Топла и влажна пролет и малку потопло лето од просекот очекуваат метеоролозите од Управата за хидрометеоролошки работи, за претстојната сезона 2016 година.

На почетокот на април се очекува повеќе сонце и потопло време со помалку облаци и ветер, а трендот на постепено зголемување на температурите на воздухот ќе продолжи и во текот на целиот месец, но и понатаму ќе има периоди со променливи временски услови, вообичаени за април, велат од Управата за хидрометеоролошки работи (УХМР).Во периодот од 4 до 10 април, времето веројатно ќе биде потопло од просечното за овој период. Снежната покривка во западните планински области во Македонија и температурните контрасти не ја исклучуваат можноста за повремени локални влијанија на времето со појава на облаци, ветер и врнежи.Затоплувањето во почетокот на април во комбинација со топењето на снегот и евентуалните врнежи можат да предизвикаат и локални излевања на реките во западна Македонија, велат од УХМР.Анализите на експертите по метеорологија покажуваат дека од крајот на април кон мај ќе продолжи трендот на пораст на дневните температури, т.е. сонце во комбинација со можна попладневна атмосферска нестабилност и влажни процеси во атмосферата, посебно во текот на мај.Во првата половина на летото се предвидува поголемо влијание на суптропскиот појас на висок притисок и циклуси со поинтензивна топлина во јужна Италија и во јужниот дел на Балканот.Деталната анализата на податоците од климатките модели, упатува на сосема мали разлики во однос на отстапувањата на температурите и врнежите за претстојната сезона пролет­лето во однос на просечните, објаснуваат од УХМР.Според сезонските прогнози на Европскиот центар, отстапувањата на просечните температури во приземниот слој на атмосферата и на планините, во претстојната сезона пролет­лето би биле повисоки за околу 0.5­1.0 °C. Во првиот тримесечен период април­мај­јуни нема отстапување во однос на врнежите, додека во јули­август­септември се очекува околу 50 милиметри помала, вкупна сума на врнежи во однос на просечните за вој период.Според експертите од УХМР, во мај ситуацијата е малку поинаква, каде се предвидува сосема мало негативно отстапување на температурите. Во наредните месеци од јуни до септември истите би се движеле во рамките на климатскиот просек. Во однос на врнежите, не се предвидуваат отстапувања, додека во текот на мај можен е благ пораст на аномалијата на врнежите од климатскиот просек, информираат од УХМР.Јуни се очекува да биде посув, со дефицит на врнежи и отстапувања во границите од 0.2­ 0.6 милиметри. Сличен тренд како во јуни се предвидува и во јули додека додека август и септември би биле во границите на просечниот, велат експертите по метеорологија.Во однос на режимот на температурите се очекува позитивно отстапување во интервалот од 1­2 °C во април и мај, додека овој центар предвидува и повисоки температури во однос на климатскиот просек за 2­3 °C во текот на летото јуни и јули. Август ќе биде топол, но со поблаго позитивно отстапување на температурите, додека септември во рамките на просекот. Во поглед на аномалијата на врнежите изразена во проценти овде има поголема варијабилност, така што во пролетните месеци посебно во источните области на земјата постојат изгледи за позитивна аномалија на врнежите изразена во проценти од 0­ 25 %. Слична ситуација се очекува и во месеците јуни и јули, но веќе во наредните месеци август и септември се предвидува негативно процентуално отстапување на месечната сума на врнежи во однос на климатскиот просек, информираат од УХМР./крајмф/бб