Региони
Реконструиран водоводот во Прибилци, демирхисарско
Општината Демир Хисар и тамошното јавно претпријатие „Комуналец“ го одржаа своето ветување за два до три дена да се изврши реконструкција на дел од водоводната мрежа во селото Прибилци, рече градоначалникот Љупчо Блажевски кој заедно со директорот на „Комуналец“ Пецо Наловски, во четвртокот го посети Прибилци за да се информира за текот на работите.
Блажевски притоа истакна дека само два дена по неговата средба со прибилчани во рамките на неговите редовни посети, стручен тим на ЈП „Комуналец“ изврши снимање на теренот и процена каде треба да се изведуваат градежните работи, а ваќе следниот ден на терен излезе и механизацијата и водоинсталатерската екипа.
Во рамките на реконструкцијата, извршен е целосно нов ископ на канал каде што се положува ново водоводно црево со соодветен на потребите профил, а неколкуте Долномаалски семејства со вода ќе се снабдуваат преку нови приклучоци и без дополнителен надоместок.
Со овој заеднички зафат на општината Демир Хисар, комуналното претпријатие и месната заедница Прибилци, се решава повеќегодишниот проблем што потрошувачите од овој дел на селото и „Комуналец“ го имаа при зголемувањето на водниот притисок.
„На граѓаните кои ги плаќаат комуналните услуги мора да им се обезбеди квалитетно водоснабдување. Во Прибилци тоа го постигнавме по преземањето на управување на водоводот од страна на ’Комуналец’. Така е и во останатите населени места каде што јавното претпријатие се грижи за одржувањето на водоводните системи, што ќе рече, овој пример треба да го следат и останатите – поради законската обврска, но и од практични причини коишто можат да чинат многу повеќе пари кога, на пример, ќе се ’набилдаат’ сметките за струја или кога ќе се случи некој посериозен дефект“, рече градоначалникот Блажевски.
Реконструкцијата на дел од водоводната мрежа во Прибилци беше еден од предлозите на жителите од Долно маало при посетата на градоначалникот на ова населено место во неделата./крај/мф/дв
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Региони
Поради магла и загаден воздух, откажани летовите на аеродромот во Сараево
Поради лошите временски услови предизвикани од магла синоќа и утринава откажани се некои летови на меѓународниот аеродром во Сараево.
Од меѓународниот аеродром во Сараево откажани се летовите кои пристигнуваат од Виена, Истанбул и Загреб, а со тоа и појдовните летови од Сараево.
„Останатите летови засега се на распоред и очекуваме наскоро да се подобрат временските услови на меѓународниот аеродром во Сараево“, велат од аеродромот за сараевската телевизија N1.
Македонија
(Видео) Торказ се сретна со Џафери и повика на почитување на меѓународните договори од сите страни
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ.
„На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери.
Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.