Контакт

Региони

Нова пешачка патека во штипската населба 8-ми Ноември

Објавено пред

Новата пешачка патека што е изградена од населбата 8-ми Ноември до Ново село, околу реката Брегалница во Штип, во петок беше пуштена во употреба.  

Просторот околу Исарот кој со децении беше запуштен и руиниран со старите објекти кои беа срушени,  конечно се уреди со изградбата на три километарската патека, пренесува 1.мк. Според планот на штипскиот градоначалник, Илчо Захариев, патеката треба да биде долга седум километри, почнувајќи од бањата Кежовица до приградската населба Стар Караорман: 

„Се собравме овде за да дадеме нешто во употреба што во историјата на овој древен град не се случило досега. Се наоѓа на ова историско и легендарно место, кај тунелот зад Исарот што води до врвот на тврдината. Го оплеменивме целиот овој простор за да ги оживееме нашите стари легенди. Но, знајте кога деновиве доаѓавме овде заедно со штипските ентузијасти да работиме на изградбата на трим патеката сретнавме луѓе и од Дузлакот. И сега има граѓани од Бабите и од другите подалечни населби во Штип и секако најмногу од Ново село и 8 Ноември. Ја подаруваме оваа патека на сите, да шетаат, да уживаат покрај Брегалница. Младите да рекреираат. Ја подаруваме оваа патека и на пензионерите и тие да шетаат, да дишат чист воздух да се подмладуваат. Ако имате и најмала тага, прошетајте овде, тагата ќе ви помине. Ќе ви биде навистина попријатно“. 

Инаку, пешачката патека овозможува за прв пат пристап и зад градската гордост, Исарот кој до сега беше недостапен за штипјани. Со патеката која почнува од кај камениот мост, продолжува околу стадионот и под мостот кај булеварот „Гоце Делчев“, патеката врти зад Исарот и продолжува кон Ново Село. 

Со можност за излегување на неа од повеќе места, со осветлувањето и поставените клупи, штипјани добија нов, уникатен и прекрасен простор за одморање, рекреација и уживање. Овој простор и дополнително ќе се уреди со поставување на спортски игралишта.крај/мф

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Битолчаните кои претрпеле штети од поројниот дожд ќе може да аплицираат за помош од општината

Објавено пред

По обилните врнежи од дожд, кои синоќа ја зафатија Битола и по целоноќните интервенции на терен од страна на екипите, денес увид на најпогодените локации во градот, изврши битолската градоначалничка Наташа Петровска, заедно со директорите на јавните претпријатија.

„За жал во текот на вчерашниот ден, краткотрајно но сепак драматично, Општина Битола ја зафати невреме. 36 литри на метар квадратен наврнаа за само 15 минути, или во текот на 24 часа, 54 литри на метар квадратен, а само за споредба, во Прилепско наврнаа 12 литри на метар квадратен. Тоа потврдува дека бевме на удар на невремето. Но, веднаш, по првите повици, јавните претпријатија, вклучително и пожарната делуваа на терен, се одржа Кризен штаб на кој се информиравме што дотогаш е направено и се дадоа натамошни напатствија на делување. Се работеше во текот на целата ноќ на расчистување на критичните точки, а она што следува во текот на денот е расчистување и дезинфекција која е значајна, особено во овие околности“, рече Петровска.

Надлежните служби во Битола во текот на ноќта веднаш по обилните дождови реагирале на терен со севкупната механизација.

Интервенциите се одвивале во населбите Карпош, Јени Маале, на влезот во Битола М5, кај бензинската станица на Лук Оил, кружниот тек на Дулие, Горно Оризари, кај училиштето Тодор Ангелевски, на улицата Дебарска во населбата Баир и на други локации по повик на граѓаните.

„Карактеристично и забележително беше тоа што веднаш по запирањето на дождот, од повеќето критични точки водата се повлече, што покажува дека сепак повеќе дискутабилна била поројноста на дождот, отколку канализациониот систем. Денес ќе имаме нов кризен штаб, на кој ќе имаме согледување за состојбата, но и да имаме целосна подготвеност за она што евентуално би следувало“, посочи Петровска.

Битолчанецот Крсте Трајчевски, чија визба била целосно поплавена, а половично и неговиот автомобил, истакна дека овој проблем жителите на неговата улицата го имаат откако се затворил каналскиот систам поради изградбата на улицата „Железничка“ пред десетина години.

„Заврна голем дожд, дојде водата и нема кај да избега, зошто каналот, испустот према пругата е затворен. Со новиот пат кога го правеа, со новиот колектор, не пуштија цевка. Каналот ќе се наполни, кога ќе дојде оваа вода од нашата улица тој е веќе полн и водата нема каде да оди. Тоа е голем проблем кој ни го направија. Претходно си имаше канал, си одеше водата надолу. Но кога ја правеа улица Железничка пред околу десетина години ни го затворија и сега со секој поголем дожд имаме проблеми“, рече Трајчевски.

Градоначалничката Петровска посочи дека општината на својата веб-страница денеска ќе истакне повик до граѓаните кои што претрпеле штети да достават барање, за по комисискиот увид да им се даде одредена помош.

Прикажи повеќе...

Македонија

Во Битола се санираат штeтите предизвикани од попладневниот пороен дожд

Објавено пред

Во Битола за само 15-тина минути попладнево наврнале над 40 литри дожд на метар квадратен, што предизвика поплави на одредени улици и домови во градот, соопштија локалните власти.

Надлежните служби интервенирале и со градобијни ракети за растерување на тешки облаци со град.

Според информациите од терен, забележани се многу електрични празнења, кои дополнително ги отежнале напорите на службите за враќање на ситуацијата во нормала.

Од општина Битола соопштија дека веќе е интервенирано во населбите Карпош, Јени Маале, населбите Баир, Дулие и влезот кај „Лук Оил“ и улицата „Иван Милутиновиќ“.

Градските власти информираат дека стапиле во контакт со екипите на ЕВН, за постапување по нивните надлежности, а поддршка на терен ќе даде и Дирекцијата за заштита и спасување.

Прикажи повеќе...

Македонија

Чулев со велосипедската полиција во обиколка на Охрид

Објавено пред

Министерот за внатрешни работи Наќе Чулев денеска оствари работна посета на СВР Охрид, а воедно ја посети и Полициската станица за безбедност на патниот сообраќајот, како и езерската полиција. Во рамките на средбата со раководството на СВР Охрид, министерот Чулев беше информиран за актуелната безбедносна состојба на подрачјето на овој сектор за внатрешни работи, која е на високо ниво, а за пофалба е фактот што во изминатиот период од страна на криминалистичката полиција во Охрид расветлени се 30 тешки кражби во викенд куќи во туристичките наслеби Лагадин и Елешец. Исто така, во фокусот на денешниот состанок во СВР Охрид беа парламетнарните избори кои ќе се одржат на 15-ти јули.

Министерот Чулев нагласи дека цврсто стои зад определбата истите да се спроведат со највисоко ниво на професионалност и неселективност од страна на полициските службеници и апелираше тие да постапуваат со еднаков пристап кон секој што ќе ги прекрши законските одредби, независно од неговата етничка или политичка определба. Од страна на раководството на секторот за внатрешни работи министерот Чулев беше запознат дека мапирани се критичните точки каде во изминатите изборни циклуси биле евидентирани изборни нерегуларности и истите ќе бидат покриени со зголемени полициски сили.

Покрај ова, министерот Чулев во текот на работната посета на СВР Охрид, учествуваше и во превентивната акција заедно велосипедската полициска патрола при што за граѓаните се делеа маски во централното градско подрачје, а во текот на вчерашната вечер беше дел иста таква активност која се спроведе во соработка со Советите на родители од неколку образовни центри во градот при што посети повеќе угостителски објекти во градот каде се собираат млади луѓе и им укажа на потребата од почитување на мерките и одлуките донесени од владата, а кои се насочени кон заштита на здравјето на граѓаните.

На средбата, пак, со челните луѓе на Полициската станица за безбедност на патниот сообраќај министерот Чулев беше информиран дека во изминатиот период забележано е значителено намалување на бројот на сообраќајни незгоди на подрачјето на СВР Охрид.

Полициските службеници од езерската полиција, реферираа за активностите кои тие ги преземаат, а се насочени кон сузбивање на прекуграничниот криминалитет по езерски пат и заштита на рибниот фонд во услови кога Охридското езеро сеуште нема концесионер. На сите овие средби и состаноци министерот Чулев потенцираше дека кадровската и материјална опременост е исклучително значајна за функционирање на министерството за внатрешни работи и во таа насока во следниот период ќе се преземат активности со кои кадровски ќе се екипираат организациските единици каде е потребно тоа, но и на располагање на полициските службеници ќе им стави неопходната опрема со која ефикасно ќе ги извршуваат работните задачи и ќе ја подигнат ефикасноста на Министерството за внатрешни работи. “Европските интеграции на нашата држава наложуваат првенствено кадарот во министерството за внатрешни работи да биде стручен и компетентен, а потоа да ги има сите неопходни материјално – технички средства. Во таа насока во следниот период ќе работиме на алоцирање на финансиските средства на министерството за внатрешни работи во оние сегменти каде има најголема потреба од тоа“, заклучи Чулев.

Прикажи повеќе...

Најново

Аја Софија, Истанбул Аја Софија, Истанбул
Регион18 минути

„Аја Софија“ повторно стана џамија

Турскиот претседател, Реџеп Таип Ердоган, денеска потпиша декрет со кој музејот „Аја Софија“ во Истанбул повторно станува џамија. Ова следи...

Македонија2 часа

Излекуван пациент кај кого коронавирусот предизвикал воспаление на мозокот

Во ГОБ „8 Септември“ е излекуван пациент кај кого коронавирусот предизвикал воспаление на мозокот, соопшти министерот за здравство, Венко Филипче....

Македонија3 часа

Патниците од регионот не треба да приложуваат негативни тестови ако само транзитираат низ земјава

Главниот координативен кризен штаб ги објави насоките и пропозициите врз основа на кои државјаните на Србија, Косово, Црна Гора и...

Македонија4 часа

Шест смртни случаи и 205 новозаболени од коронавирус во Македонија

Во последните 24 часа во Македонија се регистрирани шест смртни случаи и 205 новозаболени од коронавирус. Оздравени се 336 заболени....

Македонија4 часа

Затворени две текстилни фабрики во Свети Николе, пријавени се случаи на коронавирус

Двете фабрики на конфекцијата „Мода“ во Свети Николе ги затворија погоните по појавата на случаи на коронавирус, соопшти градоначалникот на...

Македонија4 часа

Петровска за случајот во Штип: Не станува збор за поткуп на гласачи, туку за економски криминал

„Очајници прават очајнички потези“, напиша заменик-министерката за внатрешни работи, Славјанка Петровска, во врска со објавата на министерот Наќе Чулев за...

Македонија6 часа

(Видео) Јанушев: Очекуваме победа и ќе коалицираме со оние што ќе ја прифатат нашата програма

Опозициската ВМРО-ДПМНЕ очекува победнички изборен резултат и мандат за формирање влада, изјави генералниот секретар на партијата, Игор Јанушев, во интервју...

Свет6 часа

Казахстан ги негира кинеските тврдења дека во земјата има пневмонија поопасна од Кoвид-19

Министерството за здравство на Казахстан ги отфрли кинеските тврдења дека во земјата циркулира непозната пневмонија, која е посмртоносна од коронавирусот....

Топ6 часа

Пронајдени 26 украдени велосипеди, приведени крадци во Скопје

Три лица се приведени под сомнение дека краделе велосипеди од подруми и станови во Скопје. Е. М. (24) и А....

Топ7 часа

Сопственик на продавница им ветувал на купувачите дека ќе им ги прости долговите ако гласаат за СДСМ

Сопственик на продавница во Штип ветувал дека ќе им избрише долг на неколку лица ако на изборите гласаат за СДСМ,...

Регион8 часа

(Видео) Протестите во Белград поминаа мирно, се играше и оро

Во Србија се одржаа нови протести против мерките воведени поради епидемијата на коронавирус и против владата на Александар Вучиќ. По...

Македонија8 часа

Гласот за ДУИ е глас за ВМРО-ДПМНЕ, порача Оливер Спасовски од Тетовско

Граѓаните се сигурни со концептот едно општество за сите, гласот за ДУИ е глас за ВМРО-ДПМНЕ и тие се опасност,...

Свет9 часа

СЗО: Итно е потребно понатамошно истражување за пренoс на коронавирусот преку воздухот

Светската здравствена организација (СЗО) објави нови насоки за коронавирусот, кои признаваат некои извештаи за пренесување на вирусот преку воздухот, но...

Македонија10 часа

Италија забрани влез за граѓани од Македонија и уште 12 земји

Италија ги затвори своите граници за 13 земји, вклучително и за Македонија, сметајќи ги за најризични места за ширење на...

Македонија10 часа

Хоспитализирани се 412 заразени лица во земјата

Во моментов низ болниците во земјава, хоспитализирани се 412 лица кои се позитивни на ковид-19. На Инфективната клиника вкупно се...

Македонија11 час

Мицкоски: Се обврзуваме на минимална плата од 18.000 денари која ќе расте со просечната

Претседателот на ВМРО-ДПМНЕ, Христијан Мицкоски синоќа посочи дека до крајот на мандатот на владата на ВМРО-ДПМНЕ минималната плата ќе стигне...

Македонија21 час

(Интервју) Најчевска: Уставниот суд носи скандалозни одлуки

За скандалозните одлуки на Уставниот суд, довербата во институциите, за максималното почитување на човековите права, заложбите за истополови бракови, декриминализација...

Македонија22 часа

Заев најави укинување на министрите без ресор и отворање агенции и директорати

Ќе градиме уште поотчетна и потранспарентна влада која ќе работи за народот, за унапредување на правата на сите граѓани, порача...

Македонија24 часа

Бојан Јовановски пријави 40 функционери и бизнисмени: „Ќе ме спречат само ако посегнат по мојот живот“

Осудениот во случајот „Рекет“ Бојан Јовановски преку писмо соопшти дека кривично ќе гони 40-ина функционери и бизнисмени порди злоупотреба на...

Македонија1 ден

Косово бара да се преиспита одлуката за влез во земјава со негативен тест

Косовскиот министер за здравство, Арменд Земај, побара од Македонија да ја преиспита одлуката за задолжителни тестови за влез на косовските...

Досие