Региони
Доделени четвртоноемврските награди на Битола
– (Зоран Пејковски (д.) еден од добитниците на 4-то ноемвриската награда на Битола)
И годинава традиционално по повод ослободувањето на Битола, на свечена манифестација во Народниот театар, беа доделени четвртоноемвриски награди. Општинската награда „4 Ноември“, за животно дело ја доби проф. д-р Вера Стојчевска Антиќ, а принанието им е доделено и на драмскиот писател Зоран Пејковски, на ДОО Битолски весник, ПЗУ Доктор Вангел, фабриката Цермат и актерот Огнен Дранговски..
И годинава традиционално по повод ослободувањето на Битола, на свечена манифестација во Народниот театар, беа доделени четвртоноемвриски награди. Општинската награда „4 Ноември“, за животно дело ја доби проф. д-р Вера Стојчевска Антиќ, а принанието им е доделено и на драмскиот писател Зоран Пејковски, на ДОО Битолски весник, ПЗУ Доктор Вангел, фабриката Цермат и актерот Огнен Дранговски..
Од првата лична творба на д-р Вера Стојчевска Антиќ, појавена и отпечатена во Битола, во 1950 година. До денес нејзиниот опус брои над 800 објавени трудови. Во својот работен век остварила и реализирала бројни дела и дејности во врска со професионалната дејност како историчар на книжевноста, теоретичар и пошироко – компаративни истражувања, балканските книжевности и народни творештва. Нејзината научна дејност е позната во бројни македонски и странски славистички центри која главно се одвивала околу средновековната македонска книжевност, теорија, фолклор со компаративни согледби. За нејзината дејност говорат бројните признанија и награди: „13. Ноември“, „Климент Охридски“, „Гоце Делчев“, „11 Октомври“ и тн.
Оваа година Битолски Весник го прослави својот златен јубилеј 50 години од излегувањето на првиот број отпечатен на 29 април 1964 година.
Зоран Пејковски е награден заради неговиот придонес за збогатување на книжевниот фонд на македонската литература. Тој е поет, драмски писател и публицист забележан во македонската литература со 14 книжевни дела. Во 2014 ги објавува книжевните дела збирката песни „Сега знам“ и драмскиот ракопис „Сите наши кодоши“ со кој го потврди својот висок квалитет на писател, беше посочено на свеченото прогласување на наградите.
Во периодот од 01.08.2013 до 31.07.2014 во ПЗУ Д-р Вангел се запишани 288 новороденчиња, што изнесува 30 отсто од вкупниот број новородени во Општина Битола.
Фабриката „Цермат“ веќе десетина години наназад е единствениот домашен индустриски капацитет за производство на сладоледи.
Огнен Дранговски , актер во Битолскиот народен театар, е награден како еден од најдобрите и најуспешните актери, не само на битолската сцена, туку воопшто и во Република Македонија. Во својата артистичка кариера има одиграно ликови во над 50 театарски остварувања како „Црвено“, „Калеш Анѓа дефинитивно“, „Хенри Шести“и.т.н. Добитник е на наградата Златната маска.
Четвртоноемвриските награди ги додели градоначалникот на општина Битола, Владимир Талески, кој на наградените им посака уште многу натамошни успеси на наградените.
Инаку, наградите беа доделени според одлуката донесена на управниот одбор на Фондот за наградата „4 Ноември“ во состав од: претседателот на Управниот одбор Силвана Ангелевска и членовите Игор Хаџиевски, Соња Карапашовска, Габриела Илиевска, Соња Трпезановска, Снежана Стоилова, Горан Михајловски, Методија Илиевски и Александар Касапов./крај/мф/аш
Извор: opstina, bitola, nagradi,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Торказ се сретна со Џафери и повика на почитување на меѓународните договори од сите страни
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ.
„На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери.
Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.
Македонија
ЦУК: Активни два пожари, вчера регистрирани 26 пожари
Активни се два пожари од вкупно 26 на отворен простор што се регистрирани вчера во државава, информира утрово Центрот за управување со кризи (ЦУК).
-Активни се пожарите во Општина Македонски Брод, село Белица под Солунска Глава, каде што гори ретка борова шума, сува трева и грмушки и во Општина Чашка кај село Крива Круша, каде што гори сува трева и папрат, се наведува во соопштението.
Изгаснатите 24 пожари од вкупно 26 во последното деноноќие биле во:
– Општина Гази Баба, кај клучка кај Арачиново (каде што горела трска);
– Општина Аеродром. покрј ул.„Ѓорѓи Капчев“ (отпадоци);
– Општина Бутел, кај населбара „Кучевишка Бара“ (сува трева);
– Општина Илинден, кај с.Бунарџик (сува трева);
– Општина Новаци, кај с.Бач (сува трева);
– Општина Прилеп, 5 пожари, кај Индустриско училиште (сува трева), с.Селце (сува трева), с.Големо Коњари (сува трева), с.Новоселани (сува трева) и кај Прилепско Езеро (сува трева, грмушки и шума); – Општина Долнени, помеѓу селата Рилево и Сливје (сува трева);
– Општина Кривогаштани, 3 пожари, кај с.Локвени (сува трева), помеѓу Кривогаштани и Врбјни (сува трева) и помеѓу с.Кривогаштани и с.Светомитрани (сува трева);
– Општина Гевгелија, кај с.Ѓавато (сува трева); – Општина Велес, с.Иванковци (сува трева);
– Општина Чашка, с.Стари Град (сува трева и трње);
– Општина Штип, помеѓу конфекција Албатрос и Штипска млекара (сува трева и грмушки);
– Општина Куманово, 2 пожара, с.Карабичани (сува трева) и с.Романовце (стрниште);
– Општина Старо Нагоричане, 2 пожара,: с.Кокино (сува трева и борови гранки); с.Никуљане (стрниште);
– Општина Крива Паланка, с.Луке (букова шума и сува трева) и во – Општина Кратово: с.Татомир (каде што горела сува трева).