Изминатите два дена жителите на една од најубавите и поголеми подбигловски населби – Слепче, доброволно учествуваа во големата работна акција за уредување на главниот локален пат до селото, улиците, како и патот до манастирот „свети Јован Претеча“. 

Речиси не постоеше семејство кое не се одѕва на заедничкиоот повик на раководствата на Црковниот одбор и ба Месната заедница, барем по еден работоспособен да се вклучи и да учествува во големата акција, како што добележуваат мештаните, една од ретко успешните организирани првпат по повеќе од 30 години.

„Како загрижени жители за своето село, не треба постојано да бараме и да очекуваме друг да нѝ ги решава проблемите кога тоа можеме сами да го направиме. Треба да се одучуваме од навиката, постојано да бараме и да чекаме општината да направи нешто за нас, туку да се учиме самите да правиме добри дела за нашата населба“ рече членот на Црковниот одбор, Раде Талевски, кој самиот учествуваше и кординираше дел од акцијата, но и предводеше една група од неколку млади момчиња.

„Ние, кои овде постојано живееме, најнепосредно учествуваме во создавањето на проблемите. Тоа значи дека, со поддршката што ја добиваме од општината, сами треба да учествуваме во нивното решавање“, додаде претседателот на Местната заедница Љубе Неделковски.

Организаторите на акцијата велат дека дека успешноста на дводневната акција немало да биде толкава ако не се вклучел и градоначалникот Љупчо Блажевски. Имено, во деновите што ѝ претходеле на акцијата, општината ангажирала соодветна градежна механизација за расчистување на некоку локации во селото, како и за расчистување на одводните канали покрај локалниот пат што беа оштетени за време на поплавите. Исто така општината обезбедила и доволни количини на тампон што Слепчани го положија на неколку оштетувања на банкините долж патот, од Демир Хисар, па сé до манастирот „свети Јован Претеча“.

„Денеска сите бевме само слепчани, иако меѓу нас има лица од најразлични возрасти, занимања и професии. Слепче е нашиот дом, нашето животно секојдневие кое му го оставаме во наследство на помладите. Ние слепчаните сме познати по традиционалната тврдокорна поврзаност и приврзаност со своите корени и кон своето село, и воопшти не ни е сеедно дали животот ќе го продолжиме во заедништво. Овие два дена се покажа дека чувството за заедништво и припадност еден кон друг не се искоренило, и затоа се радувам што одѕивот е толку голем “, вели учесник во акцијата кој сакаше да остане анонимен, еден од стотината учесници во акцијата кој е со високо академски образование и титула и извршува висока јавна функција.

Слепчани не паметат кога последен пат организирани на ваков начи сработиле нешто. Повозрастните се сеќаваат дека последен пат тоа е направено во почетокот и средината на 1980-те, кога се асфалтирал патот, кога се градел домот на културата и уште неколку други поводи. И повозрастните и помладите се радуваат и се горди на учинокот, но најмногу што дводневната работна акција беше своевидно воскресение на старот дух на заедништво, но и промоција на нофи форми на заедништво што во ова турбулентно време се многу повеќе од потребни.

Со симболечен доброволен паричен влог, акцијата ја поддржаа и помогнаа семејствата што од здравствени или други причини, физички не можеа да учествуваат, како и угостителските објекти кои акцијата ја помогнаа со донирање храна и пијалоци./крај/мф/одм

Извор: Макфакс