Неколку месеци 119 семејства од категоријата социјални, во Прилеп, Ресен и во Демир Хисар, не можат да се вселат во доделените станови од државата, затоа што од министерството за труд и социјална политика тврдат дека од конечната листа исфрлено е лице од категоријата „дете без родители и самохрана мајка“, а од министерството за транспорт и врски тврдат дека министерката Ременски сака да всели во стан лице кое е блиско до висок функционер на СДСМ.
 

Неколку месеци 119 семејства од категоријата социјални, во Прилеп, Ресен и во Демир Хисар, не можат да се вселат во доделените станови од државата, затоа што од министерството за труд и социјална политика тврдат дека од конечната листа исфрлено е лице од категоријата „дете без родители и самохрана мајка“, а од министерството за транспорт и врски тврдат дека министерката Ременски сака да всели во стан лице кое е блиско до висок функционер на СДСМ.

Неколкупати, лицата кои ги добија становите организираа и протести пред зградата во Прилеп, повикувајќи ја министерката за труд и социјална работа Фросина Ташевска-Ременски, да го потпише решенијата, а во вторник, таа излезе на прес-конференција и рече дека одговорот за тоа треба да го побараат од Министерството за транспорт и врски, а не од неа како министер бидејќи, таа немаола никакви надлежности во постапката за доделување социјални станови или потпишување решенија.„Овие лица одговорот треба да го побараат од Министерството за транспорт и врски, а не од Министерството за труд и социјална политика и од мене како министер, бидејќи јас немам никакви надлежности во постапката за доделување социјални станови или потпишување решенија“, рече Ташевска¬-Ременски.Таа појасни дека Комисијата за распределба на станови по Одлуката за распределба на социјални станови како и условите за нивно користење, имала за цел во транспарентна постапка да ја реализира распределбата на 76 станови во Прилеп, 25 станови во Демир Хисар и 18 станови во Ресен.„Во фазата на софтверско прелиминарно рангирање на добитниците на социјални станови и изготвена листа, од непознати причини, Министерството за транспорт и врски одлучи да исклучи добитничка на социјален стан од Прилеп, рангирана во категоријата „деца без родители и самохрана мајка“. Преку МТСП беше побарано ЦСР Прилеп да направи дополнителен увид на што беше одговорено позитивно во најбрз можен рок. И ЦСР Прилеп и членовите на Комисијата добија потврда на веќе востановената состојба и услови за живот на добитничката на социјален стан која беше исфрлена од прелиминарната листа. Без да ги земе предвид бараните информации, Министерството за транспорт и врски самостојно ги изготви записниците и конечната ранг-листа за распределба на 76 станови во Прилеп“, потенцира министерката Ташевска¬-Ременски.Дополнително појасни дека Министерството за труд и социјална политика, доставило допис до министерот за транспорт и врски на 3 мај 2016 година, побарало најитно да се надмине овој пропуст со професионално и стручно решение, еднакво учество и еднаква одговорност на сите членови во оваа комисија.„Не станува збор за никакво влијание врз членовите во Комисијата од МТСП, туку барање за почитување на утврдените процедури и правила на одлучување кои сите имаат должност да ги почитуваат. До денес Министерството за транспорт и врски не најде за потребно да пристапи кон решавање на проблемот што сами го создадоа“, рече министерката Ташевска¬-Ременски.Од Министерството за транспорт и врски денеска преку соопштение реагира на прес–конференцијата на министерката за труд и социјална политика Ташевска-Ременски на која таа го обвини ова Министерство дека е одговорно за недоделувањето на социјалните станови.„Техничката министерка Ременски говори невистини и зборува за некаква партиска распределба на социјални станови. Таа е истата Ременски која 119 семејства држи во заложништво веќе неколку месеци уценувајќи ја Комисијата стан да добие лице од Прилеп кое е во роднински односи со висок функционер на СДСМ“, се вели во реакцијата од Министерството за транспорт и врски.Потенцираат дека Министерството за транспорт и врски нема да дозволи становите да се делат по партиска линија и по лично барање на техничката министерка Ременски. Социјалните станови се изградени за згрижување на најранливите категории на граѓани и само тие што ги исполнуваат условите согласно критериумите што се пропишани во Правилникот, ќе можат да се вселат во нив, се вели во писмената реакција од Министерството./крај/мф/бб