Политика
Заев: Очекувам изборите да се одржат на 11 декември и да бидат фер и демократски
Лидерот на опозицијата е убеден дека до 31-ви август Државната изборна комисија, но и политичките партии ќе ги состават медиумските тела, ад – хок телото и ќе се избере главен уредник на МРТВ и со тоа очекува парламентарните избори да се одржат на 11 декември, како што се најавува.
„Зошто сум убеден? Затоа што тоа повеќе не зависи од некои политички гласања помеѓу партиите, станува технички процес. Државната изборна комисија сум убеден дека ќе го заврши својот дел од прочистувањето на Избирачкиот список заради тоа што и тука нема гласање. Технички да се спроведе тоа што значи регистрација и тоа што значи прераспределба на гласачите од 171 илјада во вториот дел на Избирачкиот список. Очекувам 31 август лидерите на сите 4 политички партии да го конкретизираме, потврдиме 11-ти декември. Од 1-ви семптември очекувам да се формира Владата за спроведување на изборите, тоа се 100 дена до 11-ти декември. Така да Македонија, овој пат, лично јас како шеф на опозицијата, верувам и сите граѓани заедно, да гарантираме регуларни, фер и демократски избори. Гарантираме тајност на гласањето, гарантираме дека граѓаните конечно ќе влијаат со својот глас во каков правец и каква иднина ќе има Македонија“, изјави Заев одговарајќи на новинарски прашања во Охрид.
Тој смета дека тоа што ДПА и ДУИ најавија дека нема да предложат свои претставници во ад хок телото за медиуми не е сценарио за неучество или одлагање на изборите.
„Тие во процесот на преговори беа кренале раце од медиумите, не сакаа да разговараат за овој втор услов, важен беше делот на прочистување на Избирачкиот список и да одиме. Какао што можете да забележите еден дел и меѓународната заедница како фасилитатори дигнаа раце. Не се откажавме. Затоа имаме времено решение, не трајно. Трајното решение за кое што зборува ЗНМ и голем дел од новинарите во Македонија е нешто коешто ние го посакуваме. Но власта не даде поддршка на реформи комплетни, конечни реформи на медиумскиот простор. Сега добивме едно времено решение коешто ќе биде сериозен исчекор и ќе најави квалитетни реформи коишто ќе следуваат пред се после самите избори. Тој основ не е некоја основа, ДУИ или ДПА да не учествуваат или да бараат изговори за одложување на изборите. Впрочем, нивната незаинтересираност беше причина дека ако СДСМ и ВМРО-ДПМНЕ го изнајдат тоа решение, доволно ќе биде гарантирано и за албанските политички партии од власта но и другите опозициони партии коишто постојат во Македонија да имаат подобрување на овие услови како еден од непресушните, најважните моменти за организирање на регуларни, фер и демкратски избори“, изјави Заев.
За изборот на шефот на кабинет на поранешниот директор на УБК, Сашо Мијалков, Тони Јакимовски, за претставник на Македонија во регионалните тела за борба против криминал, Заев верува дека претставниците кои одлучувале не биле информирани дека за него се води истрага за случајот „Тврдина“.
„Се надевам дека таа грешка во периодот којшто доаѓа ќе биде исправена заради тоа што човекот е осомничен со сериозни индикации, за сериозни сомневања, а тоа е дека е еден од најсериозните инволвирани во процесот на незаконското прислушување во Република Македонија“, изјави Заев./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.