сте мои, а сите заедно сме наши – ќе успеееме

Објавено пред

Зборувајќи пред граѓаните на Василево, кандидатот за претседател Стево Пендаровски потенцираше дека Македонија веќе е горда на постигнатото, а со Христијан Мицкоски и Гордана Силјановска-Давкова државата ќе се врати назад во мрачното минато и единаесет годишниот режим, затоа што како што кажа тој, во ВМРО-ДПМНЕ нема никаква промена.

dobivaj vesti na viber

„Дали ако дојдат на власт ќе се однесуваат поинаку? Не, никако. Александар Николоски е до Груевски кога даваат наредба за 27 април, Мицкоски исто на 27ми влегува во парламент и наместо да се извинат тие сега најавуваат амнестија за тој упад. Не треба да им дадете власт“ рече Пендаровски.

Пендаровски повика на силна мобилизација и гласање за бројот еден на 24 април во првиот круг на претседателските избори.

„Не оставајте работите да ги решаваме на 8 мај треба на 24 да им покажеме дека мнозинството наши граѓани не сака да се враќа во мрачните времиња. Немаме луксуз како држава да се враќаме назад и 20 години да чекаме, затоа што сите млади ќе се иселат, а нема држава која може економски да просперира ако нема млади. Ако добиеме доверба со оваа полотичка структура ние за 4 години ќе одиме напред, ќе одиме кон полноправно членство во ЕУ“ порача Пендаровски во општина Василево.

Прикажи повеќе...

Македонија

Османи: Големиот Eвропски фронт ќе биде моќен штит за растечкиот национализам и ќе стане мост кон Брисел

Објавено пред

Кандидатот за претседател на Северна Македонија од Европскиот фронт Бујар Османи денеска ги посети тетовските села почнувајќи од Бозовце, Вешала, Бродец, Шипковица, Лисец, Гајре и др. и разговараше со жителите на овие села за неговата програма како претседател и за крстосницата во која се наоѓа државата што соодветствува со историската важност на неговата кандидатура за претседател.

dobivaj vesti na viber

Османи, нагласувајќи дека како кандидат на Европскиот фронт, односно на девет политички партии и четири заедници, кои вкупно сочинуваат 47 отсто од населението во Северна Македонија, Албанци, Турци, Бошњаци и Роми, додаде дека овојпат шансите се многу сериозни да помине како кандидат Албанец во вториот круг. Земајќи во предвид дека гласовите ќе бидат распределени на 5 кандидати, секој силен на свој начин, тоа му дава предност да оди во вториот круг. „Но, ова бара мобилизација, затоа нема место кое не сум го посетил. И најголемата порака што можеме да ја пратиме е дека сега сме држава на два народа, кои се натпреваруваат во вториот круг за претседател, еден Македонец, еден Албанец. Ова е историска порака. Затоа ве замолувам да се мобилизирате, да овозможите да се пробие оваа бариера, бидејќи се создава еуфорија, а еуфоријата е како лавина од снег што собира се пред себе. Затоа ве повикуваме луѓе, за да ја оствариме оваа историска победа, да одиме во вториот круг“ – побара Османи поддршката од народот.

Меѓу другото, Османи се осврна и на убавините на овие села, споредувајќи ги со швајцарските и австриските туристички места, додавајќи дека ако бевме земја на Европската унија, ќе имаше конкуренција да се посети овој регион. Меѓу другото, тој додаде „ни треба поддршка, ни треба единство овој пат за да можеме да ги реализираме целите што ги започнавме, а целите се добри, намерата е добра: да се создаде полесен живот, подобар живот, да ги задржуваме луѓето овде, да ја донесеме Европа овде а не да се замине таму…ако ја постигнеме таа цел, можам искрено да кажам дека ова ќе биде центар на планинскиот туризам во Европа.

На крајот Османи им се заблагодари на сите жители за поддршката и додаде дека нивниот глас на 24 април ќе ја одреди судбината на изборите на 8 мај. „Ве повикувам во среда да се мобилизираме, да бидеме сите заедно бидејќи оваа одлука во среда, ја одредува насоката во која ќе оди иднината на нашиот народ, на нашата земја“ и подвлече дека за жал се соочуваме и со голема закана што доаѓа од национализмот кој е во постојан раст и се надева дека овој голем Европски фронт што е изграден, ќе стане силен штит кон тој национализам и ќе изгради мост што ќе води до Брисел.

Прикажи повеќе...

Најново

Македонија9 часа

Гордана Силјановска-Давкова: Однесувањето на ДУИ е врв на султанатот во Македонија

Денеска, во рамките на својата кампања за претседателка на Македонија, професор д-р Гордана Силјановска-Давкова, одржа говор во Берово. – Врв...

Свет10 часа

САД изгласа помош на Украина: Ова може да го промени текот на војната

Претставничкиот дом на американскиот Конгрес денеска го изгласа законот за дополнителна помош за Украина, дел од пакетот од 95 милијарди...

Македонија11 часа

Пендаровски: Јас сум ваш, вие сте мои, а сите заедно сме наши – ќе успеееме

Зборувајќи пред граѓаните на Василево, кандидатот за претседател Стево Пендаровски потенцираше дека Македонија веќе е горда на постигнатото, а со...

Македонија11 часа

Ковачевски: Само со ЕУ е можна реална и суштинска промена во нашето општество

Само со ЕУ е можна реална и суштинска промена во нашето општество. Само со ЕУ можеме да ги одобриме состојбите...

Македонија13 часа

Со полициски хеликоптер пренесен македонски државјанин од Унгарија до Скопје

Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до...

Македонија13 часа

Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните

„Во очите на граѓаните има една желба да што побргу заврши сето ова кое што се случуваше шест и половина...

Македонија16 часа

Пендаровски: Прифаќам дебата со сите противкандидати

Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во...

Македонија16 часа

Коалицијата ВЛЕН најавува спектакуларен митинг во понеделник на плоштадот Скендербег – не добиле дозвола на митинг на Плоштад Македонија

Шефовите на изборната кампања на Коалицијата ВЛЕН денеска ја информираа јавноста за централниот митинг што ВЛЕН (ВРЕДИ) планира да го...

Свет16 часа

Лидерот на Хамас пристигна во Истанбул, ќе се сретне со Ердоган

Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува...

Македонија17 часа

Гордана Силјановска Давкова учествуваше на одбележувањето на 75 годишнината од крајот на Граѓанската војна во Грција и 76 годишнината од прогонството на Македонците од егејскиот дел на Македонија

Во организација на Сојузот на здруженијата на Македонците и децата бегалци од Егејскиот дел на Македонија МАКЕДОН, на 20 април...

Регион19 часа

(Видео) Силно невреме со поплави во Грција, Волос без струја

Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а...

Свет20 часа

Десетгодишно дете призна дека убило човек пред две години, полицијата во Тексас во шок

Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им...

Македонија20 часа

Изет Меџити од Берлин: Дијаспората ја совлада Југославија, ќе го совладат и ДУИ

Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората...

Свет20 часа

Северна Кореја тестираше „супер голема“ боева глава за крстосувачка ракета

Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета. Тестот за моќност на...

Македонија22 часа

Во вторник предизборен молк, до тогаш продолжува презентацијата на изборните програми

Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици...

Македонија22 часа

Пендаровски: Понудата на Мицкоски за коалицирање е знак на слабост

Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира...

Македонија22 часа

Силјановска-Давкова со 8 прашања, како граѓаните да се решат дали и за кого ќе гласаат на изборите 

Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики,...

Македонија1 ден

(Видео) Понудата на Мицкоски за коалицирање е знак на слабост, рече Пендаровски

Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира...

Македонија1 ден

Ковачевски до Мицкоски: На Македонија и е потребно национално единство за интеграција во ЕУ, а не за мораториум

Вчера, Мицкоски зборуваше за некакво македонско единство и за мораториуми. За жал, се повеќе и повеќе луѓе сфаќаат дека единствен...

Македонија1 ден

(Видео) Силјановска -Давкова: Пендаровски на многу закони, а и на најважниот, Кривичниот законик не стави вето

„Осум години претседателот повикува на ветинг. Тоа значи или генерален реизбор или пак другата форма на ветинг, кога треба да...